اللحظات _الأخيرة🖤

الجزء السادس

اللحظات الاخيرة_

تصويب وتعليق بين الفقرات🤍

_________________

ومن صارت الصبح...كعدت وأني جسمي متكسر كوة كمت من حيلي توجهت الى الحمام الموجودة بغرفتي ورحت سبحت كوة يلا كدرت اوكف على حيلي„طلعت خابرت على حيدر أذا هوة بالمستشفى لو طلع خابرته...

عَلي :: سلام حيدر شلونك

حيدر :: هلا إليو حمدلله انتَ شلونك؟!

عَلي :: حمدلله...انتَ باليبت

حيدر :: أي بالبيت

عَلي :: راح أجي يمك...

حيدر :: هلا بيك...

- سديت الخط ورحت نزلت جوة بهدوء علمود محد يسمعني لان لاحظوني اطلع هواي ومراح يخلوني نزلت على الدرج بكل هدوء واخذت مفتاح السيارة وسديت الباب وطلعت...بيتي قريب عن بيت حيدر وصلت يمهم ...دكيت الباب طلعلي حيدر نفسه...

حيدر :: اهلا وسهلا تعال ادخل

عَلي :: لا والله بس تعال نكعد هنا عندي موضوع كلش

كعدنه على الدچة مال بيتهم...ضل يباوع عليه بأستغراف ورفع حاجبة وكال...

- بس لا سويت الشغلة!!!...حَسب ما أشوف وجهك متورمة من الضرب؟؟

- بضبط وهذا اغبأ قرار اخذته...

- حيدر فقد اعصابه وحط أيده على وجهة ولزم جتفي وكام يهز بي...كال„

- انتَ ليش ما عندك عقل ها؟؟عود يعني شنو تستعرض بنفسك بلا اذا متت منو راح يدري بيك؟؟!!!

- شتريدني أسوي هو كال تعال ورحت يعني شنو يحسبوني جبان وما اكدرلهم والله اذبحهم ذبح...

-والله تضحكني عَلي تكول اذبحهم وانتَ جاييني وجهك منفوخ ههه

-لا تضحك ترا احجي صدك...

- هنا حيدر كام يقشمر عليه علمود شويه ينسيني هل تفكير وضل يسترجع الذكريات وكال...

حيدر :: انتَ طَبعك ما متغير...

عَلي :: شلون؟؟

حيدر :: تذكر من طلعنه سويه للجبل سفرة بالمدرسة و واحد اجة تنمر عليك وانتَ ضليت تفشر عليه وكلت راح أموته...ضليت تركض ورا ومن وصلنه لراس الجبل سويت نفسك جاي تلعب وياي جنت تخاف من المرتفعات ومن الخوف ختلت وراي

عَلي :: هههه ترا ما يضحك لو جان بيك خير جان اجيت ساعدني من وكعت مو تضحك عليه...

- حيدر سكتني هنا وكال انتَ تعرف بيت دُر وكلت أي اعرف كال...شنو رأيك ندك باب بيتهم نشرد ...أني ضحكت حسيته يشاقة وين اكو شخص هيج يسوي ويه العدوا ...بس شفته سوا صدك راح جاب العودة مالته وكال يلا أمشي ناخذ الثار...ضحكت عليه عبالك الضحكة جنت كاتمة من سنين وكلت ...لا والله استاذ حيدر تريد تاخذ الثار بالعودة... كال „امشي ندك الباب ونشرد شبيك...