آآه من قلب (ن) غدا حبه جنوني..

19

حمـدان كان قريب من البـاركنات ,, جان يتصل حق المهـا

حمـدان : مهووي وين انتي ؟؟ لايكون اللي جدامي صدي
مهـا وهيه تصـد ورا بغـت تموت من شـافت حمـدان : وايه تخبـل !!
حمـدان سكر الخـط و خطف عدالها وقالها الحقيني ,,

صوب فطوم و سـاره
سـاره : اكم !!! بسرعه اكيد بيسير السيـاره
فطـامي : قســـــــم بالله ما اكون انا بنت حمد الـ ***** ان ماسويت فضيحه و راويتها !!
سـاره : شو بتسوين ؟
فطـامي عطتها الشنطه و الاجيـاس : اندوج ,,
واستوت شرات الحراميه ,, حمـدان و مها دشو السيـاره ,, والسيـاره كانت مخفي بالقو وماينبـان شي ,,
سـاره : اييه يا خبله شو بتسوين ,, ياهي فضيجه

حمـدان : فديت هالويه انا والله قمـر
مهـا : حمـدان ماكنت متوقع انك تكون جي ,, ماشالله عليك ,, خبـاال واونها تستحي
حمـدان : وانتي بعد غناتيه ,,

برع السيـاره
فطـامي تمشي و موخيه ,, و لين ماوصلت عند السيـاره و لصقت اذنها ع السيـاره وتمت تسمع كل صغيره و كبيـره و هيه فاجه الحلــج !!
فطـامي : والله لا اراويكم .. فجت البـاب ونشعت مهـا و نزلتها وناصدمت يوم شافتها : اييييييه طاعو منو هاي !! المستخفه !! هب جنيه شافتج ويا واحد فـ الكوفي !
حمـدان بسرعه نزل من السيـاره وهوه معصب نشعهـا بـ القو : اييييه مالج خص فيها ,, وليش لاحقتني ان شاء الله ,, ماتسيرين ترمسين حبيبج

فطـامي والدموع فعينها : اي حبيب و اي خرابيـط .. بتخبرك هاي ع شو قاصه عليك ابا اعرف ,,
سـاره : آآخ يا حمـدان هاي اخرتهـا ,, والله ما هقيتها منك
مهـا وبكل وقاحه : منو هيييل اللوث ,, لايكون معجبـات فيك ..
فطـامي وهيه تيودها و تلصقهـا ع السيـاره : تخسي الا انتي ,, ليش انا شراتج يا ..... ما بوصخ لساني ع وحده وصخه !!
حمـدان وهوه يمطـها و يرفع ايده : بتروحين ولا !!!!
فطـامي والدموع فعينها : اصفع اصفع يلا راوني اصفع .. وها اللي اونه قالي وعد ما اعيدها مره ثانيه صدقيني .. ها حمـدان هذا الوعـد ؟ تدافع ع وحده ماتستاهلك !! ولا تعرف شو نيـاتها وهيه تعلي صوتها و تصارخ: قسم بالله اني شفتها فـ الكوفي ويا واحد!
سـااره : ماشالله ,, خطفنا من عدالها وهيه قابضه ايد واحد و اونها مستحيـه !! مالت عليج و ع هالاشكـال !!
مهـا : انـاااا !! حبيبي لاتصدقهم هييل جذابين !!
حمـدان وهوه يطالعهم و النيـران فعينه : اركبـو السيـاره
سـاره فجت الباب حق فطوم و دخلتها و دخلت الاغراض وجان تدخل هيه ..
سـاره وهيه لاويه ع فطوم وكان فطوم ورا حمـدان وكانت فحظنها : ابويه و اميه ماعرفو يـربونك حمـدان اسمحلي اقولك هالرمسه ,, انته الحين ولد ناس و عرب ,, ترمس وحده من هيل اللوث و تظلـم بنيه ماسوت شي غلــط !! بس لانه سمت ربيعتها الحب و تمت تقولها حبيبي و غناتيه ,, مافيها شي
حمـدان : شو ربيعتـها اشكـره انه صوت صوت واحد
فطـامي بصوت تعبـان من كثر الصيـاح : سـاروه بس ,, اصـلا انا من انودلت وانا مظلومه ,, ومامر يوم الا صحت فيه !! كان ابويه عبدالله يعذبني كل يوم وانا صـابره و ادعي ربي انه يفجج ضيجي ,, وفجهـاها بس شكلها الضيجه ردت !! خيرك لغيري ومكتوب لي الشقا منك,, الكـل هب حاس فيني ,, جنه حيـوانه ما احس ,, عديمة احسـاااااااااس
سـاره : فديتج لاتضايجين عمـرج ع نـاااااااس مايستاهلون ,,
حمـدان فخـاطره اشيـاء و اشيـاء ,, و فـ الدرب فطوم رقدت من كثر التعب و سـاره تمت ترمس ويا مريوم و عليا بالمسجات وخبرتهم .. بالسالفه وهم مقهورين ,, اما عن مهــا قفـطة و دبرت حد يوديها بيتهم و حرقت تيلفون حمـدان من كثـر ما تتصل
و سـاعه 11 و صـلو بوظبي ,, هم فـ فريجهم
سـاره : غناتيه فطيم ..
فطـامي : ......
سـاره : فطـامي قومي فديتج وصلنا
فطـامي : ان شاء الله ,, و عدلت شيلتها و فجت الليت و عدلت جحـالها وعقب 5 دقايق و صلـو البيت نزلت البيت و الـ AL Body Guard نزلو الاغراض
سـاره ميوده فطوم ودخلتها البيـت و الكـل شاف فطوم من شلت النظاره ,,

