آآه من قلب (ن) غدا حبه جنوني..

24

حمـدان يود قلبه و اونه سوا عمره بيطيح ع ويهه نزل ع ركبته : آآآخ يا قلبيه
فطـوم نزلت : شوفيه قلبك ؟
حمـدان : متعذب
فطـوم : منو ها اللي معذبنه ,, مايخيل !
حمـدان : لاتسبين ما ارضا !!
فطـوم : انزين منو قوليه عشان اضربه
حمـدان : ام عيون ذبـاااااحه
فطـوم احمرت
حمـدان : فطـامي
فطـوم : لبيـه
حمـدان : فـ ذمتيه اني امس يوم قلت حق حمـده احبج هيه كانت تعرف شو اقصد ,, انا قصدي احبها شرات اختيه لاتفهميني غلط
غناتيه ,, انا احبـج ,, اغليـج اغليـج .. فذمتيه احبـج غنـاتيه احبـج موت
فطـامي بدلع وهيه مستحيـه : حمـداني اثتحـي عااااد
حمـدان : وااااايه فديت دلعج ,, شخبـار اللي فبـطنج ؟
فطـوم قفطت جان تشغل الدراجه وسـارت
حمـدان بصوت عالي : تحملي ع عمرج

فطـوم عاااد حالها رقيـــص و حمـداان بيطير خلاص .. ياويل حاليه عليهم ,, احلى اثنين الصراحه لوول .. حمـدان لحقها
اما عند العزبه كانو الكـل موجود فـ اليلسه برع و هم يحـاتون فطوم و نسو حمـدان و فجـأه
ام حمـدان : واغميه ع ولديه وينووه !!
عبود : هيه صح حمـدان وين ؟؟
حمـده : اكيـد ويا فطـوم
خالد : انتي مالج خص ..
و صلو العزبه و حصلت هاايج الهزبه المحترمه من بو حمـدان ..
بو حمـدان : انتي وين كنتي ؟
فطـوم : اتحـوووط
بو حمـدان : وليش ماتقوليلنا !
فطـوم بدلع وشاقه حلجها : بابااااتيه آثــفه سكتت ,, آثـفه حبيبي
بو حمـدان : ياويل حاليه تعالي عداليه
فطـوم لوت عليه من الخـاطر جان يقولها : شو سوالج حمـدان ؟
فطـوم : واعليه ماسوالي شي تحوطنا و ينا
بو حمـدان صاصرها : ما غازلج ؟
فطـوم : احم ثوالف جان تصاصره ثوالف حبايب ,, اوو قصدي ثوالف همممم اصدقاء
بو حمـدان : ههههههههه حركـااااااات ,, يلا فديتج سيري زهبي اغراضج انتي و سارونه ,, انتو !! لاتعذبونا سيرو زهبو الحين
محمد : هيهيهي يعرفنا الشيييييبه ,, انزين بنسير لاتهزب !!
بو حمـدان : عنتلاتك بعدنيه شباااااب !!
ام حمـدان : حمود حرام عليك لاتغلط عليه
بو حمـد : ياويل حاليه انا ,, بتخبرج هنوده غازلينيه شويه
ام حمـد : هههههههه ,, شبعت يوم كنا شباب بسك عاد نحنا كبرنا ع هالسوالف
بو حمـد : لا لا ماكبرنا جان يسير الشيبه و يحبها جدام الكل
ام حمـد استحت وفطوم نقعت من الضحك : وي وي وي شوفو ويها هههههههه ياويل حاليه عليكم
سلطـان : حليييييييييله الشيبه توله ع ايام قبل
عبود : ياربيه مااروم امااااااايه ابا اعرس
ام خـالد : خذ فطـوم تفداكـ
فطـوم : نعــم ,, ماشي شغـل ترا .. مابيـه جان تسحب ساره و تسير ..
بو حمـد : لاا فطوم حق بعض النـاس
عبود فخاطره : فطوم تحب حمـدان !!
بو حمـدان : هههههههه ترا النـاس هيل وايد مستعيلين
سلطـان : حلييييييييييله ههههههه
محمد : قووم قوم حمـدان خخخخ خلنا نسير

