آآه من قلب (ن) غدا حبه جنوني..

36

وعقب سـار محمد الغرفه يتصل حق عمـور تم يرن كمن مره وعقب رد عليه ,,عـمر بتعب : كح .. الووحمـود : اهليــن .. شو راقد ؟
عـمور : هييييه ,, وعيتني الله يغربلك
حمـود : جب جب الحين بقولك شي و بخليك تصحصح من الخـاطر
عـمور : دومك جيه
حمـود : انزين لو اقولك انه بعض النـاس يبون يشوفونك و يسلمون عليك !!
عـمور كان طايح جان اييلس مره وحده : اشـوووووه !! منـوه لايكـون عـلاايه ؟
حمـود : هييه عليـك نور
عـمور : فديييتها يـاربيــه .. الله يسلمهـا .. رد السـلاام ..
عـزوز من صوب توه ناش : منو تتفدا ع الصبح
عمـور : الحـب
عـزوز : ماحد قالي شي ؟
عمـور : لا ماحد هههههه
عـزوز ياخذ التيلفون بسرعه : الله يخسـك .. الوه
حمـود : هلا والله بو الشبـاب
عـزوز : هـلا فيك .. هاا ماحد قالي شي
حمـود : هههههه اسميـه شوو .. ماخلو شي
عـزوز بالاستعجـاب : لا لا !! احلف انته بـس ..
حمـود : هييه .. يوم قلت بنسير بيتكم .. نااسكم .. قالت هيييه حتى انا ابا اسلم ع خالوتي رفيعه جان اقولها متأكده جان تقولي بعـد بنسلم ع عرب عندهم حبـة خاله ع خـده خفيفه ..
عـزوز : ياويــل حـالليه احلف قالـو جيه ؟
حمـود : هههه والله
عـزوز : يابـوي حيـااك لو تبون تون الحيـن لين 1 فليل حيـاكم البيت بيتـكم
حمـود : هههه مالت عليك كل ها حق الحـب
عـزوز : ههههههههه فديتهم والله
حمـود : هيييه بعـد يسلمـون عليك
عـزوز : آآآخ يا قلبي .. الله يسلمهم من الشـر .. رد السـلاام .. تعـاالو عيـل تغـدو عنـدنـا اليوم ..
حمـود : خـلااص ماعليه .. برمس خـالو ,, احـم هيه بـاركليه
عـزوز : مبـروك .. بس ع شوه ؟
حمـود : احــم بنملـج يوم الخميـس ,, انا و اخت حمـدان
عـزوز : لا والله !! هههههههههه .. مبروك الف مبـروك .. عيل باجي نحنا .. خلاص ماعليه Soon ,, Soon ان شاء الله
حمـود : ههههههههه .. ويا هالويه ,, عيل انا الحين بسـكر انزين
عـزوز : خلاص ماعليه وانا بسير الحمـام و بخبـر اميه انكم بتون
حمـود : خـلاص تـم .. فداعة الله
عـزوز: فمان الله

و قامو التوأم راحو الحمـام "حمـامين فـ الغرفه لوول عن حد يضارب " و يوم خلصو راحو عند امهـم ..

رفيـعه : هلا فديتكم
عـزوز + عمـر : هلا فيـج .. >> باسو راسها و سلمو عليهـا و تريقو ..
عمـر : اميــه .. احـم شخبـار بنـات عميـه عـلي ..
رفيـعه : ههههههه ,, فديتهم والله ,, الصراحه و النعم فيـهم وماعليهم كـلااام غاويـات ..
عـزوز : عيل شو تتريييين .. الله يخليـج والله ابا مريوم !! تخبلت فيها !!
رفيـعه : بسم الله عليـك شو يـااك ؟
عمـر : اييه هب الحين عزوز .. هيه امايه ترا اخت حمـدان بتملج يوم الخميس
رفيـعه : سـاااره .. وايه فديتها ,, محمـد اكيـد ؟
عـزوز : ههههه هييييه .. يالله عقبـالنا .. هيه تراني عازمنهم اليـوم ع الغـدا ..
رفيعـه : ويـيييه عيل بسير انا بخلي الخدم يسـون هاك الاكل الزيـن .. بس منـوه بيي ؟؟
عـزوز : والله مادري .. انا بسير العب تعال ويايه عمـور ..

بيت بو حمـدان ..
فـ الصـاله ,, ام حمـدان كانت ترمس ام مريـوم ..
ام حمـدان : هييه اخبـرج .. بنسير اليوم بيت رفيـعه .. بنمر عليـج انزين ؟
ام مريـم : خـلاص ماعليه .. بس سـاعه كم ..
ام حمـدان : وحـده ..
ام مريـم : خـلااص تـم ,, شيخه بنتج لازم تاخذ فستـان من الحيـن !! مابيوحيلهـا تخلص بعديـن ,,
ام حمـدان وهيه تشوف سـاره : خلاص ماعليه بنسيـر اليوم ..
ام مريـم : عيـل بخليـج انا بسير اخبـر علي ..
ام حمـدان : خلاص ماعليه ..
بو حمـدان : شواخي فديتج .. خلي عـلي ايي اليوم .. برمسه عن الشـغل ..
ام حمـدان : ان شاء الله .. اخبـرج نـواري خبري علـي ايي اليوم ..
ام مريـم : خـلاص عيل الحيـن بني ,, يوصلني مره وحده عندكـم ..
ام حمـدان : خـلااص تــم ..
ام مريـم : مع الـسلااامه ..


فـ الصـاله ..
بو حمـدان : بـلاها فطـيم مانشت .. شواخي فديتج .. سيري وعيـها ..
ام حمـدان : ان شاء الله ,,
جـان تسير صوب غرفتها و دق البـااب .. قامت فطـوم من الشبريـه ,, و فجت البـاب ..
فطـوم وهيه تتثاوب : هـلااااااع
ام حمـدان : هاا منـوه راقد هنـاكي
فطـوم : هههه محــد هاللحـاف
ام حمـدان : ههههههه انزين ماعليه .. سيري وعي ريلـج
فطـوم : خلاص ان شاء الله ,,
سكـرت البـاب .. و سـارت الحمـام و تغسل ويوم خلصت طلعت و سـارت صوب غرفة حمـدان ..
فطـوم : حمـدااااني
حمـدان : ........
فطـوم : حبيبي
حمـدان : همممم .. يفج عيونه : هـلا فديتج
فطـوم : يـلا قوم نـش ..
حمـدان : احبـج
فطـوم : وانا امـوت فيـج .. يلا انا بسيـر الصـاله تعـال
حمـدان : انزين سـاعه كم الحين ..
فطـوم : هـمممم 12 ..
حمـدان : اوكي ..

وعقـب قـام حمـدان دخل الحمـام .. و فطـوم سـارت الصـاله .. شـافت البنـات ..
مريوم : بسرعه تعـالي بقولج شي ايلسي عدالي
فطـوم سيده سارت صوبها : هاا شو ؟
مريوم : الله يسلمج .................. و الحين نحنا بنسييير وياااااااااهم
فطـوم : ههههه خبـله ,,
مريوم بصوت واطي : الله يخليج كشخينـا
عليـا : هيييه بليـز ..
فطـوم : خلاص ماعليه هههه ..
ام حمـدان : بساعدج فطـوم
مريوم : أأأ ههيهيهي سمعتيـناااا زين والله ..
ام حمـدان : عيـل البـسو من الحيـن ..

عليـوه و مريوم يقومون فطـوم و سـاوره : يلا بسرعه تعـالو غرفتنـا
ام حمـدان : ههههه حليلهم والله ..

