وليد : يعني انتوا كدا عرفتوا هو منو ولي عمل كدا؟؟؟ قصدي عشان هديل قدرت تطلع
ندى : اي الشرطة اجتهدوا شديد في الموضوع دا وكشفوا هويته...لكن المعلومات عليها تحفظ
وليد:؟!!! تحفظ كيف يعني وليي
(يبدو جلياً انه لم يقتنع بهذا الهراء.. وحتى انا لم ينطلي علي فهيا نبحث عن الحقيقة معاً)
لقد وردت ندى رسالة فعلاً ولكن كان محتواها
(انتوا بتتعبوا في نفسكم ساي وما حتوصلوا لحاجة دا ما لعب صغار... نتلاقى بكرة على الساعة عشرة صباحاً في العنوان ××××... وحأوريكم التفاصيل)
ندى كلمت جنابو حازم واتفقوا يمشوا الاتنين
عند الموعد
"كان العنوان مطعم شعبي في قلب السوق، حيث تتعانق روائح الأطعمة الشهية بالألوان الزاهية للفواكه والخضروات . و يتجلى جو المكان الحيوي والمليء بالحركة من خلال ضجيج الزبائن وتبادل الضحكات والقصص بين الطاولات
اتصلت ندى بالرقم فأشار أحدهم و هو يجلس في طاولة نهاية المطعم بجانبه شباك كبير تدافع من خلاله أشعة الشمس "
حازم وندى :السلام عليكم
محمد :وعليكم السلام...نادى بصوت عالي يااا فلااان جيب الطلب دا.. طيب يا جماعة انا محمد حأحكي ليكم اي حاجة لكن خلونا ناكل الوقت بدري اكيد ما فطرتوا
ندى : لا فطور شنو.. الله يكرمك
محمد : لا لا لا ماف كلام زي دا لازم تفطروا معاي الناس ديل بظبطوا فول لو لفيتوا السودان كلو ما بتلقوا زيو
احضر ذاك الفتى الصغير الطعام وبدأ محمد يشمر كفيه ويتكلم
محمد : طيب يا جماعة كلنا عارفين انو البت دي بريئة ودي تلبيسة.. لكن الانتوا ما عارفنه انو دا شغل كبار يعني لا بتاع توصيل ولا بتاع الشاحنة حيوصلوكم لحاجة ديل مجرد أدوات مستخدمنهم عشان ينفذوا بيهم الجرايم وما بعيد يكونوا اتحللوا في وقت انتوا بتفتشوا ليهم وزيهم كتااار الوقعوا ضحية للحاجة دي... ودي مشكلة الشرطة عندنا مع احترامي ليك يا جنابو لكن دايماً متأخرين عشان كدا انا الليلة قررت احكي ليكم كل حاجة
الشغل دا وراه شبكة إرهابية هم تلاتة اخوان الطيب والصادق وصلاح... واساميهم ما ليها اي علاقة بعمايلهم.. شغلهم عبارة عن خدمات جرايم لأي نوع سواء سلاح مخدرات قتل تهريب وحتى لو عايز ينضفوا ليك وراء جريمة لكن اكتر حاجة بحبوها تجارة الآثار دي مستعدين ينزلوا فيها حرب عديل عشان كدا الجوطة الحصلت الفترة الأخيرة..