وعقب سارو محمد و حمـدان يزهبون اغراضهم حتى البنـات و بو حمـدان و ام حمـدان ,, وعقب اذن و سـارو كلهم يصلوون .. وعقب الصـلااه سلمـو ع الكـل و فطـوم استوت احسن من حمـده و سلمت عليها و الكـل فرح لانه هيه اللي بدت بالسلام و يوم فطوم سلمت ع عبود و سلطان
فطـوم : يلا عيـال عموتي ,, تـامروني بشي ؟
عبود : سلامتج بصوت خفيف فديتج
فطـوم استغربت
سلطـان : سلامتج فطوم
عبود بصوت خفيف : بتحرميني من شوفتج فطـامي !
فطـوم : عبدالله عن هالرمسه !!
عبود : صدق والله ,, فطـامي ابا رقمج بس مسجـات
فطـوم : منـااك ,, يلا فداعة الله ,, ركبت سيـارة حمـدان .. و جان يتحركون كلهم و الـ AL Body Guard وراهم ,,

فـ سيـاره حمـدان

فطوم كانت ورا حمـدان و ساره لاصقه فـ فطوم يالسين يحـشون و محطيين اغاني ومحد يسمع شو يقولون
فطـوم بصوت واطي : طافج شو استوا يوم طلعت برع العزبه
سـاره : شو استوا ؟
فطـوم : لحقنيه حمـدان وانا فوق العرقوب يوم نزلت انجلبت عليه الدراجه
سـاره : واعليه و شعنه ماتقولين !! محمد يدري
فطـوم : انجبي محد يدري غيري انا و حمـدان وانتي الحين
سـاره : شو صار بعدين ؟
فطـوم : ماشي يا سوبر مان و ساعدنيه وانا كنت اصييييح هههه خفت اموت قلتله لو انته هب موجود جان مت
سـاره : هههههه ياويل حالج انا
فطـوم : وعقب قالي فطـامي قلتله لبيه قالي لبيت حايه بدون ما احس قلتله آمر عنيه افداك
سـاره : ياويل حاااااااااالي >> صوت عالي
محمد : هااااا شو مستوي بعد ؟
سـاره : هههههه لا لا ماشي ,, كملي
فطـوم : هههه انا قفطت جان يود قلبه و طاح قال آآخ يا قلبي قلتله شوفيه قلبك قالي متعذب
سـاره : تنفعون فلم رومانسي ههه انزين كملي
فطـوم : ههه فديته والله انزين جان اقوله منو ها اللي معذبنه مايخيل قالي لاتسبين ما ارضا جان اقوله انزين قوليه عشان اضربه
قالي ام عيـون ذبـاااااحه
سـاره وهيه تصفق : وييييييييييييييو ,, شو هالموقف الحلو
فطـوم ضربتها ع ريلها : انجبي فضحتينيه !
حمـدان : جنهم يحشون فيني
فطـوم : افا يا ولد العم !! ماعاش من حش فيك ,, صوت واطي غربلاتج
سـاره : انزين هههههه كملي
فطـوم : هههه انزين حمريت جان يقوليه فطـامي قلتله لبيه قالي فـ ذمتيه اني امس يوم قلت حق حمـده احبج هيه كانت تعرف شو اقصد ,, انا قصدي احبها شرات اختيه لاتفهميني غلطغناتيه ,, انا احبـج ,, اغليـج اغليـج .. فذمتيه احبـج غنـاتيه احبـج موت
حمـدان سمعها : بـــــل !! كوبي و بيست وايد متأثره يعني
فطـوم قفففففففطت : لا لا حمـدااانوه ها فلم خبرتنيه عنه اليوم مريوم
محمد : هاااا بو النبـات شو مستوي وراي ؟
سـاره : لا فديت اخويه انا هب بو البنـات مالك خص فيه انزين كملي
حمـدان : ياويلي استوا اللي مايستوي ههههههههه
فطـوم : ههههه غربلاتك بتخرب اللي بيني و بين اخويه ,, انزين اقولج ازقريت جان اقوله بدلع : حمـداني اثتحـي عااااد
سـاره : ياويل حاليييييييه
فطـوم : هههه و بس وعقب شردت