وعقـب سـارو غرفة مريوم و عليـا .. و تمو يدورولهم لبس يلبسونه ..
مريوم : بنلبس بنطـلووون
فطـوم : انزين ماعليه همممم وين بنطلوكم الجنـز السماوي و الجاكيت القصيـر مااله ؟؟
عليـوه سـارت ادوره و يابته ,, و مريوم نفس الشي ..
سـاره : انزيـن و القميص فطـوم ؟
فطـوم : هممممم .. عندكم قمـيص اصفـر فيه تنـوره ؟؟
مريوم : هيييه بس التنوره هب طويله وايد ..
فطـوم : اوكيـه .. هاتيه اشوفه ..
مريوم دورت القميص جان تحصله .. كـان اصفـر و عليـه ورود كبـار الابيض وايد كـان كيـوت ..
فطـوم : حـلوو ولا ؟؟
عليـا + مريوم : هيييه وااايد ..
مريوم : عيل خلينا نلبس عليـوه .. وبنيـج فطـوم الغرفه ..
سـاره : هههه مسكيـن حالكم ..
فطـوم : هههه يلا عيـل لا تتأخرون ..

وعقب طلعـو و جان يزقرون ام حمـدان عشـان تي غرفة فطـوم .. و يوم خلصـو عليوه و مريوم .. سيده غرفة فطـوم ..
ام حمـدان : اووب اووب .. مانروم
عليـا : ههههههه .. اول شي انا الله يخليـج مريوم
مريوم : اوكيـه ..



وعقـب ام حمـدان رسمت عيـون عليـا ..وحطتلها شدو اسود وسماوي + مسكره + قلوز.. و طلعت خبـاال و عقب فطـوم خلتها تلبسها اكسسوار و عقب ام حمـدان سوت حق مريوم شرات عليـا .. و بعد فطـوم خذتها و لبستهـا اكسسوار .. مال البنطلون و المريه و مادري شو طلـعو جنـاااان .. وعقـب طلـعو و سـارت فطـوم ادورلهـا شي تلبسه .. حصلتهـا تنوره مخمـل سودا و خذت الجاكيت القصيـر المخمل .. و لبست تحته قميص كت هاي نك برتـقالي .. لبسـت و صلت .. و سـارت رسمت عيـونها .. وحطت شدو برتقـالي فـاتح و حطت مسكـره .. و لبست اكسسوار و ساعتها + دبلتها .. و طلعت عبـاتها و شيلتهـا .. و حطت اغراضهـا داخل شنطتهـا و طلعت سـارت الصـاله اما عند سـاره كنت لابسه تنـوره بنفسـجيه فـاااتح جنز .. و عليها خرز من تحـت .. و قميص بنفسجي ايده طويله شفاف و غامج كله ورود صغـار ياي شيفون .. و عقب طلـعو .. البنـات الـ4 كاشخات و حالتهم حاله .. يلسو فـ الصاله يتريون الشباب بيخلصون .. سلمو ع ام مريـوم و تمو يسولفون جان ايوون الشباب ..
حمـدان يلس عدال فطـوم و يصاصرها : يوم بتطلعين و بتسيرين المول اتغـشي
فطـوم تشوفه بحـنان : ان شاء الله ..
ام حمـدان : ها الكـل جاهز
الكـل : هيه ..
ام حمـدان : يالله عيـل خلونا نسيـر ..

وعقب طلـعو .. و ام حمـدان و ام مريـوم و اليهـال ويا الدريوليـه .. اما البنـات و الشبـاب فـ سيارة محمد " البـورش " و عقب حمـدان اتصل حق عزوز و قالهم انهم الحين فـ الطريـج .. و عزوز خبر امـه و كل شي ترتووب .. و مره وحـده ..
فطـوم تزعـج و تقلد حـامد زيـد :

انا ما العب على الحبلين وقت الطيش و سنينه
تبيني الحين يوم اني كبرت العب على الحبلين
ترى عند البدو بالذات عيب اللي تسوينه
حلاتك لا عشقتيني .. تعشقيني ليوم الدين ..

الكـل : ههههههه
حمـدان : هههههه شو يـاج ؟
فطـوم : هيهيهيهي ماشي مـلل ..

وعقب 10 دقايق جان يوصلـون بيت رفيـعه .. بيت راقي وااايد .. حوي كبيـر .. و في مكـان حق لعب " كورة السلـه + كـورة القدم " و بيت عـود .. نـزلو من السيـاره و اتصل حمـدان حق عزوز و قالهم انـه وصـلو .. و جـان يطلعـون عزوز و عمـر برع .. و مريوم و عليـوه كانو لابسيـن نظاره تدرج الازرق .. ومن فـجو الباب قوم عزوز سيده شلـوهم و شافوهم و ابتسـمو
مريوم + عليـا بصوت واطي : آآخ ياويل حـاليه
فطـوم : ههههههههههههه ,, الله يعينكم

عزوز : هلا والله .. تـوه نور البيـت .. >> يسلم ع ام حمـدان و ام مريـم
ام حمـدان : فديتك والله .. بوجودك الغـالي ..
عمـر : هلا خـالوه
ام حمـدان : هـلا فيـك ..
وعقب سـارو يسلمون ع ام مريـوم .. و يسلمون ع الشبـاب .. وعزوز يرمس حمـدان وكل دقيقه عينه تي ع عيون مريوم و يضحك
حمـدان : ههههه عينك الله يخليـك
عمـر + عـزوز : تذبحني النظرة من عيونك السود ويلي على ذيج العيون الجميله
الكـل : ههههههههههههههههه
مريوم بصـوت واطي : عيني تمنى شوفك لوني جتيل سيوفك ... قلبي ترجى روفك لا لاتكسر فنه
عـزوز : عنيـه افـداااج
مريوم استحت مـوت .. و سيده دخلت داخل .. و البنـات و الشباب يضحكون و عقب كل واحد دش ميلس الرياييل و ميلس الحريـم .. و تمـو يسولفـون .. وعقـب .. حطـو الخـدم الاكـل .. حتى عند الشبـاب ,, و يـلسو يتغدون .. " صحتيـن لوول " و يوم خلصو
ام مريم : اكرمـكم الله
رفيـعه : بالعـافيه فديتكم ..
و عقـب تحـلو و تمـو يسولفون جان فطـوم تسير تيلس عـدال ام حمـدان
فطـوم : خـالوه اقولج
ام حمـدان : آمري فديتج
فطـوم : هممممم متى بتاخذون فستـان حق سـاروه ؟
ام حمـدان : مادري والله يمكن اليـوم ..
فطـوم : انزين شو رايج انتي و سـاره و ام مريوم و رفيعـه تسيرون عند المحـل .. وانا وحمود و البنـات و حمـدان و الشباب اذا يبون يسيرون .. نسير ناخذ طقم حق سـاروه .. بس لاتقوليلها
ام حمـدان : هممممم .. خلاص ماعليه .. سيري رمسي حمـدان .. وانا بخبـرهم
فطـوم : خـلاص ماعليه .. تشوف البنـات : مريوم و عليـوه تعـالو وياييه
سـاره : جيه وانا !!
فطـوم : هههه خالوه بتقولج شي ..
مريوم + عليـا : انزين ..
وجـان يروحـون ..
سـاره : امايه شو السـالفه ..
ام حمـدان : شو رايج رفيـعه نسير المحـل عشان نتنقـا فستـان حق سـارونه حق الملجـه ..
رفيعـه : انا اعرف محـل عنده فسـاتين خبـاااال ..
ام مريـم : عيل بنسيـرله العصـر ..
سـاره محمـره : الله يستـر ..



