دلهم

part - 36 -

حوراء المحمداوي ...❤️‍🔥

بقلمي رواية: « دلهم »
________________________

ما كنتُ أُؤمِنُ بالعُيون وفِعلِها
‏ حتى دهَتني في الهوى عيناكِ

ريام:غرفة باردة ، ظلام مسيطر على اركانها ، تعجز العين عن مقاومة النوم درت على الجانب الثاني حسيت بأيد احتضنت خصري وانفاسه تضرب بوجهي لحظات توحد نبضي وي ميل الساعة خوف وقلق متناسية النايم يمي منو ... شددت قبضتي ودفعته ، نزلت من الجرباية وركضت فتحت الباب استوقفني صوتة ...

ادهم: ريام !

ريام:توقفت حركتي وصفنت استرجع الصار قرب عليه فتح الضوء ودارني اله ...

ادهم: شبيج !

ريام : هـ هذا انت ا اقصد ليش باقي هنا

ادهم :وهيج اتفززيني

-رجعت شعري ورا اذني ودنكت بحرج
آسفه مو قصدي

:ولا ايهمج ،بيش الساعة

-باوعت على وقت وشهكت بصدمة بـ11:30
هسه شيكولن عليه اهلك

:مايدرون باقي هنا كلتلهم عندي شغل

-وشغليش هذا اليخليك تبقى برا البيت الهيج وقت

:متعودين لان تجيني ايام ما ارجع للبيت

-بشك
يم منو تبقى ؟

:ميخصج

-شنوو ميخصج ؟

:زواجنا اتفاق مو من حقج اتعرفين وين اروح ويم منو ابقى

-نايم بحضني وباقي الهل ساعة ابيتي هذا هم من ظمن الاتفاق !؟

:انتِ اختاريتي هل شي

-شختاريت !

:كلتي زواجنا مجرد اتفاق محد يدخل بالثاني

- يعني تروح يم غيري بحجة زواجنا اتفاق !!؟

: واذا بشنو ايزعجج

-باوعتله بعتب وطلعت من الغرفة

:ريام ، ريام تعااي مو احجي وياج
طلعت وراهاا لكيتها كاعدة بالاستقبال رحت يمها

-شكو اجيت

:عاجبني اكعد هنا

-تمام اخذ راحتك
ردت اطلع مسك ايدي وقرب عليه

:اشبيها حبيبتي

-ميحتاج اتمثل دور الخايف عليه

:فعلا خايف عليج

-وخر

:جنت اتشاقة

- روح اسهر وياهن مراح ادخل بيك

:اورح ابوي ماعندي غيرج وكل طلعاتي جانت للقضايا اضطر ابقى برا البيت

-يعني تبقى برا البيت علمود الشغل