توبة رمضانية

الحلقة 2

خرج معاه لبرا وعاود ولا داخل اما حبس يسمع لصوت التلاوة اللي خلى قلبو يخشع وميحبش يبعد

"قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ

وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلاَّ لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ"(سورة النور الآيات 31.32)
صافي:سورة النور هي السورة المفضلة عند الرسول صلى الله عليه وسلم باه يقراوها النساء بارك الله في صاحبة هاد الصوت الجميل  ان شاء الله تلحق ختي ميار لهاد القدرة على القراءة وتفرحني بيها
اما لداخل عند النساء سكتت روان بعدما كملت قراءتها وبقات تتبسم فرحانة بروحها من نظرات الفخر البادية على وجوه الحاضرين
الأستاذة:بارك الله فيك بنتي روان
روان:وفيك بارك أستاذتي

  الأستاذة:يابناتي ديما نوصيكم بقراءة سورة النور لأنو معجزاتها وفوائدها كبيييرة وحتى العلماء كي حبسو عند اسمها علاه سميت بسورة النور؟ قالو لأنها نورت طريق كل من تتبع أحكامها الأحكام هنا مش أحكام القراءة والترتيل لالا الأحكام والوصايا اللي وصانا بيهم الله فيها لأنو حب يفصل بين المؤمنات ومكانتهم العالية على الجاهلات والكفار فأوصانا أنو نسترو رواحنا ونخرجو ونتحلاو بصفات الاسلام مش كيما الجاهلات للي يخرجو وكل زينتهم مكشوفة للفاسقين يشوفو فيهم ونتوما علابالكم انو ديننا دين طهارة وتعزيز فربي محبش أنو اهل دينو وبناتهم يكونو عرضة للفسقة والأثبات تاع هاد الهدرة جا فالآية هادي

قال تعالى:"يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ
غَفُورًا رَّحِيمًا" (59)

البنات يسمعو بخشوع حابين يعرفو كثر وفخورين أنو مكانتهم عند الخالق كبيرة وميحبش يتأذاو كيما كاين بنات بداو يخممو فلبستهم والكلمات اللي يسمعوهم كي يخرجو وحسو انو لازم يبدلو