صوب دار الحـي
يوم تغدو و خلصـو .. سار بو مريم و الخدم يحطون الاغراض فالسيـاره ,, و يوم خلص
بو مريم : يلا يا بنات تأخرنا
رشود : بابا وين بنثيير ؟
بو مريم : حبيبي بنسير عند خالو فطـامي
رشود : اللللللللله
ام مريم : ههه فديت روحك ,, بتلعب ويا عبدالرحمن

وعقب نزلو عليا و مريوم و الخدم يشلون شنطتهم و كانوه مطقمين لابسين بنطلون وردي هادي و قميص ابيض وجاكيت لين الصدر قصير هاللبس عند فطـوم .. وجان يركبون السيـاره و مريوم حطت غنيه ( صوب دار الخـل .. ميحـد حمـد )
وكلهم مرتبشين من الخـااااااطر و يبسـون .. وكانت السيـاره هب مخفي وايد ,,
مريوم : هلا ياااابس يااابس
بو مريم : عاشو البنـات
ام مريم : ههههه تخبلن
عليـا : ياويل حاليه انا بشووووف فطوووووم وتصـارخ
مريوم يودت عليوه و تصـارخ وياها : هيييييييه كشخه
وعقب نص ساعه حصلو محـطه وكان بو مريم بيصب بترول
مريوم : ماما بنزل صوب المحطه
رشود : هييه هييه انا ابا
بو مريم: انزين بس لاتتأخرون ..
عليـا : ان شاء الله بغيتو شي ؟
ام مريم : بغينا عصير برتقال بارد
عليـا : من عنونا ,, يلا مريوم تعالي ..
وسـارت مريوم نزلت رشود .. عليوه يودت رشود و يوم دخلو المحـطه محد كان فيها .. و عقب ثـواااني دشو 4 اولاد .. و البنات مخترشـات فـ مانتبهو .. وكانو هب مطلعات شعورهم ,, اصلا هم مايطلـعون .. و ماخلو شي ماخذوووه من كل شي 6 لول .. حقهم وحق ساره و فطوم و حمـدااااان و محمد .. و خذو حق عبدالرحمن و رشود حلاوات وهالسوالف اللي يحبونها اليـهال .. وكـان المكـان هادي ولا مره وحـــده

عليوه صوت عـالي : رشوووووووووود اقولك رده ها هب حلـووو !!!!
رشود معصب : ماااااااااااااابااااا .. وجان يروح عنهم

وصوب الشبـاب ,, ناقعين من الضحك ,, و عليوه قافطه و مريوم تضحك عليها ..
(****)1 : ههههه تعال نلعوز الصـغير
(****)2 : ههههههه اوكيه يلا ,,

و الولدين البـاجين سـارو صـوب مريوم و عليـا ,, و شـافو سلتين اللي عند مريوم فيها جلكسي و حلاواات واااااايد و اللي عند
عليـا عصير و كولا و فريزز وايد وايد لوول و سله تشل بايدين و شكلها يضحك .. و البنات كانو ملتهين يالسين ياخذون و الولدين ماشافو ويوهم عدل ..
(****)3 : بـــل !!
(****)4 : جيه اميه ماتشترون المحـطه بكبرها !!
مريوم بصوت واطي : هيهيهي فشله ,,
عليـا بصوت واطي : هههه كله منج
مريوم و بصوت واطي و شويه معصب : هيه كله منيه انا
عليـا : جب جب انزين لاتتحرطمين الحين ,,
مريوم و عليـا صدو صوبهم
(****)3 ,, (****)4 ,, من شافوهم بغـو يموتون من جمـالهم
مريوم : آآه والله كيفـا انته مالك خـص !!
عليـا : والله يوم بنـاخذ المحـطه هب من جيبـك من جيب باباتنـا
مريوم : هههههه ,, الله يقـطعج .. ومره وحده هدت السله : واااااايه ,, آآآآآآخخخ يعووور ,, ونزلت تحت يودت ريلها : عليوه سيري شوفيه الكلب ها وين
عليـا : رشوووووود >> صوت عالي
(****)3 : سلامتج الغـلا ,,

صوب رشود و الاولاد ..

