بيسان : مرت 5 اشهر و اتعينت و يوسف چان كلش زين وياي و يحبني و يحضنّي من ننام بس صارت عنده حركات غريبه مثلاً من اگعد بصفه او من اصير قريبه من يمه و هو يكون لازم تليفونه يرتبك و يطلع من التطبيق اللي يكون مشغله بسرعه و حسيت انو عنده شي و قررت انو افتش تليفونه و طبعاً اني ما اعرف رمز تليفونه و هو ميعوف تليفونه دقيقه وحده بس من يدخل للحمام يعوفه فاني صرت من اشوفه يريد يفتح تليفونه اني اسوي حركات لو اسوي نفسي و شويه شويه صرت اعرف كم رقم لحد ما عرفت الرمز كله و بيوم هو راح يسبح و عاف تليفونه و بس دخل للحمام اني اخذت تليفونه و فتشته و اكتشفت انو عنده علاقة بوحدة ، اني انصدمت صدمة حياتي و دورت بالمحادثه اللي بينهم حتى اعرف خاف هو متزوجها او شي بس ماكو شي يدل على انو هو متزوجها و صرت ابچي و اتخبلت و اسم البنيه ريتاج و شفت صورة البنيه حنطاوية و ملامحها عادية و شعرها اسود و عيونها لون بني و شويه طويله يمكن طولها 170 و جسمها رشيق بس اني احلى منها بمليار مره ليش راح يخوني وياها و شفت الهم صور و فيديوهات طالعين يتونسون سوه و طبعاً البنيه محجبه و شفتها دازه ليوسف صور هي لابسه بيها لبس فاضح يعني صلوخ و ملابسه حجاب و گمت ابچي بحرگة و صورت المحادثات كلها اللي بينهم و اخذت صورهم اللي طالعين بيها يتونسون و هم اخذت صورها الفاضحة مالتها و دزيتها الي بعدين حذفتها من تليفونه و ذبيت تليفونه و بصراحة هي دائماً تحچي عليه بس هو ما انطه بيه يمها ، هو طلع من الحمام و اني طلعت المحادثة اللي بينهم و رحت سألته و اني ميته من البچي و گلت اله هاي شنو 😭
