عشقك لعنتي

الفصل الثالث

#لعنتي_نار_عشقك
#بقلم_شروق_مجدي.
الجزء الثاني الفصل الثالث
صلى على الرسول صلى الله عليه وسلم ♥️
.......................................
معلش يا جماعه كان في مشكله معايا في الواتباد والفيسبوك والبارت ما كانش عايز ينزل الحمد لله المشكله اتحلت والبارت هينزل بكره برده في ميعاده هو الثاني الساعه 8:00 زي ما احنا بالظبط

جلس ادهم على الكرسي بتعب وهو يضع يده على راسه : انا ادهم عز الدين الحسيني على اخر الزمن اتحول للتحقيق
حاتم : اكيد في حاجه غلط وبعدين ده تحقيق روتيني ده شخص انت ضمنته وطبيعي ان هو يحققه معاك ان باي صفه ضمنته وهو عمل كده احنا دلوقتي لازم ندور عليه ونسلمه للعداله

مصطفى : فعلا يا ادهم حاتم بيتكلم صح اكيد ده مجرد تحقيق روتيني وهيروح لحاله بلاش تعصب نفسك كده

اتجه مازن للداخل وهو يقول : ادهم حبيبي قلبي عندك والله اول مره في تاريخك المهني يطلع قرار بتحويلك للتحقيق
وجلس على الكرسي المقابل لمكتب ادهم وهو يقول: مالك يا ادهم بقى قلبك ضعيف كده ليه يا اخي فيروز اثرت عليك ولا ايه ازاي بيخدعك نظرك ويضحك عليك ويطلع زيدان مش زي ما انت متوقع ده انت ادهم اللي ما حدش يقدر يضحك عليه الواد علم عليك يا ادهم انا شايفه ان انت محتاج كم يوم اجازه تريح فيهم اعصابك ما بقتش عاجبني في الشغل يا ادهم قلبك بقى رهيف

ظل ادهم ينظر له ببرود شديد وهو يضع يده على رأسه
تحدث مصطفى بتهكم : انت بجد امال مين اللي قال لادهم فين روح القانون يا ادهم وكان صعبان عليه الواد اللي مات ده حاتم حكالي ان شويه وكنت هتنط في قلب النار عشانه

مازن : ايوه بس ما نطتش كنت هنط لكن ما نطيتش لكن ادهم عمل ، ضمن الواد وجابه وهو لبس والمشكله ان ادهم عمر نظرته ما بتخيب بس الظاهر بعد الجواز بقى والخلفه والاولاد مستواه المهني اتغير و قلبه بقى رهيف ما بقاش عنده سنس في .........

بس قطع بقيت كلامه لما وقف ادهم فجاه وسحبه من هدومه وهو بيوقفه وشدوا عليه لدرجه انه خبط في صدر ادهم
اتصدم مازن ورفع ايده لفوق وهو بيقول : في ايه انا أنا كنت بهزر انت عيونك بتطلع نار كده ليه انا كنت بحاول اخرجك من اللي انت فيه يا راجل انت قفوش قوي اهدي اعتبرني ما قلتش حاجه خلاص

ادهم بغضب وهو ما زال متمسك بملابس مازن و الاخر يرفع يده للاعلى بخوف : انت عارف لو سمعت نفسك في الموضوع ده ولا فكرت حتى تتكلم فيه مع نفسك هعلقك في النجفه بتاعه المكتب ده واخلي كل اللي رايح واللي جاي يعلم عليك فتقي شري عشان انا عفاريت الدنيا كلها بتتنطط في وشي ومش ناقصك

وترك فجاه مازن وهو يبعده بقوه عنه وقع الاخر على الكرسي بخوف وهو يعدل ملابسه ويقول : وعليه اعتبرني ما كنتش معاكم اصلا في السفريه دي خالص انا ما كنتش هناك

ابتسم مصطفى وهو ينحني له بجانب اذنه ويتحدث بهمس : انا شايف ان انت تخرج دلوقتي لان ادهم لما بيتكلم ويطلع كلمه مش بيرجع فيها وانت ما بتعرفش تمسك لسانك وهتتكلم برده فبرا احسن يا حبيبي بدل ما يبقى منظرك زباله في الجهاز كله