بو حمـدان : باسم الله عليج ,, فطوم شوفيج ؟
حمـدان دخل البيت و سلم
سـاره وتشوف حمـدان : البركه فـ ولدك ,, اساله شو مسوي !! جان تيلس و تيلس فطوم وياها
ام حمـدان : جييه شو مسوي ؟؟ حمـدان شو مسوي
حمـدان : ماسويت شي
محمد : حمـدااان !! شو مسوي
حمـدان وهوه معصـب : ماسويت شي !!!!!
فطـامي : ليش ماتبا تقول ,, تعرف انك غلطـان
بو حمـدان : حـالف تقولي شو السـالفه ؟
حمـدان : .......
سـاره قـالت كل شي استوا
بو حمـدان يتقرب من حمـدان كان معصب شويه : صدق هالرمسه حمـدان !!
حمـدان : .......
ام حمـدان وهيه مصدومه : حمـدان نحنا اللي ربيناك احسن تربيـه تسوي جي !!!
بو حمـدان : كيف هانت عليك نفسك وترمس وحده ماتعرفها !! لو جي يستوي حق حد من اهلك لاسمح الله شو بتسوي !!
حمـدان : مالكم خص فـ حيـاتي ,, وهيه فطوم ماتسـالها منو ترمس نص الليل ,, ومنو اليوم مواعده !!
فطـامي : الحمدالله ماسويت شي غلط
محمد : موااااااعده !!!!!
ام حمـدان + بوحمـدان : مواعده !!!
فطـامي وهيه تقوم وتاخذ موبايلها : بنت نـاس و عرب و اعرف الصـح من الغلـط الحمدالله محد معلمني الصح من الغلـط ,,
الحمدالله اعرف هالشي ,, وانته يـا حمـدان تعرف منو اللي ارمس ,, والدموع فـ عينها : هاي مريوم ياحمـدان ,, انا طلبت منها هالشي بس عشـان تنقهر شرات ما قهرتني
حمـدان منصدم من اللي يستوي : هههه اونج عاد ,, الصوت صوت ولد !!
فطـامي تصارخ فويهه : والله ما ارمس ..
حمـدان من القهر اللي فيه صفعها من الخـاطر لين ما طاحت و انفجت شيلتها: لاتصارخين فـ ويهي ,, انا هب اصغر عيـالج
بو حمـدان : تخبلـــــــــــت انته ولا شو ؟؟؟
محمد سـاره شهقو ,, ام حمـدان مصدومه من اللي يستوي
فطـامي : هب غريب عنك هالشي ,, اتوقع حمـدان يسوي اي شي عشان البنيه .. جنه صفعها فـ قلبها ,, الدموع فعينها تسيل وهيه ساكته
دقت حق مريوم و هوست سبيكر :
مريوم ماتعرف شو السالفه و غلظت صوتها : هلا والله بحوبي
فطـامي وهيه معصبه : مريوم ارمسي عدل !!
مريوم : خير خير شو مستوي !!!
حمـدان فاج عيونه و مصدوم ..
فطوم صكت الخط : الحين صدقت !! ها وانته حضرتك ترمس وحده خاينه و شفتها بعيوني يالسه ويا واحد فـ الكوفي ,, ليش يا حمـدان ليييش تتقرب منه وكانت ع الارض تمسك كندورته من تحت ..
فطـامي و ترفع راسها وهوه يشوفها و الدموع اطيح ع كندورته :
فـذمتيه يا حمدان اعشق التراب الي تمشي عليه