(****)1 : ويا منو ياي ؟
رشود : هممم ماما و بابا و عليوه و مليوم
(****)2 : منو هيل ؟
عليـا : رشود غربلاتك تعال هنيه
اللاولاد كانو شبـه يالسين جان يرفعون راسهم و شافتها
(****)2 :اففففف محلاها
عليوه احمرت و عصبت : رشود تعـااال !!
جان يصير صوبها
وبعدين لحقوها (****)1 .. (****)2
(****)2 : ها بو الشباب خلصت ؟
(****)4 وهوه يشوف مريوم وهيه تتويع : هيه خذ سير حـاسب ..
مريوم وهيه تقوم : عليوه خلصتي اكوه ابويه كمن مره متصل ,,
عليـا : هيه هيه خصلت ,, جان يسيرون يحـاسبـون ,,
عليـا : اويه نسيت آخذ مصااااااص
مريوم : بتذبحج فطوم يلا طوفي سيري ييبي ..
عليـا سـارت صوب المصـاص وكانو (****)1 و (****)2 هنـاكي
نزلت عليـا عشان تاخذ مصاص ,, وخذت 10 لوول
(****)2 : ياويل حـاليه ع الدلع انا
عليـا : هههه ويا هالـراس ,, وعقب سـارت حطتا المصاص عند مريوم .. وجان مريوم تركض و تيب 4 Pink و 2 BLUE
(****)1 : ههههههه اشكلاكن اضحك ,, بتخبركم كل ها فـ حقكم
عليـا : ياربيه انته شلك فينا ,, كيفنا !!!
يوم حسبو و خلصو طلع الحسـاب كله 95
(****)2 : ماشالله !! ادفعلكم
مريوم : لا مايحتـاي ,, طلعت بوكها و عطت الحرمه ال100 و عطتها الباجي و شلت الاجيـاس و سيارت السيـاره

(****)4 تم سرحـااااااااااان طول الوكت و يفكـر فـ مريوم و عقب استعيلو بسرعه عشـان يلحقون سيـارة بو مريم بدون محد يحس ,,

بو مريم : بل شو ها ,, كم طلع الحسـاب
مريوم : آآآه 95 هيهيهيه عادي فرحانين ابووويه لاتخرب علينا
بو مريم : اشهد انا لا اله الا الله !! 95 بتمتنوون خافو ربكم
عليا : ابويه حق الجيش بعد اللي بـ AD هب بس نحنا
ام مريم : ههه خلهم فرحانين ,,
مريوم : عليـوووه ميحد بسرعه فيني ربشه غير طبيعيه ..
عليـا تمت ادور بين السيديات و حطت غنيه ميحد حمـد وين يا الغايب وكانو منزلين الدرايش و معلين ع الصوت و مريوم ورا امها و عليا و را ابوها و رشود فالنص
عليـا : ياويل حاليه ,, هلا هلا عاشت اختيه ,,
مريوم : ابويه دخيلـــك اسرع نبا نوصل بسرعــه
بو مريم : هههه ان شاء الله ..

اما صوب الاولاد الـ كانو بعد سايرين بوظبي بس ظيـعو سيـارة بو مريم


صوب راعي الرنــج ... طريج بوظبي ,,

حمـدان : اييه مالكم خص فـ حرمتييه
>> فطـوم كانت تتعدل .. لانه تبا تسير المحطه بس قالت يوم بخلص من التعديل بسير اقوله ,, كانت راسمه عيونها و حاطه شدو وردي خفيف بس هب وايد ,, وحط قلوز وردي شفاف .. كانت عذاب من الخـااطر ..
سـاره : وع عليك وعليها
محمد : انا باخذها بدالك
حمـدان : هههه اصلا مايستوي
فطـوم : اييييييييه بسكم حش فينيه ,, جان تسير صوب السيت اللي ع الدريشه عند حمـدان : حمـدااني ودنا المحطه اكييه بلييز
سـاره : هيه هاي المحطه الكبيـره ,, لا لا لللللللف حمـداااااانوه
حمـدان لف لفه قويه فطـوم : هههههه غربلاتك ,, بتصب بترول ؟
حمـدان : هيه ,, انزلي انتي وسـاره ,, و خلي جسوم يسير وياكم ,,
فطـوم : عنييه افدا هالخشـم ,, تسلم ,, لبست نظارتها Dior ياي تدرجات الوردي وصدق كانت خبـااااااال طالعه وطبعاًً هب مطلعه شعرها و سـاره نفس الشي ,, هب من عوايدهم .. نزلت هيه وسـاره و جسـوم وراهم ,,
سـاره : ياويليه احس اهنيه اميره خخخخ AL Body Guard ورانا بعد من قدنا
فطـوم : اسمعي كوني خقاقه و الغرور كله فعيونج دام انج هب لابسه نظاره .. ولاتردين ع حد لانه المحطه متروسه شباب
سـاره : دااهيه وانتي شو بتسوين ؟
فطـوم : بتعرفين شو بسوي =pP

