جحيم فارسي

Fourth one

جحيم فارسي..
الجحيم الرابع ..

~~~~~~~~~~~~~~

لامه نفسي جوه الفراش وقافلة الباب گوه ساده اذني ودموعي تنزل الشهگه ضلت بصدري وجدو يصيح برا ..

: متحملتي اله تخابرررري وتگليلهمممم مرتبطة ومخطوبةةةة وجابته يسلممممم بزووود انتِ شنووووو هااا شنوووو اريد رجال
وعائلة زينه تلفيچ ..

كمت متحملت ورديت من ورا الباب : مااتزوج غير كررم ماااتزوج غيرة وكرم ارجل الزلم غيرة وشرف واخلاق مو مثل الجبته عينه نگسه..

ضل يغلط ويحجي عليه رجف جسمي كعدت وشربت مي خابرت رامي يدك ومايجاوب يدك ومايرد ذبيت التلفون واخذت حَب منوم
متعوده عليه وحسيت داختنگ ، طلعت جهاز التنفس عندي
واحد صغير بغرفتي ، شغلته ودموعي تنزل ..

لبست شي خفيف حطيت الجهاز على خشمي ومددت وجسمي ينكث من الخوف والوجع كرم خابرني مارديت راسا انتضرت ينتضم نفسي وارتاح واخابره ..

سديت الجهاز والنوم اخذني وغفيت بثگل مو طبيعي ، ماكعدت الى ثاني يوم على صلاة العصر سمعت الجامع يأذن ..

مكالمات طن من كرم كعدت كوه افتح عيني تركت التلفون وطلعت برا بالبلكونه الجو بي بروده رجعت جوه بس جدو موجود وزعلان
وساد الباب ، اختنكتتت يااربي ليش هيج دتمشي الامور ويايه ، استغفرالله ميصير هيچ احچي ..

بلعت ريگي ورحت يم جدو دكيت الباب وكعدت يم الحايط دموعي تنزل واعاتبه : جدو ليش هيچ دتسوي ، كرم والله انسان زين وحيل حباب جدو كرم حيل زين واذا على الفلوس والله زناگين واهله خير هوايه عدهم مزارع وابو من عشيرة چبيرة...

احچي واشاهك وامدح بكرمي بس مايقبل ولو اموت مايقتنع بيه، انفتحت الباب فجأة وشفته متأنق سحبني من ايدي ومسح دموعي..

استغربت حنيته المُفاجأة احتدت نظرة عينه وخزرني وهو ينطق كلامه مثل السم : كرم مايخطبچ وميحصلچ لو يموت تعرفين شنو يموت، خلگ عدهم كم مزرعه وفلاحين يريدچ لو تموتون انتو الثنين گدامي ماازوجچ..

حقدتتتت ولأول مرة واحس الكرة مله گلبي حچيت ومعليه صوتي لأووول مرة حرفيًا : واني احچيها ولو انتتت تموت مااتزوج
غيرة تعرف شنو لووو تموووت انهي حياتي وحياتك ومااتزوج غيرة..

ضربني راشدي حسيت راسي افتر ضحكت ودموعي تكت : والله عود سويت شي جديد تضرب اضرب ميهمني تشبعت..

ديمد ايدة عليه مرة الخ تركته وكوة ركضت فوك لان رجلي توجعني ...

مر الاسبوع كامل وي كرمي بالتلفون الى ان اجه الاسبوع الجديدة الي راح نبلش بي تطبيق، والي چنت حيل مترددة انُ اروحله بس اضطر الامر انُ اروح وتبلش حياتي تاخذ مساااار عكس الي توقعته ..