جحيم فارسي

FIRST ONE

بداية جديدة اسأل الله ان تكون بداية خير
وكَلنا نستمتع بيها ونستفاد من ابطالها
ومواقفهم ...

اترككم تستمتعون بيها، ونسوي التعليقات الحلوة
واللايكات الچثيرة....

~~~~~~~~~~~~~
~~~~~~~~~~~~~

احد الغرف الدافئة
تتغلل اشعه الشمس

من خلال نافذة الغرفة
ليداعب الوجه الملائكي المنغمس
في النوم الذي عند القاء نضره بسيطه
لها وللمكان تفهم هي احد بنات العوائل المترفة

نظراً الى تصميم غُرفة نومها او حَتى
البيت الذي تسكن فيه ..

تفتح حدقتيها متوسطة الحجم بتثاقل أثر
النوم العميق ، تحرگ جسدها لفك تشنجاتها ..

رزان
صباح جديد ، هاديء وَ وحيد كالعادة
رفعت نفسي الفراش دافي وابد مو مال اتركه
وانام بس لازم اگوم ، بعدت البطانيه الورديه
لبست شبشبي ورحت للشباك البردة مفتوحه
وبس التول مسدود ، فتحت الشباك شويه
وصفنت على الحديقة چبيرة والبيت هَم چبير
بس محد عايش بي غيري اني وجدي ..

لبست روبي فَرو ورحت للحمام ، خَلصت روتين
الصبح ، نزلت بخطوات هادئة ، جدو كاعد بالهول
واورق گدامه واللابتوب ..

: صباح الخير جدو ..

الحَكم : صباح النور ، دوام ؟

هزيت راسي اي وتوجهت للمطبخ سحبت
عصير ورحت يم جدو كعدت : هاي ياسنه
انتِ ..

: اخر سنه ادارة اعمال .

الحَكم : ممتاز تطبيقكم شوكت .
رزان : الاستاذ اليوم رح يگول النا هو خَبرنا
گال بـعـد نصف السنه ابلغكم .

اومىء براسه وضل يشتغل وهذا هو عمره
كله ومن وعيت اني على الدنيا هو هذا شغله
وهذا روتينه الاهم بحياته شغله حتى اولاده
"اعمامي واولادهم" مستقرين بالشمال فقط
اني وهو بالعاصمة والسبب مجهول !!

كمت اجهز نفسي للجامعه بـعـد عطلة نصف
السنه ، تنوره سوده مع قميص ابيض وقمصلة
ثخينه ، جهزت نفسي ببساطة ، سحبت رمشي
بمسكارا .

ورمشت اكثر من مره راضيه على نفسي وشكلي
خصوصاً عيني الي لونها اسود طبيعيه جداً ومسحوبه
بس احب عيني كلش..

اخذت جنطتي ونزلت للسايق جدو مامهتم
طلعنا الصبح وكل شخص متوجهه لشغله
وعمله ودوامه ..

رمشت اكثر من مره والتفتت على عمو "رابح"
: عمو بيتنا من زمان هيچ هدوء..

ضحك وهَز راسه "لا" : بيتكم ياحبيبة عمچ
چان سرايا كل شبر بالبيت بي ناس وهوسه واطفال
بيت دافيء عائلي ، يروحون يصيفون سوه جيب
واحد وماعون واحد ، مساندين بعض ..