اما عنـد فطـوم ..
سـارو الميلس و دقو الباب وماحصـلو حد .. جان يطلعـون بـرع .. و سيـده من طلـعو عزوز عينه ع مريوم .. و عمـور عيونه عند عليوه .. جان ينزلون من الدري ..
فطـوم بتصـوت عـالي : حمـداااااااااان
حمـدان : هلا فديتج .. ويت شباب .. جان يسير صوبهـا .. آآمري عنيه افـداج ..
فطـوم : حبيبي ودنـا المـول .. عشان نختـار طقـم حق سـارونه ..
حمـدان : خلاص من عيـوني ..
مريوم : هيه و الحريـم بيسيرون ويـا سـاره يشوفولهـا فستـان ..
عليـا : منوو بيسيـر ويانا ؟
حمـدان : حمود وانا و التوام
مريوم بصوت واطي : ياويل حالييه
حمـدان رفع حيـايه : لالالا غيرت راييه مابيسيرون
مريوم بصوت عـالي: جـاااب غصبن عنـك اول ناس بيركبـون السيـاره و اتطلع لسـانه
حمـدان : ههههه بشوه افلـعج حمـاره .. يلا دااااخل ..
البنـات : ههههههههههه ..
دخـلو البنـات داخل .. وجان حمـدان يسيـر صوب الشباب ..
عـزوز : ليش تزعـج شو قلتلهـا ؟؟؟!!
حمـدان : قالهم السالفه انه بيسيرون المول العصـر ووووو ........
عـزوز : ههههه لا بسيـر هب كيفك هيهيهيهي ..
عمـور : اقول بسير ايبلي فرييزز .. تبـون ؟
الكـل : هيه ..
جـان يسير داخل ..

فـ الميلس ..
عليـا : خـالوه عـادي اسيـر المطبـخ اخذلي مـاي ؟
رفيعـه : اكيــد فديتج البيت بيتـج غنـاتي ..
عليـا : تسلمين ..

جـان تسيـر المطبـخ .. و اتم ادور مـاي و هب محصله وتتحرطـم .. وعمـر دش المطبـخ و شاف وحده هب لابسه عبـاه و الشيله ع جتفـها .. و يسمعها شو تقول ..
عليـا : ياربيه وين المـاي .. افففففف الله ياخذ العـدووو ابا بـااااااارد .. وهيه ادور : مابا عصيـييييييير ولا فريززز ابا مـاااي ..
وتمت ادور لين ما حصلت دبت مـاي بـارده .. و صبتلهـا بالكـاس الزجاج .. و شربته : آآخ ياويل حـاليه منعـش
عمـر : صحتيـن يا روحي
عليـا فجت عيـونه و سيده هدت المـاي و لبست الشيله و صرخت : واااايه
عمـر : تحمـلي .. ريـولج !! .. عاد هيه بسرعه خوزت ريلها ..و كان في ماي و يوم خوزت اتزحلقت و طاحت و يلست ..
عليـا شويه و بتصيـح : اهيء اهيء يعـووور
عمـر يود ايدهـا و قومهـا وكان ويها مجابل ويهه بالضبـط : تحمـلي مره ثـانيه فديتج
عليـا هب مستوعبه اللي يستوي اتم تشوف عيـونه العذاااب وهيه هب حاسه بعمرها و فخاطرها تتفـدااااه ..
سار و صبالهـا ماي .. و شربهـا " الله ع الدلع لول " وهيه قافطه .. ويوم خلصت
عمـر : بالعافيه فديتـج
عليـا : الله يعافيك بصوت واطي حيـاتي ..
عمـر : احـم سمعت هههه ..
عليـا : هيهيهي انسـى .. وجان تروح و تسير سيده صوب البنـات تقـولهم السـالفه ..
مريوم : ياويل حـاليه فديتك يا عزوز احبـه فطـوم و الله احبـه
فطـوم : هههههه حليـلج والله ..

وجـان يأذن ..
ام حمـدان : يـلا بنـااات سيرو صـلو عشـان سـاعه 5 نطلـع ..
البنـات : ان شاء الله ..
رفيعـه : هنـاكي وقـي الصـلاه ..

وعقـب كل واحد سـار يصـلي .. حتى الشباب سارو المسيـد .. و يوم خلصـو من الصـلااه .. و استوت السـاعه 5 .. ام حمـدان و ام مريـم و رفيـعه و سـاره سـارو ويا الدريوليـه المحـل اللي تقول عنه رفيـعه .. و البنـات و محمد و حمـدان فسيـارة محمد .. التـوام سـارو بروحهم .. وجان يسيرون بوظبي مـول .. و يوم وصـلو و نزلو ..
حمـدان : فديتج تغشـي مابا حـددد يشوفج
فطـوم : هههه فديتك والله ,, من عيـوني ,, جان تتغـشى ,,
و عقب التـوام و صـلو و بركنو و جان يدشون المـول .. وكان شويـه شويه زحمـه .. و عقب سـارو داماس يشوفون حق سـاره طقم ..
فطـوم : حمـودي شو رايك فـ ها ؟؟
حمـود : غـاوي ماشالله ..
مريوم : هيه حـلو والله ,,
فطـوم طلعت الدبله و لبسته وطلع اوكيه عليهـا ,, لانه هيه شرات سـاروه فالخواتم ..
مريوم : فديتج فطـامي انا و علايه بنسير المحـل اللي هنـاكي مابنطـول ..
فطـوم : اوكيه فديتكم ,, و عقب تمت ترمس الريـال عن الطقم وجيه و عزوز و عمـر شافو مريوم و عليـا طلعو من المحـل .. وهم يراقبونهم من بعيـد .. و البنات وهم يمشون خطفو ولدين .. و واحد منهم يا جدام مريوم جان يتقرب منهـا و بـاسها ع خدها
مريـوم فاجه عيـونهـا : .................. ,, عليـا نفس الشـي !!
عزو زشاف الموقف و عصب من الخـاطر قام و ركض صوبه و عطاه كف محتـرم من الخـاطر
الولـد : انته اييه اييه ... ليش تضرب .. قام و ظربه .. و الظربه يت ع خشمه و طلع دم ..
عزوز وهوه يصـارخ : انته ماتستحـي .. تبوس بنـات النـاس !! يا ويوده من كندورته
الولـد : ليش انتـه منـوه !!
عزوز يصارخ معصب .. و بجديـه : ريـلها !! انجلع من ويـهييه !! حيـوان ..
و عـاد الولدين شردو من المول بكـبرره .. و عزوز ع اعصـابه .. جـان ايود ايد مريوم و يسير صوب الحمـامات .. الدموع فعيونها جان تتغـشى .. و عمـر سار ويا عليـا داماس .. و قالتلهم السـالفه
فطـوم : اشووووه !!! والحين هيه وين !! و عزوز وين
عمـر : اظن سـار وداها الحمـام ..
حمـدان : الله يغربل هالاشـكال والله انهم غجـر
محمد : هيه والله !! ..

صـوب الحمـامات ,, بـدون مايحس بعمـره دش وياها حمـام البنـات .. و شل الغشوه ,, وحطا فـ الكلينكس ماي و مسح دموعهـا و خدودها .. لوول مكـان البوسه ..
مريوم وهيه موخيه راسها والدموع فعيوها : أأ أأ عزوز انا آسفه
عزوز رفع راسها : وليش تتأسفين فديتج .. الغلـط من هالكلـب ..
سـارت مريوم و تيب الكلينكس و مسحت الـدم : يعـورك ؟
عـزوز : دام انتي ويايه بنـسى كـل شي ..
سـارت مريوم و حطت ايدها ع رقبته من را و خلته صوب المغسله و مشت خشمه بالماي و عقب يابت الكلينكس و مشت الماي ..
عـزوز تم يشوفهـا بحنـااااان و تقرب من اذنهـا : احبـج
مريوم احمـرت جان تاخذ شنطتها و تطلع برع و هوه لحقـها ..