جـان يدشـون المحـطه و من دشـو الاولاد اللي داخل المحطه سيده عيونهم عند فطوم و سـاره
حبيت اوضحلكم شي : هيل الاولاد هب الاولاد اللي كانو ويا مريوم و عليـا ,, هييل ثانيين = )

(****)1 : ياويل حاليه انا ,, اندوكم AL Body Guard بعد
(****)2 : قوم فوق فوق ,, تعال صوبهم
(****)1 : بس شوف هاي اللي هب لابسه نظاره شكلها خقاقه
(****)2 : هيه وايد ,, فخاطريه اشوف عيون اللي لابسه نظـاره ,,
(****)1 : شوف شوف شلت النظـاره ,, يلا بسرعه صوبها

صوب فطـوم و سـاره
فطـوم : بتخبرج بسير الصوب الثاني ,, جسوم خلك وياها ,, سـارت صوب المشروبات البـارده و,, جان تعق النظاره ,, الولدين لحقوها .. عاد فطوم ماانتبهت وكانت تغني فـ خاطرها :
آآه من قلب غدا حبه جنوني ,, و آآه من خلن على بـالي طرا ,, لي سطا فالروح و اتملك شجوني ,, من صدوده يا ملا دمعي جرا
و بدون ماتحس بعمرها غنت صوت ينسمع :
فـ المحبه يا عرب لاتعذلوني ,, لانه حبه في فوادي كد سرا ,, وأأه من قلبن غدا حبه جنوني ,, وآآه من خلن على بالي طرا بالي طرا
(****)2 : ياويليه انا ع الصوت
فطـوم خافت و قفطت سوتتله طاف ,, تمت تاخذ فريز و كولا و من هالسوالف ريد بول حق حمـدان ومحمد ,,
(****)2 : عطينا ويه فديتج
فطـوم طـاف ,, جان تسير صوب عليـا ,, وتشوفها وهيه تشتري جبس و حلاوه
فطـوم : يلا فديتج خلصتي ؟
سـاره : لا عنونيه بعدنا ,, جسوم يود السله تكسرت ايديه خلها هناكي نحنا الحين ياين ,, سار جاسم و حط السله وين اللي يحاسبون
(****)1 : فديت عيونج والله
سـاره : يلا منـاك مانرمس نحنا لوث ,, وجان تروح عنهم ,, و سـارتحاسب هيه و مريوم ,, طبعا ماخلو شي ماخذوه كل شي دبل ما كانو يدرون انه حد بيي بس جي خدو وايد و عقب يوم ظهـرو

(****)1 : خقاقات ماينلامن بعد AL Body Guard ..
(****)2 : غربلاتهم ,, هايج ام عيون سود خبـال والله فخاطريه فيها
(****)1 : حتى الثانيه حلوه
صوب السيـاره
حمـدان : بل بل شو ماخذين انتو
فطـوم : هههههه هبابكم تشبعون ,,
محمد : عاد شو خذتي ؟
فطـوم : كل شي ,,

وعقب نص سـاعه و صـلو قوم بو حمـدان و الـ AL Body Guards و قوم حمـدان كانو صدق مستانسين وتوهم يدشـون البيت ,, ويوم و صلو صوب البيت نزلت فطـوم ..

