توبة رمضانية

الحلقة 5

كملو جمعتهم فالجامع ورحعو للدار كل واحد يوجد روحو لغدوة بيسك راح يكون يوم مهم بزااف ليهم كامل 

روان من اللي رجعت وهي غير تجري تغسل فحجابها وتحوس على الخيمار هداك وصباطها عاودت غسلتو كانت بزاف متحمسة 

صافي كي رجع هز كتاباتو وراح للجامعة اللي راح يبدا يقري فيها بعد العطلة هو تاني هدا وين عطاه ربي نصيبو من الخدمة بعدما كمل قرايتو ولازمو يجيب المنهج ووش راح يقري وكيفاه يتعامل 

ماريا من اللي رجعت هي وميار وهوما محشورين فبيتها ترتب فوش شرات فرحانة للخر وتستنى غير في راي صافي كي يشوفها وش راح تدير

.....فات الليل وطلع النهار وبدا فصل جديد في حكايتنا.....

الجامع هدا هو اللي لمنا وراح تصرا فيه أحداثنا الجاية كان مرتب نظيف غبرتو تنقات وزراباه تغسلو وتيبسو وعاودو تفرشو ولوامبو تمسحو وكلشي رجع كيما يلزم وولا يبان جامع جديد هداك وين تفتح في وسط صدر هاد الجامع تحطت زرابي على شكل حلقة راح يتلمو فيها المتنافسين ومقابل هاد الحلقة كاين طابلة كبيرة محطوط عليها 4أوراق خاصة بالحكام واربع كراسي اكيد 

ومن ورا كاين كراسي للكبار فالسن اللي يحبو يشاركو ويتفرجو من جيهة وفالجيهة الثانية كاين زرابي للمتفرجين واللي مشاركين ثاني لأنو راح يتقسمو بأفواج اللي يكمل من خدمتو مقابل اللجنة في هاديك الحلقة يرجع لهنا لهاد الزرابي ويقعد

دقت الساعة العاشرة وبدا وقت المسابقة 

تقدمو ثلاث رجال بأقمصتهم ومرأة بحجابها 

الثلاثة قعدو قدام بعضاهم واللي كانو الايمام :"صافي الدين"

الايمام :"مصطفى"

والايمام :"عبد الرحمان"شيخ جامع بعثتو البلدية باه يكون حكم في هاد المسابقة 

وقدامهم الأستاذة :"الهام عبد الرحمان"زوجة الشيخ عبد الرحمان واللي هي متبرعة للبلدية وتحب تشارك في هاد المسابقات والأمور كيما حملات جمع التبرعات لبناء المساجد وهاد المسابقات 

وقفت الأستاذة المسؤولة في هاد الجامع باه تقول أسماء المتشاركين كامل من كل فئة 

الأستاذة:المشاركات من فئة النساء هوما:////..(ملقيتش أسماء ههه)

الأستاذة:نروحو لفئة البنات واللي هي اللخرة بعد الفئات المذكورة وهوما:روان //,رانيا..,آية..,لينا..,أسماء,,سمية وتلميذة جديدة انضمت اليوم وحبت تكون من المشاركات واللي هي ماريا ..

صافي حبس كيما راه هادي مش نطقت اسم ختو؟..بعدما كان مهبط راسو داير غض البصر باه ميشوفش مع البنات اللي ذكرت اسمهم هز راسو يحوس على هاد ماريا لاتكون ختو صح؟واييه مع لمحة راسو بعد شافها تشوف فيه وتتبسم