عشاو فالكوزينة كي العادة وجدت الطابلة على بكري وراحت لحليمة للصالون لقاتها تتفرج فسميرة منها من كامل الأمهات في رمضان وكامل ليام
روان:يماا
حليمة:خير كي تعيطيلي هك نخلع
روان:اهاه اماا بالشوي على قلبك الكبر غدار تزيدي تعقبي للجيهة الثانية خلاه
حليمة:اترييكة انطقي وش تسحقي بركاي متتبهلي عليا
روان:خلاص خلاص والله والو..راح نقولك اني خارجة للبوسطا نهز دراهم لابورس ونشري شوي حوايج ونجي
حليمة:انا الراجل بلاك باباك رجل كرسي شاوريه هو وانا علاه
روان:لالا صايي هو سقسيتو اني جيت نقولك برك
حليمة:تسما انا رجل كرسي جاية تخبريني مش تشاوريني
روان في قلبها:استغفر الله يما يعني كي شاورتك قلتي قوليلو هو وكي ظهرت قتلو بنت نقصت من قيمتك والحل؟
روان:هاا يما هو السلطة الخارجية ونتي الداخلية وحنا جنود الخفاء نشاورك كي ندخل للكوزينة ياك؟
حليمة: هيه هيه اللي يسمع يقول منحية عليا الهانة طيري البسي لبسة مستورة ومطوليش ماشي كي قبلك تروحي ديري رايك
هزتلها براسها ايه وولات على وراها لشومبرتها فتحت الخزانة وبقات تتفرج فقشها
روان:خلايا كاسبة غير زوج حجابات لبستي كامل متسواش..بصح انا نلبس غيير شوية كيما لبنات كاين اللي يلبسو كثرمني انا على الاقل نلبس لي جيب وشوميز طوال ..بصح مش كيما الحجاب تجي شوية هوا نلقا الجيب رجع ميني حوجي والله تلفتلي واقيل نرجعها حجاب شرعي وصاي....بصصح..انا نسخف على القش اللي يخرج جديد نحب نلبس..اعع كيفاه ندير
حليمة:رواااان ازرببييي اي ال4 وقتااه تولي مع المغرب؟؟
هداك وين فطنت من تخمامها وجبدت الحجاب تاعها لقاتو مطلي
روان:اياا وش بيه (شافت شافت وجبدت جيب نوار وشيميز بيضا وخيمار نوار وزادت صباط بيض وساك نوار وخرجت )
واقفة تستنى فالبيس وتشوف لتلفونها
روان:اخاه طول كيما قالتها السلطة الداخلية نروح مع المغرب بلاك(فاتو عليها راجل ومرتو مكروشية فيه بصح تشوكات فشوفات الراجل فيها كيفاه قاعد يكيل فيها من فوق للوط تخنزرت فيه وشافت لمرتو اللي كانت تشوف فيهم مي هبطت راسها باينة تعرف طبايعو)(موقف حقيقي)
روان:استغفر الله اني صائمة (لبنات لهنا كاين ناس يقولو اللهم اني صائم مي هي لالا تقولي اني صائم برك لأنو اللهم تتقال في مقام الدعاء شفتها عند واحد من الشيوخ) رمضان رمضان ومهمش حاشمين اخاه صومو باطل فطرني (شافت فروحها كيفاه لابسة):انا ثاني كن جيت لابسة حجاب كن راه مشافش فيا يخي يخي
أنت تقرأ
توبة رمضانية
Randomكرونيك دينية مدامنا في رمضان نشالله تعجبكم وتستفادو منها أجوائها رمضانية وراح تكون قريبة للواقع تماما أفكاري وكتابتي ممنوع النقل
