(وصلا إلى القسم وتبدو هديل في حالة يرثى لها أشهشت بالبكاء وصعُب عليها الكلام.. حاولت سمر تهدئتها لتدرك ماذا جرى..)
_سمر : "هديل طيب براحة كدا وريني الحصل شنو"
=هديل وهي بتبكي شديد:" يا سمر انا كنت راجعة البيت عادي زي كل يوم جاني اتصال انو أبوي عمل حادث ونقلوه المستشفى قمت مخلوعة وعايزة امشي كدا فجأة الشرطة كبسوا المكان ورفعوني وانا ما قادرة استوعب حاجة من اللحظة ديك.. انتي عارفة المشروع بتاعي الجديد بتاع الوجبات قالوا جاء كم بلاغ انو منتجاتي فيها ممنوعات!!!...
_ ممنوعات ؟؟!!! "
(هديل بت طموحة ومثابرة شديد جربت كذا مشروع ومستحيل تدخل تجربة بدون تستفيد أو تقول انها فاشلة دائماً متفائلة)
="انا ذاتي اتخلعت كيف يعني ممنوعات 😭انا الحاجات دي عمري ما شفتها غير في الأفلام والمسلسلات.. انا يا سمر؟؟ معقولة اعمل كدا؟؟ بتصدقي فيني حاجة زي دي؟؟ 😭😭"
_"هديل حبيبتي انا واثقة فيك ومتأكدة انك ما بتعملي حاجة زي دي.. خليك قوية طالما انتي ما عملتي حاجة ربنا بنصرك استحملي بس.. أمر المؤمن كلو خير.. "
=" انا بالجد ما اتخيلت ادخل القسم في حاجة كدا😭😭.. سمر شوفي ابوي عامل كيف انا مقلقة الحادث دا كيف حصل ابوي كان دايماً براعي إرشادات السلامة وقواعد المرور عمرو ما عمل مخالفة.. وكيف الحاجات دي كلها تحصل في يوم واحد وامي حالتها حتكون كيف هسي.. "
_"هدي هدي اكيد كويسين والحمد لله انا بشوفهم وبطمئنك.. وبالنسبة للقضية حنشوف ليك اشطر محامي في السودان دا كلو ما تشيلي هم وحتطلعي منها.. "
(حضر احد الضباط قائلًا انتهى الوقت )
عند وليد __ذهب للضابط المسؤول عن القضية
دق الباب
_الضابط : "اتفضل"
="وليد : السلام عليكم يا جنابو انا جاي بخصوص هديل الحاصل شنو"
_"ايواا اتفضل.. هديل متهمة بتوزيع الممنوعات.. جانا اكتر من بلاغ في الموضوع يعني لو واحد كان ممكن يكون في حاجة غلط لكن أكتر من مرة كدا!!!!... "
="كيف ؟كيف يعني ممنوعات؟؟؟!! هديل مستحيل تعمل حاجة كدا.. اكيد في سوء تفاهم"
_"للأسف ماف اي سوء تفاهم نحن كنا بنراقب والادلة موجودة.. عموماً المتهم برئ حتى تثبت إدانته وليكم الحق توقفوا محامي وخلال الفترة دي حتكون على ذمة التحقيق.. "
(خرج سمر و وليد)
_وليد:"انا حأغشى عمي في المستشفى انتي ارجعي البيت"
=سمر :"ارجع كيف يعني عايزة اطمن عليهم اول"
_"لا الزمن إتأخر تعالي الصباح"
=" طيب"
_________________________________________
في صباح اليوم التالي
(استيقظت سمر في ذلك الصباح تبدو كالاحياء الأموات وقد التهم الهم نصف عقلها لا تدري ماذا تفعل ما كل الذي حدث لرفيقتها المسكينة.. اللهي انت اعلم بحالنا عليك توكلنا وإليك المصير.. )
تجهزت لخرجوها وذهبت لتفقد والدتها
_سلمى : "صباح الخير يا سمري🍀"
=سمر :" صباح النور يا جميل 🌝.. كيف اصبحتي يا أمي أن شاء الله عافية"
_ "الحمدلله يا بتي الحمد لله.. لكن امبارح إتأخرتي كدا لي"
="والله يا أمي هديل صحبتي حاصلة ليها حاجات كتيرة عمو عبد الرحمن ابوها عمل حادث وهي اعتقلوها في قضية ممنوعات وامورها جايطة شديد"
_"لا حول ولا قوة الا بالله.. يابت دا شنو كلو بسم الله.. اصلو ما بصدق دا كلو يحصل.. وهسي انتي جاهزة حتمشي وين "
=" حأمشي المستشفى اطمن على عمو"
