جحيم فارسي

Third one

جحيم فارسي ...
الجحيم الثالث..

~~~~~~~~~~

فتحت عيني وشي جاثم على صدري وعيني
ملتصقات ، فتحتها شوية شوية فاقدة كلشي
وراسي يوجعني مكان ربطة الشعر ..

رفعت نفسي وتذكرت كلشي بالتدريججج
شهگت بخوف وبلاعيمي مشحووطة ..

التفتت شرطة بباب الصالة وبالمطبخ وبغرفة
جدو وحتى على الدرج واكفين وي عمو ابو نور
واني متغطاية بغطة
وخرته والرجفه بجسمي ، لفت انتباهي جسم
مفتول العضلات وايدة على خصرة واكف وي جدي..

صحت بصوت رايح مبحوح : كَرررم ..
التفت الي بسرعه واني وكعت على القنفه
اجاني وركع على ركبته انتبهت للبسي بجامة
مال نوم انحرجت هو لابس جاكيت ، نزعة ولفة عليه ..

كرم : ها عيني ها هَلي وين اليوجعج .
غطيت وجهي بأيدي وهو يتأفأف وخرت ايدي
وشكلة شايغة روحه يحك بلحيته ويضرب على فخذة
: اريد الزززمج لترجفينننن لترجفيين.

بچيت اكثر واشهك وهو يهدي بيه بصعوبة نطاني
مي شربته واجه رجال متوسط بالعمر شرطي ..

: بنتي تكدرين تحجين الصار ..

برطمت وامسح دموعي وكرم يطحن بروحه
ضليت ساكته وجدو يخزرني وصاح : احجججي
عاااد حيلتمون الجيران ونتخزى ..

كرم فتح عينه على وسعها وكز على اسنانه صار كدامي ابتسم بهدوء :احجي يانور عيني وهَلي شصار ..

المفوض:حضرتك شتصير الها .
صادف نطقنا اني وجدو بنفس الوقت هو گال
: استاذها ، اما اني كلت خطيبي..

كرم : استاذها بالجامعة وخطيبها ..
جدو خزره كرم مانطق بس وريد رگبته طك
لبسني الكبوس مال جاكيت وبلشت اسرد الصار
واكو واحد كاعد يكتب كلشي..

حجه المفوض بشك : عدكم عداوة وي شخص
وخاصة انتِ لأن كم ورقة من الي تخصچ مفقودة ..

بلعت ريگ وصدري ضاق ماعندي اي احد عداوة
وياا ابد ، هزيت راسي مستنكرة : لا لا ابد ماعندي
بَـ بَـس يااوراق مفقودة؟!!..

المفوض: كلها المستنسخه حسب علمي شهادة
ميلاد ، هوية احولل مدنية ، واشياء تخص دراستج
وجامعتج ، شوية عابثين بالذهب ..