بيسان ( بطلة القصة ) : گعدت الصبح ساعة 10 لگيت مرت عمي نور تگعد بينه اني و فاطمة تگول تعالوا اتريگوا گمت اني رحت للحمام غسلت وجهي و فرشت اسناني بعدين نزلت لگيت عمي و ابن عمي احمد و مرت عمي نور گاعدين على طاولة الطعام گلت صباح الخير و گعدت
الكل : صباح النور
محمد ( عم بيسان ) : وين فاطمة ؟
بيسان : بالحمام دا تغسل
محمد : هاا تمام
فاطمة : صباح الخير
الكل : صباح النور
بيسان : اتريگنه بعدين رحنه گعدنه بالصالة ( طبعاً چان يوم سبت ) و گلت عمو
محمد : ها بنيتي
بيسان : اليوم موعدي ساعة 5 يم طبيب الاسنان ( طبعاً اني حاطة تقويم اسنان ) و صديقاتي يريدون يطلعون يتونسون بالمنصور عادي ورا ما اخلص من يم طبيب الاسنان اروح وياهم
محمد : اي عادي روحي بس لتبقين ورا العشرة بالليل
بيسان : حاضر عمو و مرت كم ساعة و كشخت و رحت لعيادة الاسنان انتظرت ربع ساعه و دخلت يم الدكتور سلمت عليه اسمه علي كلش محبوب و خلصت الجلسة بعدين طلعت من العيادة و رحت ويه صديقاتي للمنصور و گعدنه نفتر بمحلات الملابس اني اشتريت كم شغلة بعدين رحنه لمطعم كلش حلو كلما نطلع نروح اله و طلبنه اكل و گعدنه نسولف و نضحك على ما يجي الاكل