_" انا ذاااتي بمشي معاك ما بفارق سعاد في يوم زي دا يحليلها يا يمة زينة النسوان لاحدهن ما بتستاهل والله... وبالنسبة لهديل عندي صحبتي محامية كويسة شديد اتواصلي معاها وان شاء الله تتسهل.. "
=" طيب جيبي الرقم وارح هسي عشان ما نتأخر "
_" بالمناسبة بعدين ما ترجعي البيت تعالي لي في البيت الكبير عايزة اقضي الأسبوع دا مع سهير اختي تعبانة شوية.. "
=" خير إن شاء الله يحصل خير "
( لم تخبر سلمى ابنتها بذلك الكم الهائل من رسائل الابتزاز... لم تلبث يوم واحد إلا وردتها رسالة إبتزاز وكل هذا لماذا؟؟؟ من أجل خاتم قديم أعوج؟؟!! .. استعجبت كثيراً ما سر ذلك الخاتم حتى يلقى كل هذا الاهتمام من أُناس مجهولين!!! )
عند وصولهما المشفى وجدوتا وليد عند المدخل تبادلوا عبارات السلام ودخلوا جميعاً
_سمر :" هسي عمو كيف وسبب الحادث شنو اصلاً "
=وليد:" والله الحمد لله.. عندو كسور في الضلع والسلسلة الفقرية والطحال اتمزق امبارح بليل اتعملت ليه عملية إستئصال والحمد لله نجحت هسي في العناية المركزة.. أما بالنسبة للسبب لسه الشرطة بتحقق في الموضوع منتظرين عمو يصحى بس "
_" طيب ما عارف حصل كيف؟؟ "
=" كل العارفو انو الشاحنة هي الداخلة في الشارع غلط وكانت ماشة بسرعة وجات فجأة يعني وبتاع الشاحنة شرد حالياً الشرطة بتفتش عليه .... ااا صح اتذكرت في سجل المكالمات قبل الحادث بدقيقة وحدة جاتو مكالمة ما كان في صوت والرقم ما معروف تابع لمنو "
-" استنتج من كدا ممكن يكن حادث مستقصد؟؟! "
=" ما استنتاج دا احتمال كبير كمان... بالمناسبة من امبارح شفت كذا محامي لهديل وأغلبهم بقولوا القضية راكباها راكباها وصعب تطلع منها وحتى البقول انو ممكن يكون في امل بقول أسعار ما بتتنطق ذاتو ما عارف دا استغلال للمشكلة ولا دا شنو "
_" لا حول ولا قوة الا بالله.. انا عندي رقم محامية جربت الصباح اتصل عليها لكن ما دخل.. دقيقة اجرب هسي "
(أخذت الهاتف وسارعت بالاتصال بذاك الرقم.. رن ورن.. ثم ردت سيدة)
_" السلام عليكم؟!"
= " وعليكم السلام.. أستاذة ندى؟؟ "
_" نعم اتفضلي"
=" عايزينك بخصوص قضية ينفع نتلاقى ونشرح ليك الوضع؟؟ "
_" أهلاً بك.. بس حالياً عندي اجتماع حأحولك للسكرتيرة وهي حتوريك الزمان والمكان.. "
=" تمام يديك العافية. "
( ندى سيدة في قمة الأناقة والجمال وهي أيضاً من ألمع أسماء المحاماة في البلاد تجيد عملها جيداً تتقنه وتهتم بالتفاصيل.. واثقة بنفسها حد اللعنة لم تدخل المحكمة قط إلا وكسبت القضية طُرقها في حل القضايا دائماً ما تثير الجدل.. كانت تعمل في شركة النور للمحاماة أكبر الشركات هنا ولكنها استقالت لما يخالف مبادئها من الرشاوي والتغطية على جرائم رجال الدولة الشنيعة أولئك الأوغاد دائماً يوقدون شعلة الفساد ويتنكرون تحت زي الثقاقة والمظهر النظيف... فتحت ندى مكتبها الخاص وبدأت بحل قضايا فقط من يستحقون.. من ظُلموا وقيل عنهم مغفلون)
اهتز هاتف سمر بوصول رسالة
سمر :" دا اللوكيشن مفترض نمشي الساعة تلاتة عصر...."
أنت تقرأ
#وريثة_كوش
Randomتنتقل الأفكار بين متاهات الزمن، محملة برموز تحكي قصة شعوب عريقة وتعبر عن تحدياتها وانتصاراتها. وفي هذا الصراع الدامي بين القوى، تظهر قوة الإرادة والتصميم على تحقيق النصر والبقاء. وبينما تتوارى الشمس وتنتعش الرياح الصحراوية، يستمر التاريخ في حفظ أسرا...