وعقـب سارو المحـل و خذو الطقم .. و اتصلو حق ام حمـدان و قالتلهم هم وين و دلتهم المكـان ,, و عقب سـارو هنـاكي .. تمو الاولاد فالسيـاره ..

فـ المحـل ,,
فطـوم : يا ربيـه كيـوت فستـانج وايد حـلو ..
سـاره : ذوق خالوه رفيـعه ..
مريوم : خطيييييره خـالوه .. تعـالو فطـوم و عليـوه بنختـار فسـتاان ..

وعقـب اختـارو الفساتين اللي يبـونهم .. و ع مقاسهم طلعـو .. و عقب دفـعو وجـان يروح كل واحد بيـته .. و الحبـايب فارقـو بعـض .. بعـد يوم مافي احـلى منه .. وأذن المغـرب .. و الشبـاب سارو ويا بو حمـدان و بو مريـم المسيـد .. و البنـات صلو فالبيت .. و يوم خلصـو ,, يلسـو فـ الصـاله كلهـم ..
سـاره : امايه ولهت ع اهـل الشـارجه والله ..
فطـوم : ياربيـه فديييت يدييييييييييه .. اتصلي ابا ارمسهم
ام حمـدان : هههههه انزين .. جان تيب الفون اللاسلكـي .. و تتصل ع بيت بو راشــد ..
بو حمـد : ألووووووووو
فطـوم غيرت صوتهـا " صوت اليهـال " : آآآآلوووووووو
بو حمـد عصب : من انتتتتتتي
فطـوم اونها زعلت : اهيء اهيء انتا لييييييث تصااارخ علييييااا .. انا نونو ماثويتلك ثي =( ..
بو حمـد : فديتج والله ,, من بغيتي غناتيه ..
فطـوم : هممممممممم بابا فييين ..
بو حمـد: اشووووه
فطـوم : هيهيهيهي حبيبي يديييه
بو حمـد : حبتج اليرااده من انتي !!
فطـوم : افا والله .. يدييه انا فطيــم .. بنت ولدك
بو حمـد : فطـوووم !! هلا والله .. هلا والله و فذمتيييه مايسدن .. شحالج يا اميـه وينج هالمده كلهـا لج وحشـه والله ..
فطـوم : فديتك والله .. الحمـدالله بخيـر و سهـاله ومن صـوبكم ؟
بو حمـد : بخيـر يسـرج والله ,, والله كـلهم بخيـر .. بس قـوم خـالد سايرين العمـره ..
فطـوم : والـله ,, متــى !!
بو حمـد : يـوم الجمعــه ..
فطـوم : اهـاااه .. يردون بـ السلااامه .. انزين يديـه دامكم بروحكم تعـااالو عندنـا " تقول جيه تناقز وهيه يالسه " لول
بو حمـد : والله يـا اميـه ماحد ....
فطـوم قطعـت رمسته : يديييييه .. والله ماعليه من ولدك .. بخلي جسوم و وليد ايونكـم ..
بو حمـد : متـى انزين ؟
فطـوم : الحيــن ..
الكـل من صوب ثاني يضحك عليـها ..
بو حمـد : الحين يا اميـه ما نروووم .. فليل
فطـوم : انزين ماعليه ,, سـاعه 7 بخلي جسوم و وليد يكونون عندكو .. شو رايكو ؟
بو حمـد : خلاص ماعليه ..
فطـوم : فديييتك والله .. امممممموااااااح
بو حمـد اونه استحـى : ياميـه اخيـل انا
فطـوم : هههههههه .. فديت اللي يخـيل .. بعد عندنـا مفاجأه حلوه حقـكم
بو حمـد : شو هيه ؟
فطـوم : اذا قلت مابتكـون مفاجـأه .. يلا فديتك تيك كيـر و سلم ع الموجود ..
بو حمـد : شو يعني تك كر ؟؟
فطـوم : هههههه .. يدييه هب تك كر .. تييك كيير يعني تحمل بعمرك بـ الانجلييزي ..
بو حمـد : هيييييه .. عـاده انا شعرفنيـه ..
فطـوم : ماعليه انا بعلمك .. يلا اور فوار
بو حمـد : شو بعـد هـا .. يلا عيـل .. فداعة الرحـمن ..
فطـوم : ههههه ربيه يحفـظك فديتك ..

ويوم سكـرت تشوف عمـها وتأشر عليـه : عميــه
حمـدان : عاشت كونـان ..
فطـوم تضحك : ههههه انتـا القـاتل
الكـل : هههههه
بو حمـدان : كـلبه جيه منـوه جتلت ..
فطـوم : ماشي ,, المهم ,, قوم عموه سايرين العمـره .. و قوم يديه بروحهم فـ البيت .. الله يخلييييك طرش اي حد من الـ
AL Body Guards اييب قوم عمـيه .. بليــز والله ..
بو حمـدان : هالسـاعه المبـاركه .. خلاص فالج طيب ..
فطـوم : فديتك والله .. فالك مايخيب ..
سـاره : الله ونـااسه
مريـوم سرحـانه فـ اللي استوا اليـوم ..
بو مريـوم : فديتج مريومه شو فيـج ..
مريوم سرحـااانه : .........
بو مريـوم : مريـوووووم !!
مريوم : ها ها شو مستوي ؟؟؟!!
بو مريـوم : شوفيـج !!
مريوم : هـا لا ماشي .. قامت و سارت الغرفـه ,, وعقب لحقـوها البنـااات ,, جان حمـدان ايي صوب محمد ..
حمـدان : هههه غربلات عزوز شو مسوبهـا ..
محمـد : حليلهـا والله .. ان شاء الله يـكون من نصيبهـا ..
حمـدان : آآميــن ..

فـ غرفة مريوم و عليـا ..
فطـوم : انزين ابا اعرف ليش اتصيحيـن ..
مريـوم : الموقف اللي اليـوم استـوا والله هب شويه فطـوووم
سـاره : جيه شو استوا !!
مريوم : الله يسلمج كنا انا و عليـوه سايرين محل طلعنا من داماس ............................... وقـالي احبـج و روحت عاد انـا
سـاره : ياويل حـالي انا ..
عليـا : نزف خشـمه وايد ؟
مريـوم : يعنـي .. والله احس بتانيب الضمـير
فطـوم : خلاص انزين فديتج .. اكيد عـزوز يدري انه الغلـط من الولد هب منـج انتي ..
مريـوم جان تلوي ع فطـوم و تصيح : بس بس .. اخاف ياخذ فكـره خايسه عنـيه
فطـوم : فديـتج والله ..
عليـا : هب لهالدرجه مريوم .. مستحيـل اصـلا !! اذا هوه صدق يحـبج .. والله مابيفكـر فـ هالشـيء
مريـوم : سـاره الله يخليج طرشلي حق حمـدان مسج قوليله تعـال عنـد الغرفه .. بقوله شي
فطـوم : احـم اغـار تراني
مريـوم تدز راسهـا : فقـدتج !!
سـاره + عليـا : ههههههههه
فطـوم : هههههه ..
سـاره سارت يابت موبايلهـا بس قالت ليش اطرش .. بوايج بحـاول انه يشوفني وعقب بـأشره .. وعقب وايجـت و تحـاول قد ماتقدر حمـدان يشوفها وويوم شافهـا اشرتله انه ايي بس بدون مـاحد يعرف .. وعقب سارت الغرفه و دق البـاب و لبست مريوم الشيله .. جان تطلعله ,,
حمـدان : خيـر الريـم ؟؟ بـلااج اتصيحين !!
مريـوم تمسح دموعهـا : هـاا لا ماشي .. بس ابـا اقولـك شي ..
حمـدان : آمري ..
مريـوم : مايامر عليـك عـدو .. حمـدان بعتـبرك شرات اخويه الكبيـر بس لاتفهمـني غلـط ..
حمـدان : هههه افا عليـج ..
مريـوم : ابـاك ترمس عزوز
حمـدان يغمزلهـا : هـاا ليش ؟؟
مريـوم جان اتصيح : دخيلك حمـدان قوله اني ما اقصد فـ اللي استوا اليـووووم ..
حمـدان : هههه هدي هدي انزين مايسوا عليـج انج اتصيحيـن .. خلاص فالج طيب .. الحين بخـبره اندوج السمـاعه الثانيه عشـان تعرفين شو بيقول بـ الضبـط ..
مريـوم : اوكيه ..
حطت السمـاعه جان يتصـل و عقب ثـواااني جان يرد ..
حمـدان : هـلا والله ..
عـزوز : اهليـن والله ..
حمـدان : شو الاخبـار ؟
عـزوز : والله تمـااام .. كتر خيـر الله ..
مريوم تضحك عليـه بس ماسمع
حمـدان يشوفهـا : ههههههه .. دوووم اقـول عزوووز
عـزوز : هـلاااااا
حمـدان : عندي كـلااام عرب قالولي اوصـله لـكم

