رواية انت قدري / للكاتبة لولة الحلوة ، مكتملة

17

البارت السابع عشر

انت قدري..

رجعت نوره لمكانها والدنيا ماهي سايعتها من الفرحه.. عرفت شي ممكن تحطم فيها مها......
على طول ادخلت المطبخ واتصلت على امها وخبرتها بكل اللي سمعته لكن موضوع الورقه.. ماتعرف وش فيها ..؟؟
جلست عند خالتها وهي فرحانه مره..
ام يوسف : نوره .. وجهك اشراق فرحيني معاك
نوره : من يشوفك وما يفرح يا أم الغالي..
ام يوسف : نوره يمه كل شي نصيب... انا اول ابيك ليوسف وما عندي اغلى منك.. لكن صار النصيب واشوف يوسف مرتاح ... فأنسي واتركي النصيب يجيب لك اللي يستاهلك وتستاهلينه
نوره بإبتسامه : اكيد يا خالتي ابي انتظر نصيبي وبيجي..
أم يوسف : انا اقول مبطي انك عاقله .. الله يكملك بعقلك ..
نوره : اهم شي انك تحبيني مايهمني شي بعد..
أم يوسف : يشهد الله اني احبك واحب امك بعد....
نوره تسلم على ام يوسف .. هذا اللي ابي ياعمري

داخل جناح يوسف ..

جالس وهو يدخن بشراهه... والافكار تاخذه وتوديه
قام للمكان اللي نايمه فيه .. وقف عند راسها.. يناظرها كيف كانت نايمه بامان في مكان مالها فيه امان... كيف يفاتحها بالموضوع وهي للحين ماهي واثقه فيه ولا بحبه لها .. ومتى .. ارهقته الافكار .. رجع لمكانه وجلس وحط راسه بين يدينه
سمع صوتها .. كأنه يتخيل ... انت صاحي ليه ماصحيتني
ابتسم واشر لها تجلس ..جنبه
يوسف وهو يبعد شعرها عن وجهها : يا حلو صباح(ن) انت أوله..
ناظرت له برضى .. وابتسمت بخجل ..
يوسف خلينى نطلب لنا فطور .. علشان دواك .. وبعدين نبي نطلع .. ابغي اوريك الرياض اكيد ماشفتيها ونتغدى برى .. اوكيه
مها : على كيفك ..
يوسف : يالله قومي بدلي علشان نفطر ونطلع على طول.. طلب الفطور وبعد نص ساعه جاء الفطور ومعه لقى ورقه..
يوسف : من مين هذي الورقه .؟!
الخدامه : من نورا ...
يوسف : لحظه .. خلك هنا ..
فتح الورقه وقراها كان مكتوب فيها ..
احبك ولا اقدر اتخيل حياتي بدونك.. ولا كمل قرأتها ..
قربت مها منه واخذت الورقه من ايده وهو يناظرها .. قلبتها .. وحطتها في صدرها ..
وقالت : هذي اول شي راح اقراه لما اتعلم عربي ..
ضحك .. وقال مايحتاج تنتظرين.. انا اقراها لك هاتيها..
مها : لاااا
يوسف : تحسبيني ما اقدر اوصلها .. بس جيبيها باللين احسن ..
مها : لا لين ولا قوه .. ابغي اعرف وش فيها ..
يوسف : والله اقراها لك ..
مها تطلع الورقه وتعطيها له وقبل لا يمسكها سحبتها من ايده وقالت : اسمع انت حلفت اقراها كلمه كلمه ..
يوسف بخبث : كان مخليتها هناك .. واشرعلى صدرها بعينه.. وانا اطلعها .. واخذها وكمل
هي اتفهه من اني اخبى عنك وش فيها
قراها لها وقطعها وقال للخدامه عطيها لها..
مها : وش جرأتها تكتب لك كذا .. الا انت..
يوسف يحط اصبعه عند فمها: اششش لا تكملين ازعل منك..
مها وهي تمسك يده : اجل كل هذي جراءه ...
يوسف يغمز لها :.. تغارين
مها تناظر بطرف عينها .. هممممممم مسكين..
مسك حنكها وقال وهو يبتسم : اموت بالثقه ...
افطروا.. ونزلت معاه وهي بقمه حيويتها .. رجعت مها الاولى واللي تهدي الدنيا افراح..
كانت نوره لحالها بالصاله تأكل بحالها بعد مارجعت لها الورقه مقطعه
شافتهم نازلين مع بعض .. وباين عليهم الفرح ..نزلت غطاها على وجهها..
ووقفت لما قربوا ..
نوره : يوسف ابغاك..
يوسف : وش تبغين..
نوره : لوحدك لو سمحت ..
يوسف : وش هالجراءه .. وش لوحدي ذي ..
نوره : انا بنت خالك ولاني غريبه . وألا علشان مافيني مطمع وتناظر بمها ..
يوسف بعصبيه : انتي وش تقولين استحي.. استحي
ومشى وخلاها .. بدون لا يكلف على نفسه يعرف موضوعها..
نوره بعد ما طلع انقهرت .. ورمت الطرحه على الارض
وقالت : ما اكون نوره بنت فهد إذا ماكان طلاقكم على ايدي ولو ما أحصلك .. يايوسف
ركبو السياره.. وكانت مها سرحانه....
صفر يوسف وانتبهت .. وقال وهو يبتسم : .. وين الحلو سرحان
مها : صدق يوسف لو أنا بمكان نوره وفي واحد احبه متزوج ولو أحبه.. اعتقد إني
ماراح اتجرأ .. واقرب له..
يوسف : هذا انت .. والناس أجناس ياروحي
مها : أجناس يعني إيش
يوسف : ابلش بالاجانب عاد
مها : من قالك تأخذ اجنبيه يا عربي ..
يوسف : لو ما أخذتك يمكن يصير فيني شي
مها : ولو تركتك ..
يوسف : أموت ...
مها : يوسف لاتجيب طاري الموت تكفى ..
مسك يدها وحطها على قلبه .. وقال : هذا ينبض بس لك وعشانك موجوده فيه .. ولوتتركيني والله يوقف نبضه ..
مها : اسم لله عليك من الموت .. تأكد إني لو أحس انك لحظه بعد كذا انك ماتبيني اضيع وحياتي .. مايصيرلها معنى ..
يوسف بين الفرح بعترافها.. والحزن لويصيراللي محمد يهدد فيه قبل لا يقنعها بموقفه..
مها تناظره وتستغرب من سكوته : يوسف
يوسف : ياعيون يوسف ..
مها : احلف ان مافي غيري بقلبك ..
يوسف : مها .. ابغاك تثقين بكلامي .. وما ابغي أي احد يقولك شي يغيرك على ترى مثل ماشفتي
ناس حاقده..
مها : يوسف أنا احبك .. ولا أ قدر احدد لك متى بدأ هذ الاحساس فيني لكن تأكد أنه احتوى كل مشاعري ..
يوسف : تأكدي يا روح يوسف اني عمري ماراح اخدعك..ولا يمكن يجي مني خيانه لانك روحي اللي أنا عايش فيها..