عشقك لعنتي

الفصل الرابع

#لعنتي_نار_عشقك
#بقلم_شروق_مجدي.
الجزء الثاني الفصل الرابع
صلى على الرسول صلى الله عليه وسلم ♥️
.......................................

اذا لم يزدك البعض حبا ، فانت لم تحب حقا
الحب الصادق لم يقتله الغياب ، ولا يعيقه طريق
ولا يحل مكانه احد ، وتأكد ان العين التي تمتلئ بك
لن تنظر لغيرك حاضرا كنت او غائبا ( منقول )

اتجهت نور للداخل بكل هدوء وكان هو يجلس على الكرسي وبيده بعض الاوراق ويعطي ظهره للباب بمجرد دخولها نظر لها وهو يبتسم بكل وقار ويغلق ما في يده ويقول : اهلا يا نور اتفضلي كنت مستنيكي

ابتسمت وهي تجلس امامه بكل وقار: اهلا يا فندم يا ترى في اي اخبار جديده في امل اننا نلاقيه

ابتسم ادهم وهو يقف ويدور حول المكتب ويجلس امامها : الحقيقه مش عارف في طرف خيط كل ما احاول امسكه بيلف عارفه لما تكوني في حاجه محسوسه وعايزه تحطي ايدك عليها بس مش عارفه عارفه لما تكوني حاسه ان الطرف الخيط قدامك وانت اللي مش عارفه تمسكيه انا حاسس بكده بالضبط كل ما ابدا القضيه من الاول للاخر بحس ان في حاجه ناقصه بس ايه هي انا مش عارفها

تنهدت هي بتعب: يعني برده ما فيش امل ما فيش امل ان انا نلاقيه او نعرف هو فين اذا كان خاين حتى او لا بس يظهر يمكن حتى لما يظهر وهو خاين ابقى مطمنه ابقى عارفه ان انا اخترت غلط لكن كده حاسه اني مش طايله لا سما ولا ارض وحضرتك شايف بابا عمل ايه كان عايز يرفع قضيه طلاق لولا انت اتدخلت وقلت له انا مش هينفع القضيه مخابرات عامه ومش عايزين اي شوشره ومش هينفع يحصل ده الا في وجوده هو

ادهم : ايوه يا نور بس ما تنسيش ان الموضوع عدى عليه سنه وهو كا اب انا حاسس بيه انا برده عندي بنتين صغيرين وفاهم احساسه وانا مش هفضل معلقك كده كتير ده حقه

نور: انا عارفه الى حضرتك تقصده بس كمان قلبي بيقول لي ان هو محتاجلى عارف حضرتك لما حكيت لي حكايتك انت وفيروز صدقني انا حسيت دلوقتي احساسك لما كنت عمال تقول للناس كلها ان انت حاسس انها مش مرتاحه وان في حاجه ناقصه مع ان المفروض انك دفنتها قدامك انا دلوقتي حاسه الاحساس ده في حاجه ناقصه قلبي بيوجعني كل يوم عليه ومش قادره اوصل هو فين حاسه انه محتاج لي ومش عارفه الاقيه

كاد ادهم ان يتحدث ولكن قطعوا صوت طرق الباب
فقال بكل هدوء: ادخل

اتجه الفريق بالكامل للداخل وهو يجلس على طاوله الاجتماعات تحت استغراب نورا الشديد منهم وقف ادهم وهو يقول: تعالي يا نور

اقتربت نور منهم فقال مازن : اهلا يا نونو عامله ايه يا بنتي والله انا شايف انك تفكك من الواد ده انت خساره فيه

ادهم وهو يضع يده في جيبه ببرود ويتنهد بتعب منه : والله انا شايف ان انت اكبر غلط عملته المخابرات وشايف ان تحتفظ برأيك لنفسها