ဂိုဂူလျောနန်းတော်နတ်နန်းဆောင်...
" ကျွန်တော်မျိုးမက ကောင်းကင်ဘုံရဲ့သတင်းစကားကိုလက်ဆင့်ကမ်းပေးရတဲ့ ကြားခံသက်သက်ပါပဲ။
ရာရာစစ ဘယ်လိုသတ္တိမျိုးနဲ့ ကောင်းကင်ဘုံနဲ့အလိုကို ဆန့်ကျင်ရဲပါ့မလဲအရှင်မင်းကြီး။
အောက်လမ်းအစီအရင်တွေက လုပ်ကြံစီရင်ခံရတဲ့သူတွေထက် အမိန့်ပေးတဲ့သူတွေအပေါ်တန်ပြန်သက်ရောက်တာမို့ ပေးဆပ်ရတာများပါတယ်အရှင်မင်းကြီး။
အခုကြုံနေရတဲ့ တိုင်းရေးပြည်ရာကိစ္စတွေက တစ်စုံတစ်ယောက်ရဲ့ ကံကြမ္မာ ဇာတာတွေထက် အရှင်မင်းကြီးရဲ့အစွမ်းအစနဲ့ကိုယ်တိုင်ညှိနှိုင်းဖြေရှင်းတာက ပိုပြီးမှန်ကန်တဲ့ နည်းလမ်းဖြစ်ကြောင်းပါ။
တိုင်းပြည်အရေးကို အောက်လမ်းအတတ်နဲ့စီရင်ဖို့က မှန်ကန်တဲ့နည်းလမ်းမဟုတ်ကြောင်းထပ်လောင်းသတိပေးပါရစေ အရှင်မင်းကြီး။
အစီအရင်တွေနဲ့ ဖျက်ဆီး ဖို့ကြိုးစားလေ တစ်ဖက်လူကို အမြင့်ကိုတွန်းတင်မိလေဖြစ်မှာပါ။
ဒါက ကျွန်တော်မျိုးမ နောက်ဆုံးအကြံပေးနိုင်တဲ့စကားမို့ အရှင်မင်းကြီးသေချာစဥ်းစားစေလိုကြောင်းပါ။"
ဖရိုဖရဲဖြစ်နေတဲ့တိုင်းပြည်အခြေအနေကို ထိန်းသိမ်းနိုင်ဖို့အတွက် ဘုရင်စဥ်းစားနိုင်သော အကြံဉာဏ်ဆိုလို့ နတ်ဆရာမဆီသွားပြီး ပုန်ကန်သူစစ်သူကြီးချုပ်အား
အစီအရင်ဖြင့်လုပ်ကြံရန်သာရှိသည်။
သို့သော်လည်း နတ်ဆရာမကြီးက ထိုအကြံကိုလက်မခံချေ။
ဂိုဂူလျောနိုင်ငံကိုတည်ထောင်သူ
ချူမိုဆောင်း(ဂျူမုံ)ဘုရင်လက်ထက်ကတည်းက နတ်နန်းဆောင်နတ်ဆရာမကြီး၏ မျိုးရိုးအစဥ်အဆက်ကဆင်းသက်လာခဲ့သည့် သန့်စင်သောနတ်ဆရာမ မျိုးရိုးဖြစ်တာကြောင့် တိုင်းပြည်၏ဘုရင်ဖြစ်စေကာမူ
ထိုနတ်နန်းဆောင်နတ်ဆရာမကြီးအား အတင်းအကြပ်အမိန့်ပေး၍မရသလို အပြစ်ပေးဖို့လည်းမဖြစ်နိုင်ပါချေ။
မကျေနပ်သော်လည်း လက်လျှော့ကာနတ်နန်းဆောင်မှထွက်လာခဲ့ပြီး ယောက္ခမဖြစ်သူတိုင်ပင်ခံအမတ်ကြီးကို ဆင့်ခေါ်လိုက်သည်။
YOU ARE READING
Majestic Love Story In Dae Goguyeo
Fanfictionစစ်ထွက်ခါနီးတိုင်း ဒီစစ်ပွဲက ကိုယ့်ရဲ့နောက်ဆုံးစစ်ပွဲဖြစ်သွားနိုင်တယ်ဆိုတဲ့စိတ် အမြဲထည့်ထားတယ်။ အသက်ပေးပြီးကာကွယ်နေတဲ့ဒီဂိုဂူလျောမြေဆီကနေ လိုချင်မိတာဆိုလို့ မသေခင်မှာနမ်းရှိုက်သွားချင်တဲ့ ပါးအိအိလေးတွေရဲ့ပိုင်ရှင် အရှင့်သားပဲရှိပါတယ်။ စစ္ထြက္ခါနီးတိ...