حمـدان : عندي كـلااام عرب قالولي اوصـله لـكم
عـزوز بفـرح : هـااا .. مريـووووم .. شو قـااالت فديتهـا
مريوم احمـررررت ..
حمـدان : الله يسلـمك تقـولك هيه ماتقصـد باللي استوا اليـوم ,, و تتأسف لك
عـزوز : اصـلا هيه ما سوت شي .. هاكي الحقيـر السبب ... قولهـا ماله داعي تتاسف .. فديتها والله تحـاتي بعـد
حمـدان : ههههههههههه ,, لاتصدق عمـرك وايد .. بس تعـال شو السالفه ؟؟
عـزوز : ههههه انته خلك ويا حرمتـك
حمـدان : هههههههههه مالك خـص فيهـا .. لا لا صدق شو السـالفه ؟
عـزوز : يـاخي احبـهااا
مريـوم سـاااكته وفخاطرهـا ترد عليـه ومحمره
حمـدان : ياويلي عليـك .. وهيه تحبـك ولا ؟
عـزوز : آآآآآآخ من قلب غـدااا حبـه جنـوووني
حمـدان : هههههههههههه ,, الله يخليك لاتقلدني قبـل من اضارب ويا فطـوم اقولهم جيه
عـزوز : والله انته خـلااااص استوت حرمتك حقـك .. هب انا .. اخافهـا تطيــر منيـه
حمـدان : لالا ان شاء الله تكـون من نصيـبك
مريوم عـاد انحرجت من الخـاطر يت و داست ريوله بـ القو ..
حمـدان : آآآآخ الله يغرببل العـدو
عـزوز : شو استـوا ..
حمـدان : هـاا لا ماشي دعمت الحديده بالغـلط .. انزين ماعليـه انا الحين بسـكر بسير عند حمـود محتشر عليـه
عـزوز : خـلاص ماعليه .. وصل السـلاااام
عمـوور من صوب ثاني وهوه يزعـج : حتــــى انا
حمـدان : شو رايكـم تون باجر و تخطبونهم ؟
عـزوز : صدق والله .. ماعليه بخـبر امايه باجر
حمـدان : ههههههه ويا هالويوه ..
عـزوز : يـلا عيـل فداعة الله ,,
حمـدان : مع السـلامه ,,,

جـان يسكـر ....
حمـدان : هـاا بـلاج محمـره ..
مريـوم : يـاخي والله احبـه دزته وجان تدخل داخل ..
حمـدان من را البـاب : والله لا اخبـره ..
مريوم تفج الباب بسرعـه : لاااااا ياحمـااااار
حمـدان من بعيـد : يلا منـاااك ..
جان تسـكر البـاب
سـاره : ههههه شو استـوا !!
مريوم قالتلهم السـالفه
عليـا : واايه فديته ,, الله يسلمه من كل شر
فطـوم : ههههههه الله يعينج بيخـبره صدق ها ...
مريوم : ههههههههه .. ماعليه عـااادي ,,

وعقـب دقـااايق ,, زقرتهم البشكـاره عسـب يتعشـون ,, و سـارو تعشو .. و تحـلووا .. ويوم خلصـو بو مريوم يبا ياخذ رشود عسب يروحون بس ماطاع يبا يرقد اهنيـه ههههههه ,, و وعقـب ام حمـدان قالت يخلونه و فـرح رشود و قام يحبب ام حمـدان و هيه تضحك عليـه ,, وجـان يروحون ام مريوم و بو مريوم .. و تـمو يلعـبون حمـانوه و رشود و فرحـانين ,, و بعـد مرور الوكـت استوت السـاعه 12 و الدياي البنـات و حمـود الديج لوول رقود اول نـاس وعقب دقايق جان يرقدون ام حمـدان و بو حمـدان وتـمو الحبـايب " حمـدان + فطـوم " يالسيـن فـ الصـاله وعقب دقـايق ..
فطـوم : انا بسير اتسبــح ..
حمـدان : انزين و تعـالي بعديـن
فطـوم : اوكيـه ..
سارت غرفتهـا و طبعـا ماقفلت البـاب .. ماحطت فبالها انه حد بيي .. كلهم راقدين و حمـدان يشوف التيلفزيـون ,, سـارت فصخت ثيـابهـا و ترست البانيـو مـاي .. و حطتلـها الرغوه ,, و يوم انترس الحوض سكـرته و يلست داخل طبعـا كله رغوه ماينبـان شي الا راس فطـوم لوول .. و كـانت مغمضه عيـنها و تبغي تـاخذ شويـه استرااحه و تريح جمسهـا شويه ,, طولت هيه فالحمـام ,, استغرب حمـدان جـان يقول بيسير صوبهـا .. فج البـاااب شوي شوي ,, و يوم حصله مفجوج ,, دخل و سكر الباب وقفله جنه حرامي داخل لوول ,, يسمع حد يغني فـ الحمـام ..
حمـدان يتحرطم : حـد يغني فـ الحمـام !! عافان الله ,,
جـان يمشي و يسير صوب الحمـام فجه شوي شوي و حصله بعد مفجوج ,,
حمـدان فخاطره : خبله هاي .. الحين لو حد دش عليـها !! انا براويها بخليها تتأدب مره ثانيه ماتخلي البيبـان مفجوجه .. يوم دخل و شافهـا انه فالحـوض و تلعب بـ الرغـوه .. قال بيخوفهـا ..
حمـدان : بوووووووووو
فطـوم قلبهـا طاح فبطنـها : امييييييييييييييييييييييييييييه ,, حمـداااانووه الله يغرربلللك شو اتسوي اهنيـه بطلعلي قـروون والله ,,
امسات داش عليه وانا افصخ ثيـابي والحين وانا اتسبـح ,, يـا خمـااااااام اطلـعععع بررررررررع
حمـدان : هاهاها ,, ماترومين تسوين شي ,,
فطـوم : وهالمشـكله افففف ,, حمـدان حبيبي انته اطلع بـرع
حمـدان يلس ع الكرسي و حط ريل ع ريل : مـاااابـاا
فطـوم : انزين ماعليه انا ما بطلع من الحـوض ان شاء الله لو لين الصبـح ..
حمـدان : بتمرضـين !!
فطـوم : عـاادي ..
جـان يدز الكرسي و يخليه صوب الحـوض وهوه يوايـج ..
فطـوم تأشر ع عينه : اييه ايييه شو بتشـوف مافي شي كله رغـوووه طفـس ..
حمـدان : احبـــج ,, مسك ويهـا و بـاسهـا بالقـووو ..
فطـوم : بتطلـع ؟
حمـدان : هيه بيلس فـ الغرفه لين ما تخلصيـن ..
فطـوم : انزين خـلااص .. فدييت حبيبي الشـاااطر
حمـدان : لا تتأخرين ,,
فطـوم : خلاص ماعليه .. وهيه ع اعصـابهـا تتريـاه يطلـع و من طلع سييده قفلت البـاب .. و اتسبحت بسرعه ,, و يوم خلصت لبست الروب و طلعت و شلت ثيابهـا و عقب طلعت و هيه تجفف شعرهـا ..
حمـدان : نعيـماً ..
فطـوم : الله ينعـم عليـك يا روحي ,, جان تيلس و تجفف شعرهـا بالاستشـوار .. و يوم خلصـت سارت فلت شعرها و يلست صوب ريلهـا ,, تمت تشوفهـا وهوه يشوفهـا .. وعضت شفايفهـا ..
حمـدان : لا حووول ,, وبعديـن انزين
فطـوم : ههههه مـاشي ,, ابا ارقـد ..
حمـدان : اوكيه حطي راسج ع ريلي و ارقدي ..
فطـوم : اوكيـه ,,