فطـوم : واااااااااااااااايه عنييه افدا هالمكــان ,,
سـاره : اشتقت لحجرتيه ههههه تعالي ولهت عليج ابا ايلس وياج طول الوكت
حمـدان : الحمـدالله و الشكـر هب جنه 24 ساعه وياها
فطـوم : وانته ليش تغـار ,, يلا فديتج ,, ولا اقول خلينا نسير صوب الحديقه و نااكل كيك ,,
سـاره : اوكيه ماعليه تعالي
فطـوم و سـاره عقو عبيهم و عطوهم الخدم و بو حمـدان و ام حمـدان دشو يرتاحون و عبدالرحمن كان راقد فسـارو الغرفه ,, اما فطوم قالت حق الخدم ايبون كيك و عصير حقها و حق سـاره ,, حمـدان يوم شاف فطـوم بدون عبـاه تعذب لوول ,,
حمـدان : يـاخي فطوم تمي بالعباه والله تعذبينيه جيه
فطـوم : هههههههههه جيه انا شو سويت ؟
محمد : حمداااااااانوه !!
حمـدان : هههههههههههه جب انته خلنيه اتغزل ع كيفه ,, فطـوم بعدين بقولج ليش .. هب جدام الحميـر
سـاره + محمد : حمار انته !!
محمد : يـاخي سـاروه تمي بالعباه والله تعذبينيه جيه >> اونه يعيب ع حمـدان
الكـل : هههههههههه
سـاره : انا اباك تتعذب كيفيه
محمد : فديتج و فديت تعذيبج انا عسل عسل والله عسل
حمـدان : حمووووووووود !!!
سـاره اونها مستحيه .. سارت انخشت ورا فطوم
محمد : هههه وحده بوحده ,, تعال تعال خلنا نسير نلعب بـ الـ X.box
حمـدان : اوكيه ,,

اما صـوب بو مريم و البـاجين ,, وصلـو بوظبي ,, و بالتحديد الحين هم صوب فريج بيت بو حمـدان ,, كان بو مريم يدل الدرب بس ناسنه شويه لول .. و عقب سار يمين يسـاره و مريوم و عليـا يتحرطمون .. و آخر شي جان يوصلـون
بو مريم : عاد انتي شدراج انهم واصلين !!
مريوم : حرام عليك ابويه شوف السـاااعه كم اكيد وصلو
بو مريم : اذا ما وصلو بتصفعين
مريوم : هههههه انزين بنشوف
عليـا : هههه الله يعين

المهم دشـو بيت بو حمـدان طبعـا الـ AL Body Guards سـألوهم انتو منو ومادري شو ,, وعقب عرفو بو مريم و البنـات دخلـو و جـان يسيرون صوب النافوره ,,

سـاره : مامي منو هيــل ؟!!
فطـوم قامت وهيه مصـدومه : لا يكون !! وركضت صوب السيـااره جان تنزل مريوم

فطـوم صوت عالي صرخت ( اللي فالبيت سمعها بعد ) : مريوووووووووم و عليـوووووووه ما اصدق و لوت عليهم من الخاطر
مريوم : فديتج فطوم ولهنا عليج حيييل
عليـا : يا العنــز قسم بالله لج وحشه من الخاطر

داخل البيت
بو حمـدان : يالله بسـتر منو ها اللي يصـرخ
حمـدان : البنـااات !!!
ركييض عاد بو حمـدان والشبـاب و ام حمـدان برع ,, ولا آخر شي شافو بو مريم و ام مريم و البنات
سـاره قربت من صوبهم : حيييييهم من زارنا نورتو البيت والله
فطـوم و الدموع فعينها من الفرحه : فديتكم والله ولهت عليكم انا زووووووود حيااتي والله ,, جيه ماخبرتونيه اانكم بتون ؟
عليـا : مفـاجأه
سـارت ساره تسلم ع البنـات
بو مريم : فطـووووووووم !! شعنه ماتسلمين !!
فطـوم : وايه عميه ,, فديت روحك والله ,, لوت عليه من الخـاطر و حبته ع راسه ,, ولهت عليك موت
بو مريم : وانا زود غناتيه ,, شحالج ؟
فطـوم : يسرك الحـال الغـالي ,, خالوتيه فديت خشمج انا ,, شحالج؟ >> و حبتها ع راسها
ام مريم : يسرج الحال الغلا من شفتج ,, وانتي شحالج ؟ وجان تصاصرها وشحـال حمـدان وياج
فطـوم : والله تمام ,, هههههههه خاالوووووتيه عيب عيب ماعنديه هالسوالف انا
ام مريم : هاا هب علينا هالحركــات ..