اللحظات _الأخيرة🖤

الجزء التاسع

اللحظات الاخيرة_

التصويب والتعليق بين الفقرات🤍

_________________

أهل حيدر سمعوا الصياح أجو علينه... والد حيدر راد ياخذ أبوي من أيدي بس وخرت ايدة عني وهديت راسي اله أم حيدر راحت لزمت أمي ودتهة جوة وأني صافن على أبوي ...طحت من حيلي وحطيت راسي على راس أبوية ضليت أبجي حيدر كعد بصفي وحط أيدة على چتفي وابو حيدر كعد على جهتي الثاني وكال...

- خل نودي العباس ونغسلة ...

قاطعته وواني راسي على راس أبوي وأبجي بأعلى صوت كلت...

- لاااا عوفوا هاليله يمي...عوفوني أباوع عليه واتحسر...

- عَلي أفهمك أني بس خل نودي هناك نغسلة و ضل اتحسر هناك براحتك وية ابوك محد يقاطعك...

- ماريد اغسلة...المي بارد أبوي ميحب المي البارد ...

- تمام راح اكول الهم يسووا حار...أمشي نروح...

ببطء يقرب أيدة على أبوي يريد ياخذة مني بس أني وكفته

- وخر أيدك عنه ماريد اليوم ينام غريب محد يمه...

حيدر :: عَلي كول يا الله ترا اكو هواي شغل كول يا الله وتوكل على الله...

باوعت بنظرة حزن على حيدر ونزلت راسي ضليت أبجي على راس أبوي كأنوا طفل صغير يريد أمة...بس أني جنت اريد أبوي

بأثناء بكائي سمعت صوت نسوان يصرخون بصريخ ويكولون...
"هذا من أهلنه وحيل كسر ضلوعنه""هذا من أهلنه وحيل كسر صلوعنه"وهكذا يكولوا عدة مرات „رفعت راسي أشوف منو هذول النسوان الي يعيطون ويكولون «هذا من أهلنه»من رفعت راسي لكيت عماتي الثالثة جايين بأتجاهي عمتي الجبيرة لُبابة...كعدت كدامي وضلت تضرب على راسهة وتبجي...آخذت چفوف العباس وحطته بحضنهة وتبوس بيهم ...

أبو حيدر وحيدر كاموا من يمي صلوا يباوعون عليه ويبجون عمتي زهرة ألي بنفس عُمري أجتي كعدت بصفي وغطتني بعابيته وحضنتني من حضنتني شميت عطر أبوية بيهة وعمتي فاطمة جانت تبجي على رجل عباس...

لُبابة :: يا عديم الشرف ألي يحس تفسة احسن من عباس وسوة بي هيج شنو من الشر أنت؟؟؟أريد أعرف شنو من بشر انتُ؟؟

لُبابة كامت ورفعت چف عباس والناس يباوعون كأنوا طير ميت ...

لُبابة :: هذول الچفين انكطعوا بأي ذنب تنقطع من أي ذنب ينذبح بشنو أحسن منكم هو بشر حالة حالكم إلا متى هذا الظلم يبقى بيناتنه ماكول شي بس حسبييي الله ونعم الوكيل ...