وبعديـن ,, حطت راسهـا ع ريل حمـدان .. هوه تم يشوفهـا وليـن ما رقـدت .. جـاان يخلي فطوم وسـار رقـد ع الكرسي الطويل اللي فغرفتهـا .. كان وايد بعيد من فطـوم ,,
ومـر الليـل بسـرعه ,, و و ع صـلاة الفـير ام حمـدان نشت و و عت ريلهـا و عيـالها و البنـات .. و قامو صـلو و عقب ردو رقـدو الا ام حمـدان و بو حمـدان .. و مر الوكت بسرعه و استوت سـاعه 7 و سـار بو حمـدان رمس AL Body Guards عبـدالله و حمـيد .. يسيرون عند قوم بو حمـد عشـان ايون بوظبي .. و عقب سـارو ..

امـا عنـد بو حمـد ..
كانـو ام حمـد .. و ام خـالد .. يجهـزون الاغراض و يحططونهم بـرع و بو حمـد بعد يساعدهم .. و يوم خلصـو ,, يلسـو برع يتريـون AL Body Guards وعقـب سـاعه و نص وصلو
AL Body Guards وحطـو الاغراض و ركـبو السيـاره و راحو صوب دار الظبـي .. وعقـب سـاعه و نـص و صـلو بيت بو حمـدان .. وكـانو ام حمـدان و بو حمـدان واقفين يستقبلونهـم ,,
و سلـمو عليـهم و عقب دشو داخل و الخدم ودو اغراضهم ف غرفتهم ,,

تحـت ..
ام حمـدان : فديتـك عميـه ,, محمد بيملج يوم الخميـس
بو حمـد : والله !! منـوه ؟
ام حمـدان : سـارونه فديتهـا
ام خـالد : مبـرووووك والله يستاهلـون و تزغرط هيه و ام حمـد ..
بو حمـدان : اذاني من كثر مايحـن
بو حمـد : تستاهل لاتنسـى عمـرك
بو حمـدان : يالله ايـااام حلـوه والله ,,
ام خـالد : ههههه ,, و شخبـار فطـوم و حمـدان .. عسـاهم مرتاحيـن ؟
بو حمـدان : فديتهم والله ,, سمن ع عسل
ام حمـد : ليش وين عيـل هم ,, و البـاجين ؟
ام حمـدان : كلهم راقديـن ,,
بو حمـد : بسير اشوف فطـوم بوعيـها ..
الكـل : ههههههه .. سير بس شوي شوي عليهـا ..

جـان يسير فوق و سال البشكـاره وين غرفة فطـوم .. و عقب دلته جان يدق البـاب كمن مره بس ماحد رد ..
بو حمـد : فطـييييم .. فطيـيييم فجي البـااب ..
حمـدان بقهر : اففف منو هالمتفيج اللي يدق من صبـاح الله !! جان يقـوم و يسيـر الحمـام و يتغسل و خلص و سار يفج البـاب .. من فج البـاب و شاف يده فج عيونه
حمـدان فخاطره : ياويل حـاليه بهزبني الحيـن ,, : هـلا والله بالطش و الررش
بو حمـد شهق : عنتلااااااااتك يا الهـــرم !!! شو اتسوي اهنيـه و بعد رااقد !! جان يرفع الخيزرانه
حمـدان : يا ابوي شوفيـك خل هاي تحت ماله داعي ترفعـها .. مافيها شي انا ريلهـا عـااادي
بو حمـد : ماتروم تتريا لين العرس
حمـدان : لا ماروم
بو حمـد : يا المهروم شو سويتبهـا !!
حمـدان : ههههه لايروح بـالك لبعيـد ماسويت شي اففف والله كنت راقد ع الكرسي بعيد عنها بعــد .. شحالك انته شخبـارك ؟
بو حمـد : بخير و سهـاله قوم خلني اوعيـها ..
وجـان يدخل و يشوفهـا وهيه راقده ,, يلس عـدالها ..
بو حمـد : فطـامي اميه قومي نشي
فطـوم تفج عينـها : هـاااا .. فجتها عدل : يديـييه .. فديتك والله جان تلوي عليـه
بو حمـد : هلا فديتج .. يلا فديتج قومي تغسلي و انزلي تحت ,,
فطـوم : ان شاء الله ,,

وعقـب سـار و وعـا محمد و سـاره و خلا سـاره توعي البنـات و كل نش و يوم خلصـو جان ينزلـون تحت ..
بو حمـد : محمد شو يسوي ولدك راقد عنـد فطـوم !!
بو حمـدان : مستخفيـن !!
فطـوم قففففطت من الخـاطر تمت تحج راسهـا وهم يشوفونهـا وفاجين عيـونهم : هاا ما ما مما ا ماسوينـا ماسوينـا شي بلاكم !!
و ثـانيـا هوه كان راقد ع الكرســـي !! عميــه لاتنـسا عمـرك انزيين.. لاتخليني اقـووول
بو حمـدان : منـوه علمج ؟
فطـوم : يمدحون حرمتـك هاهاهاه
الكـل : هههههههههههههه
فطـوم فلعته بالتكيـه : الله يغربلك كله منـك !!
حمـدان : عـادي انا ريـلج يا روحي ..
محمد : انا شو بيصبرني لين يوم الخميــس ..
بو حمـد : هههههههه وايد مستعيـل .. الله يعينج سـاروه بيحن عليج متى العرس بعديـن
حمـدان : هيييه صــح .. نحنا متى بنعرس !!
فطـوم : احلف انته بس !!
حمـدان : هيه والله متـى ؟؟
فطـوم : ماعرف
بو حمـدان : سوو عرس جـماعي احلـى .. بنفتك منكم
سـاره + فطـوم وهم متشققـات : والله !!!!
حمـدان + محمد فاجيـن عيونهم ..
الكـل : هههههههههههههه
ام حمـدان : والله صدق ونـاسه !!
سـاره تشوف فطـوم : شو رايج موافقه ؟
فطـوم : هيييييييه
مريوم + عليـا : يالله عقب نحنـا بنشل قشارنـا و بننفد بيت ابونـا
بو حمـدان : فديتكم والله ,, ماتسيرون مكـااان تقرون مكانكم لين ما حد يخطبكم وعقب كيفكم
عليـا : عميــه بس عـاد شو هالرمسه بـعدنا صغـاار
الكـل : ههههههههههههههه

وعقـب تمـو يسولفوون و ضحك و البنـات يرمسون ام حمـدان عسب الملجه و ام حمـدان خلت الحرمه اللي قبل يتهم تيهم هالخميـس .. وحجـزو فـ الصـالوون يسون حنـا .. اول شي يسوون اوكسجيـن عشـان يخوز الحنـا ,, وطبعـا هم ماقصرو كل دقيقه فالحمام يعججون ايدهم عشـااان يخوز الحنـا ,, ايدهم مستويه حمــرا عسب التعجيج لوول .. و مرت الايـام و مريوم و عليـا ما يرقـدون عـدل .. عشـان ماشـافو قلبهم .. من يوم ما سـارو المـول .. وكل وحده تتشكـى لثـانيه .. و محمد و سـاره عايشيـن احلى عيشه .. و محمد يتريـا يوم الخميـس ايي بسـرعه وامـا عند حمـدان و فطـوم مرتـاحييين مع بعض لا مشــاكل و لا ويعـت راس .. و قوم بو حمـد .. مساتنسيـن فـ بيت بو حمـدان ..

