جحيم فارسي

SECOND ONE

جحيم فارسي
الجحيم الثاني ...

بلعت ريك بخوف وبعدها رجفة الكابوس
بيه ، واگف رامي اخوية الكبير كدام جدي ببرود
وايدي بجيبه : اي خير شرايد..

حَكم : جدك اني تصرف بأحترام وتعال استقر
هنا يمي..

رامي : سبب ..
بلعت ريگي بسبب ملامح جدو العصبية
الي كعد والجگارة بأيده : الموضفين والرؤساء
يكولون ليـشہ ماكو احد من احفادك وولدك..

رفع حاجبه رامي بخزره ختلت يَم الباب وانفاسي
عاليه ، گلبي يأذني مو ينبض لااا يرعد رعد :
ههههہ ماگتلهم السبب افا سيادة المستشار السابق
ماكلت سبب عدم تواجدنا وياك ماگلت الهمم جنت
سبب بكل لعنه صابت هاي العائلة..

صرخ بنهاية كلامه صرخة قويه خلت جدو يوكف
على حيله ويضربه كف قوووي صوته خلاني اشهگ
والتفتوا عليه ثنينهم ..

عيون اشبه بالبراكين
عيون غاضبه
وعيون بريئه خائفه لاتدري ماذا يحصل ..

رَجفف وتقدمت بقلق والكلام يطلع مني
متقطع : شـ شـ شكو..

الحكم : اخوج يتجاوز ولازم يتربى ..
التفتت لرامي مبتسم بحقد وهاي نظرته الدائمه
: اي صح ممتربي والفضل لحضرتك ..

الحكم : راااامي.. لزمني من ايدي رامي وحطلي
ضرف بي فلوس هزيت راسي لا..

: ماريد فلوس على الاقل اسأل عني ..
عينه حُمر باوع بعيني وابتسم بأنزعاج

رامي : راح من بالي بس تذكرت هاي فلوس
راتبچ من شغل ابوي الله يرحمه ..

استحي واخاف احضنه بلعت ريگي وهزيت راسي
اخذت الضرف وضليت واكفه انتبهت على الساعه
5 الفجر ..

الحكم : روحي ارتاحي وراج دوام مو تنسين الي
گلته ، وانت تضل هنا ..

رامي : عشم ابليس حبيبي آتـرخـص رايح
اني لعمامي ..

مفكر ولا مره بحياته ياخذني ويا او يسألني اذا
اريد اجي ويا وماريد افرض نفسي على اي شخص
لو اموت ..

رحت للغرفه فتحت الشباك واخذت ملابسي ورحت
للحمام دخلت جوه دوش مي دافي ، صددداع مو طبيعي لزمني
، نشفت نفسي وباوعت للمرايه وكلام رامي يدور بمخي مال كل مره ، جدو شنو مسوي وهيج ولده يكرهوه ..

تنتهدت والبخار بكل مكان مَسحت المرايه وصفنت
على وجهي عيني مورمه ، لفيت الروب على جسمي
وطلعت شفت تلفوني بي ضوء ..