دلهم

part - 12 -

حوراء المحمداوي ... 🔥

بقلمي رواية: « دلهم »
________________________

تدري اشلون اركز بيك مرات

مثل صفنه يتيم بصوره امه

°

°

زيد: بين ما اغير ملابسي اريد الغدا جاهز

ريام: والسفرة

- مو وكتها

:دخل جوا عافني بحزني وصدمتي شنو الخلاه يختلف عليه ليش انطاني امل و خذلني رجعت كعدت على قنفة اجت امي خلت ايده علي كتفي

ام زيد: لا تزعلين يمه واذا على سفرة اروح على ام وسام اتجيب بناتها وتجي ويانا راح نتونس اكثر

:ماهمتني السفرة كد ماهمني زيد
اتوقعت ابروحتنا هاي راح ابني ذكريات وياا راح احس الاول مرة احنا عايشين مثل البشر نطلع ونسولف ونضحك ونخلي هذا اليوم بداية السعادتنا ماتدرين ابكلامة هذا اشكدد كسرني وحطم كلشي خططتله

-اكيد صار شي خلاه ايغير رأيه ما شفتي قبل لا يطلع شلون جان متحمس الروحتنا

:هم شغلة مو

-  …

:عفتها ورحت الغرفتي اتمددت على جرباية وظليت اتصفح بالبرامج اندك الباب سمعت صوت زيد كمت فتحت الباب وصفنت عليه بصدمة ...

امخفف لحيته ولابس مثل لبسي قميص وبنطرون سود وشوز ابيض ابتسم وكال :

زيد: ماردت انروح لان ما جنا نتشابه اما هسه نكدر انروح شوفيني صرت صدك اخوج ابلبس الحداد

ريام: ابتسمت و حضنته
عرفتك مراح تكسرني

زيد: اي واضح عرفتيني موووو يمه

ام زيد: ابضحك
اي يمه كالت زيد راح ايبدل ويجي ما خرب السفرة

زيد : ههههههه
احب صراحتكم

ريام: خل اطلع الغراض قبل لا ايصير شي وتخرب السفرة

زيد: ماتخرب لا اتخافين بس اتغير المكان

: عسما ابحديقة ابو وسام هم قابلة

- هههههههه

:رحت للمطبخ ركض طلعت الكيك و السلطة وديتهن ورجعت على جدر الدولمة وامي طلعت الفراش النكعد عليه خليناهن بالسيارة قفلنا الباب وطلعنا …

الطريق كله اباوعلهم ومبتسمه هاي اول مرة بحياتي نطلع طلعة عائلية وصلنا لجزيرة بغداد جانت الحدائق مليانه عوائل شفنا مكان فارغ فرشنا وخلينا الاكل ...

زيد: جعت خل ناكل بعدها نلعب

ريام:صبيتلهم وكعدنا نتغدا شوي واجت عائلة يمنا هم جايبن اكل وياهم اجت مرة بيدها ماعون برياني