ومـررت الايـام بسـرعه .. و يوم الاربعـاء .. سـاعه 5 سـارو البنـات + ام حمـدان + ام مريـم الصـالون .. سوو اكسجيـن البنـات و هم يحاتون عمـارهم بيخوز الحنـا ولا لا .. والحمـدالله خاز و عقب تحنـو ,, وعقب خذو معصارين حنـا حق اليدات يسوون روايب لوول ردو البيـت و مر الوكت شرات المـاي و تحنن اليداات .. و يو العمـال يحـطون لمـبات المـلجه .. و الخـدم رتـبو البيـت من الخـاطر .. يلامـع من الشده لوول ..




اليـوم : الخميـس .. 13/7 .. سـاعه 12 الظهـر ..
غرفة مريوم + عليـا ..

ويـنه تراني حيـل مشتـاق .. مشتـاق خلي نـور الاوطـان
حبه سطـا في وسط الاعمـاق .. يجـري بدمي وكـل شريـان

عليـا كانت عند فطـوم و سـاره .. و اما مريوم كانت ع الفراش تشوف سقـف الغرفه و سرحـانه فخاطرها تقول :

وينك ما وحشتك وجيت على بالك ما ذكرتني وتمنيت قربي يكون ..
ما سألت عن حالتي حالك ما عرفت اني متيم بك ومفتون ..

مريوم : آآآآآآه يا عـزووز .. ومحدن خذا قلبي مثل ماأخذته .. ويـنك لك وحشـه !!
و عقـب هالتفكيـر كله دشت عليـا وشافتهـا و عرفت شو السـالفه
عليـا : بلاها العاشقه
مريوم : متعذبه ههه
عليـا : ههه فديتج والله ,, شراتج بس شو تبينـا نسوي .. ماعليه اليوم اكيـد بييون
مريوم : الله يسمع منــج .. شحـال نفسيـه سـاروه ؟
عليـا : ههههه تتحرطـم عليـنا .. خايفه و خايفه .. جنهـا بتعرس سيده
مريوم : حليــلها ..
و يوم أذن سـارو يصـلوون .. و يوم خلصـو . . سـارو يتغـدوون .. و بو حمـدان + بو مريـم و الشبـاب طلعـو وياهم .. و العصـر سـاعه 4 .. يوو الحريـم مال المكيـاج و الشعـر .. سـارو البنـات يابو فساتينهم عسب يشوفون اللـون وحتى الحريـم .. اول شي سوو حق ام حمـدان و ام مريـم ,, و يووم خلصـو .. سوو حق مريوم و عليـا .. و بعديـن فطـووم .. و بعديـن العروس
سوولهـا مكيـاج عروس بس هب وايد دفش هـادي شرات فستانهـا .. و عقب حرمه سووت التسـاريح حق الحريم و البنـات ,, بس مريوم و عليـا .. سوو كيرلي .. وطالعيـن كيـووت من الخـاطر .. و فطـوم سوت تسريحه ويا سـاره .. و ع السـاعه 6 ونص ,, يالسيـن الكـل فـ غرفة ام حمـدان ..
سـاره : امايه خايفه
مريوم : حق شووو !! بالعكـس وناسه
ام مريوم : هههه مستخفـه
ام حمـدان : ماعليه الغـلا لاتخافيين مابيـاكلج هوه
ام حمـد : فديـتج لاتخافييين .. و توكلـي ع الله ..
سـاره : اخااف يقولي برقد وياج ويستخـف مابااااا ..
فطـوم : ياربيه لو سوا جيه بيكـون قـلاااااد .. ههههه ماعليه انا بقـوووله ..
ام خـالد : ههههه شو يرقد ويـاج .. مستخـف ها بعـد ..
عليـا كانت توايج من الدريشه : مريوووووم .. مريووووم تعـالي بسـرعه ..
مريوم تركض : ها ها شووه !!
عليـا بصوت خفيف : عمـوور
مريوم بشوق : ويـن عزووز ؟؟
عليـا : ماشفته
مريوم تغصصت ..
جان ترد مكـانها واتم سرحـانه ,, وعقب ربع سـاعه ..
ام حمـدان : يـلا سيري لبـسو ,, و تكشـخو ,, وتعـالولي عقب بدخنكـم .. يلا فديتكم ( ترمس ام حمـد و ام خـالد ) سيرو تلبسـو ماباجي شي ..
البنـات : ان شاء الله ..
وعقـب كل واحد سـار غرفته .. لبسو فساتينهم و لبسـو ذهب و تعطرو و لبسـو نعـالهم و سارو صوب ام حمـدان عشان تدخنهم و تحطلهم دهـن عـود .. وعقب دقـايق جـان تي رفيـعه ,, يت ويا عزوز .. وعقب ودتهـا البشكـاره فوق و سلمو ع بعض

امـااا تحـت ..
مشغليـن الاغـااني و ربشــه من الخـااطر و يووله و رزفه و حالهم رقييييييييص الصراحه .. وع سـاعه 7وربع يـا المطوع و يوم خلصـو .. حمـدان سـار ودا الدفتـر حق ام حمـدان .. و كانو فـ الغرفه دق البـاب و ام حمـد خذت الدفتـر و عطت سـاره ..
فطـوم : يـلااا وقعي
سـاره : هـاا .. " تمت تستهبل " انتي وقعي ..
فطـوم : كيف بعد آآخذ اخويه ,, عندي ريل انا .. يـلاا
مريوم : ههههه يلا عـاد عن المنـكر
ام حمـد : يلا فديتج حمـدان اكوه يتحرطـم ..
سـاره غمضت عينها : بسم الله .. جان توقع
فطـوم بصوت عـالي كلولولوليييش .. الف الصـلاااة و السـلاااام عليــك يا حبييييب الله محمد
البنـات الـ 3 + اليدات : كلولولولوللييييييييش
ام خـالد : بالمبـااارك فديتج
سـاره مستحيـه : الله يبارك فيج :$
مريوم + عليـا : فديتج والله مبروك غنـاتي ..
سـاره : الله يبـارك فيكم .. و عقبـالكم
مريوم + عليـا صوت خفيف : آآمين
رفيعـه : فديتج سـارونه و الله كبـرتي و صرتي حرمه ,, مبروك فديتج
سـاره : الله يبـارك فيج خـالوه .. و عقبـال عيـاالج
رفيـعه : آآآمين فديتج و تشوف مريوم و عليـا .. وهم يضحكـون ,,
وعقب سلمـو ع سـاره و سارت ام خـالد و دت الدفتر و نزل حمـدان و محمد ما صدق ههههه خبله خبله مستوي
محمد : ياويل حالي خـلاااااااص ارتـااااح قلبي فديتها ياربيييه بسيرلهـا
جان ايي بو حمـد يضربه بـ العصـا : عنتلاتك وين سـاير !!
محمد : افا والله .. افا والله .. الحين العريس تضربه ,, ماهقيتها منك يا ابويه
الكـل : هههههههههههه
عزوز : محد قـالك ..
محمد : انته صخ صخ الله يخليـك .. يلا عميـه .. ابا اشوفهـا
بو حمـدان : مابتشوفها الا بـاجر
محمد : تخسـوون والله .. لاتخلوي اطب عليـها و هيه ماتدري
عمـر : ههههههه بيـاكلونك اللي موجودين هنـاكي
حمـدان : أأأ عزووز تعـال شويـه .. جان يسير ع صوب و عزوز ياه
عـزوز : هلا آمر ..
حمـدان : تحيد يوم ارمسـك عن مريوم .. قلتلها انك هب زعلان و السـالفه كلهـا هههه اشوفهـا احمـرت جان اقولها بلاج جان تقولي: يـاخي والله احبـه دزتني و دخلت داخل هههههه .. قلتلها والله بخبره جان تقولي لا يا حمـار
عـزوز فاج عيونه : احـــلف
حمـدان : ههههههه هييه والله
عـزوز : فديتهـا وانا امـوووت فييييييييييهااااا
حمـدان : انزين انزين عن تموت علينـا ههههه

