عشقك لعنتي

الفصل 27

لايك و كومنتات كتير عشان توصل لاكبر عدد ممكن من الناس ❤️ رأيك يهمنا ❤️
عشقك_لعنتي
#بقلم_شروق_مجدي.
الفصل 27
صلى على الرسول صلى الله عليه وسلم ♥️
.........................................

ليان بصدمه: كل ده حصل معاكي ياعني انتي مكنتيش مسافره شغل كنتى مسافره تبع المخابرات
لاء وبابا وعمران كمان عارفين

نورهان وهي تنظر للاسفل بحزن : ايوه كنت مسافره عشان ياسر او زيدان بس كل شئ نصيب بقه
ليان : فين اخته سيليا دي
نورهان: في العربيه مع مروان اتحرجت تدخل معايا
عمران وهو يقف ويتجه للخارج : معقول كده يا نورهان الناس برا وانتي قاعده عادي كده هاتي اختك وتعالى نقعد تحت معاهم
ونزل على تحت

نورهان: انتي كويسه صح
ليان بدموع: قالي انه بيحبني ومن زمان مش دلوقتي حكالى كتير اوي حتى الحادث الى حصل له حصل له بسبب خناقه مع نيار عشاني كان عايز يسافر ليا

ابتسمت نور بفرح واكملت ليان وهي تنظر لها : انتي كنتى عارفه صح
نورهان: عمران عمره ما كان بيتعامل معاكي عادي يا ليان كان واضح اوي حبه ليكي بس مكنش لسه فاهم مشاعره دي طب فاكره يوم حفله التخرج بتاعتك فكره الفستان الى كان مفتوح من نص ظهرك فكره يومها عمل اي

ضحكت ليان بقوه وتذكرت ذلك اليوم
فلاش باك

عمران بغيظ: ايوه ايوه يا زفته جاي شيلي ايدك من على ام الجرس ده
وفتح الباب بغيظ : في اي يا بت انتي مكنتش حفله تخرج دي الى قرفتينا بيها

ليان بمرح وهي تضع يدها على شعرها والفستان: اي رايك
كان فستان زهري طويل مقفول من الاعلى برقبه ونص كم وعليه بعض حبات اللؤلؤ وترفع شعرها للاعلى على شكل كعكة وينزل بعض الخصل على وجهها مع قليل من الميكب كانت رائعه الجمال

ابتسم عليها باعجاب شديد وهو يقول: روعه جداااا كانه معمول ليكي يا لولو

نورهان وهي خلفها : طب ندخل ولا اي يا ست انجلينا جولي انتي وانت يا عمران اخلص بقه عشان ننزل

ضحكت ليان بخفه وهي تتجه للداخل : يا بنتي انا احلى من انجلينا جولي
فتح عمران عيونه بذهول فكان الفستان من الظهر مقفول من الاعلى وبه فتحه كبيره من نصف الظهر الى اسفل الظهر عليها شيفون خفيف بنفس لون الفستان ، وايضا بفتحه تبدأ من ركبتها الى الاسفل تظهر جمال ساقيها من الخلف والملفت اكثر هو الحذاء به فيونكه كبيره من الخلف يلفت نظر اي شخص ينظر لها من الخلف

ضحكت نورهان بخبث وهي تربع يدها
التفتت ليان وهي تقول باستغراب: انت مالك مسهم كده لي يلا بقه عشان الحفله

عمران بذهول : حفله حفله اي لفي كده ثواني
اعطت ظهرها له بفرح : حلو أكتر من الظهر صح ورفعت قدميها بغزل وهي تقول: الفيونكه جامده اوي