جحيم فارسي

FIFTH ONE

جحيم فارسي..
الجحيم الرابع ..

~~~~~~~~~~~~~

هدووووء بالمكان كلة صوت النفس ينسمع
انقل عيني للكاعدين كلهم لابسين قوط ومرتبين وريحة العطور تخنگ ,روحي نسحنت سحن ولعبت نفسي ..

اشرلي مستر يزيد حتى اطلع : آنسة رزان
تكدرين تجيبين الفايل من مكتبج الي انطيته آلــچ البارحة..

واخيرًا عمييي خلف الله عليك رديت بأبتسامة : حاضر مستر ..

ومشيت برا الله تنفست رحت بسرعه لمكتبي اخذته للفايل چان على مشروع جديد وبي مشاكل هواية ديحاولون يعدلوها
وحايرين لان مستر هود سافر مموجود ..

دخلت حطيت الفايل اشرلي : ممكن انستي
تعرضية على الشاشة حتى نشوفه احسن..

: حاضر ..خليت الفلاش مال المشروع
باللابتوب وعرضته على الشاشة الچبيرة..

بلشوا يعلقون وشكلهم متوتر وآرائهم متناقضة حيل ساعه ونص تقريبًا طولوا وراها ختم الاجتماع مستر يزيد بجملة وحدة..

: هالكلام مارح يرضي هوود ، يتوقف المشروع الى ان يجي هود ..

الوجوه صفرت وطلعوا ، رحت لمكتبي وهاي صارلنه اسبوعين
اني كالولي تتدربين وي مستر هوود فد كرهت نفسي لكن الحمدلله
طلعتله سفر واجه بس مرتين كالوا وجان بوكتها عندي دوام كلية مو بالشركة..

نزلت لمكتب رهف وميلاد صادفوا انُ نكون بنفس المكان ، سلمت عليهم وعلى الموضفات كعدت يم بنت اسمها دانا حيل هادئة ولطيفة..

حمحمت وقربت راسها يمي: حيل اسفه
على التدخل بس انتبهي من صديقاتچ..

هزيت راسي بحسرة اكيددد حچوا عليه وخزوني ، رفيف تفتر
بالكرسي صارت معاون مديرة الحسابات ورهف وي السكرتيرة ..

حجت رفيف بصوت واضح : شلون سووا هاي الشركة هيچ نظام واضح حيل صارفين ومكلفتهم لهل درجة زنگين مستر هود ..

دخلت بنوته موضفه حشرية وتعرف كلشي : ههههہ حبيبتي هي اصلًا مو كلها لمستر هود ،هو چان عنده اسهم بيها فقط بس من ماتت مرتة صاحبة الشركة والي يزيد يصير اخوها تنازلت اله عن أسهمها كلهن
بالوصية گد ما تحبه..

رزان : ياا خطية ارمل مبين جان هيج عصبي وعبوس..

ضحكت وضربت ايد بأيد ردت دانا
: اصلًا مااعتقد بسببها حبي هو هيج وجهه ومرته اكبر منه بأكثر من ١٠ سنين وزواجهم ماطول اعتقد سنتين وهي تمرضت وماتت..