فـوووق ,,
فطـوم : يـلا انزلي ..
سـاره محمـره : ايه شو انـزل مابا هب الحيـن ..
عليـا : ياويل عليـج ,, بيذوب محمد بـ هالفستـان اللي لابستنـه
سـاره : كلـه من خالوه رفيعـه .. استحي والله يشوفني جيه وايد امفصخ الفستـااان
رفيعـه : ماعليه هههههه حلاته
الكـل : ههههههههههههه ..
فطـوم : اندوج الباقه ..

سـاره : كـان فستـانهـا .. قطعتيـن ,, بيبي بلـو و بيـج ,, كـت كله فولك و شجج بالخرز باللون البيج و خفيف سماوي ,, وفي حزاميـن ضغيف ازرق واحد ياي جيه عالخصر و نازل و الثاني معتدل تحته .. و عقـب جيه يايه القطعة البيج فوق و البيبي بلو تحـت يعني ينعرف انه قطعتين .. و ع جهة اليمين ياي مرتفه ,, من ورا طويــل ,, و من جـدام ياي مايل صوب اليسار طويل و صوب اليمين قصيـر .. و مكـياجهـا كـااان عذاب .. ازرق و بيـج و مدخله شويه ذهبي وكـااانت رووعه ,, و نعـالها بيـج بو ربطـه " بس هب حبـل ,, ايي قمـاش "

مريـوم : كـان فستـانها بيـج و عليـه برتقـالي .. ومن تحت فيه بني محروق .. و كـت و في شي نـازل ع الايد في ريـالات بالذهبي ,, ومخصـر .. طااالعه مـوووت حلـوه ,, .. و من فوق لي تحت كله شغـل .. و لابسه ذهب ذهـبي ع الفستـان .. و مكياجهـا كان اول شي في برتقـالي و بيج و عـداله بني محروق و راسمين عيـنها و عند بدايت العيـون محطين ابيض مفروش ,, و بعد عند نهايـة العيـون .. طالعه عذاب ..

عليـا : كـان فستـانهـا فضـي ياي ع لمـعه .. كـت .. و ياي محـدد ع الجـسم .. وعند الركبـه فـ النص في خلقه بـ الشيفـوون بـ الون البيـج الفـاتح المغبـر ياي ع رصـاصي .. وياي منفـوش .. من تحت .. وكـان مكيـاجها اسود + رمـادي و ع بيج مغبـر .. و ابيض .. و راسميـن عينهـا ..

فطـوم : ههه استخفـت هالمره .. فستـانهـا بيـج و فـوشي .. كله شـغل الفسـتان محـدد ع الجـسم .. و في تـور بـ الذهبي ع البيـج .. 3 قطع هم ,, اول شي فوشي و عقب البيـج و عقب التور الذهبي ع البيـج و ياي مدرج .. القطعه الفوشيه اطول شي و البيـج شويه قصيـره و التور اقصر شويه .. طويـل من ورا .. و من جدام ياي ع ينـب مفـتوح قصير لين الركبه .. " ميمعـات ويايه ع ينب " و نعـال فوشي في ربطـات .. و مكيـاجها كان شرات مريوم بس فوشي و بيـج .. طالعه حلـوووه وينك ياحمـدان لول ..

و ام مريوم و ام حمـدان و رفيعه فاكيـن عمـارهم وماخذيـن فساتيـن نفس الشي بس هب شرات البنـات خفاف .. و اليدات مخـوره لوول ,, وعقب دقـايق جان ينزلـون البنـات و يا سـاره وهيه ماسكه البـاقه ... وكـااانت مستحيـه مـوت .. تمـو قوم مريوم و عليـا فـ الصاله و جان يدخلـون فطـوم و سـاره و ام حمـدان و ام مريـوم .. داخل .. و جان تتصل فطـوم حق حمـدان انهم ايـوون .. سيده عـاد محمد ما صدق دخـل اول واحد ,, واويـلاااااه لووول من شـافهـا بغـا يمـوت ماكان متوقع تلبس جيه .. تخبـل تخبــــل هههههه حليله مسكيـن حـاله سيده سـار صوبها ويه موخيـه راسهـا ..
حمـود بحـنان : ياويلي عليـج ,, شو هالفستـاان العذاااااااب ,, مبـروك غناتي
سـاره وهيه تشـوفه : الله يبـارك فيـك حيـاتي
حمـود : آآخ كم بعيـش .. من متـى وانا اتريـا هاليـووووم ,, احبــج مـوووت والله بـاسها ع خدها لوول من الخـاطر ,,
سـاره : ربيـه لايحرمنـي منـك حمـودي
وعقب كل واحـد يا يسلم عليـهم و المصـوره اتصـور ,,
فطـوم : يا حبـاايب ألبي .. مبـروك فديتكم
سـاره + حمـود : الله يبـارك فحيـاتج ..
حمـدان : مبروك فديتكم ..
سـاره + حمـود : الله يبـارك فيـك ..
حمـدان يشوف فطـوم من فوق لي تحت جان يتقرب منهـا : شو هالزيــن شو هالزيــن ,, جيه مالبستي جيه فـ الملجه
فطـوم قافطه : جب لااه و تكفخه
حمـدان : والله انـج حلـوه .. فستـاانج خبـااااااال .. جيه سوي حق العرس و اخس
فطـوم : ههههه ماشي شغـل
بو حمـد : سـاروه شو هالفستـان اللي لابستنه
سـاره : اوووه يدييه هب انا مختارتنه خالـو رفيعه ,,
الكـل : ههههههههههه
بو مريـوم طلع و سـار صوب الصـاله ..
بو مريـوم : فديتـكم خذو السويـج وايبولي موبايلي ..
مريوم : من عيـونـا ..
سـارت عليـا ترمس البشكـاره عشان تيبلهم عباتهم و شيلتـهم ويوم وصلت .. لبسو تغشـو ,, طلعـو برع .. و عقب سـارو صوب السيـاره ,, و يوم يابو الفـون توها بتسـكر السيـاره ,, عزوز تقرب صوب مريوم ,, و عليـوه سـارت بس شافهـا عمـور ,,

تحيـه طيـبه و بعـد التحيه احـي قلبك القـاطع و صـاله ..
مضـت ايـام بك و امضت عليـا سهر و دموع و همـوم و عباله ..

عنـد عـزوز و مريـوم ,,
عـزوز : شحـالج ..
بشوق سيده صدت صوبه وفخـاطرها تتفدااااااه ..
مريـوم : انته وينك كل هالمـده ,, لا سلام و لاخبـر ولا حس ولا شـي .. هب حرام عليـك تعذب قلـب ميـت فيـك >> بدون ماتحس قالت جيه ,,