أبو هديل عندو بيت في البلد تحتو آثار في البداية حاولوا يشتروه عادي لكن هو كان رافض ومع انو العرض المقدم كان مغري لكن برضو رفض وحاولوا معاه اكتر من مرة ودي ما من عوايدهم اصلاً يدوك فرصة ولا بتاع فطوالي خططوا لموضوع المخدرات وحتى الناس البلغوا كانوا من طرفهم لو جينا للحتة دي لعبتهم تكتكوها كويس بحيث ما تلقوا اي دليل براءة لو شنو داك وفي نفس اليوم عملوا الحادث لأبوها
سؤال هل من اليوم داك في زول اتذكر موضوع البيت ولا جاب سيرتو؟؟؟.. لأ ودا المطلوب هم شالوا العايزنو
حازم : انت من قبيل بتتكلم ومتأكد جبت الكلام دا من وين يا زول والبخليك متأكد كدا شنو ونحن البخلينا نصدقك شنو
محمد : انا مراقبهم عن كثب ولي فترة طويلة ولي أسبابي البتخليني اعمل كدا... ومتأكد من كل كلمة بقولها اما بالنسبة لتصدقوني لي فدي حاجة بترجع ليكم انا العندي قلتو وما على الرسول إلا البلاغ.. + اتذكروا انتوا كدا حتظلموا ناس كتااار شديد ما زول واحد وهم حيستمروا وما حيوقفوا
ندى : طيب مدام هم خطيرين كدا اكيد واصلين وبشتغلوا مع كبار وما حنقدر نقبضهم بالساهل
محمد : يلاااا دي الحاجة العايز اوصل ليها.. واصلين شديد ما واصلين ساي عشان كدا لازم تكون الأدلة قوية... لكن في حاجة تانية معاي ناس لانو اكيد ما جمعت المعلومات دي براي وفي منهم داخل شبكتهم ممكن يساعدونا شديد... طيب بالنسبة للأدلة تجيبوها كيف لازم تسبقوهم بخطوة عشان تقبضوهم متلبسين عشان زي ما قلت ما بخلوا وراهم أثر الحاجة التانية هدفهم الجديد سمر.. انا لسه ما عارف التفاصيل لكن المرة دي حتكون شرسة خصوصاً انهم نوايين من بدري لكن لحدي الان ما عملوا خطوة ودا إن دل على شيء انو التخطيط خطير ولازم تعملوا حسابكم
طيب يا جماعة انا بعد كدا زمني إتأخر لكن عايز انبهكم الكلام دا ما يطلع من هنا لا هديل لا سمر لا وليد ما لازم زول يعرف بالذات وليد... ولازم تطلعوا هديل بالنسبة لشكليات الإجراءات حأرسل ليكم زول يعترف بأنه السبب لكن بعدين يا ندى تطلعيه دا شغلك "وأخذ يقهقه"
Back
في جلسة شاي المغرب تتبادل سمر وسلمى وسهير الضحكات والحكايا تملأ الأجواء تتخللها روح الود والمحبة التي تربط بينهنّ..وفجأة تردف سلمى قائلة :
يا جماعة اتذكرت حاجة نهى المرة الغريبة ديك بعد جاتنا اليوم داك بقت متواصلة معاي وطوالي بتحذرني خلوا بالكم وانتبهوا وكدا.. انا الصراحة من جاتنا تاني ما جاتني تهديدات
سمر إتفاجأت : دقيقة دقيقة يعني انتي كانت بتجيك تهديدات وما كلمتيني؟؟؟!!.. كيف يعني ما تكلميني دي ما حاجة عادية
سهير : كلامها صاح يا سلمى دا كلام شنو كيف يعني تخلينا كدا
سلمى : والله ما ختيت في بالي حاجة او انو الموضوع ممكن يطول وفعلاً ما طول كان كل مرة بقول عايز الخاتم وبتاع
سمر : خاتم حبوبة دا؟؟ غريبة... يا جماعة معناه بالجد مفترض ناخد بالنا الفترة الجاية
سلمى : لازم شديد... المهم هسي نهى عزمتنا البلد وشددت انو لازم كلنا نمشي حتى بدر وأولاده كلمتها انو ماف طريقة لكن ما قبلت وقالت لااازم نجي
سهير : لي يعني غريبة... انا غايتو ما فارقة معاي ذاتو اخير لي اغير جو.. انتوا شوفوا وضعكم شنو
سمر : انا ذاتي ما عندي مشكلة
سلمى : خلاص بشوف بدر وارجع ليها
سمر :هسي ارجع ليكم لموضوع الخاتم تاني لي الحاجات الغريبة دي كلها بدأت تظهر هسي لي زمن حبوبة ما كان في شي ولا تهديدات ولا غيرو؟؟؟!!
َ
أنت تقرأ
#وريثة_كوش
Randomتنتقل الأفكار بين متاهات الزمن، محملة برموز تحكي قصة شعوب عريقة وتعبر عن تحدياتها وانتصاراتها. وفي هذا الصراع الدامي بين القوى، تظهر قوة الإرادة والتصميم على تحقيق النصر والبقاء. وبينما تتوارى الشمس وتنتعش الرياح الصحراوية، يستمر التاريخ في حفظ أسرا...
