رواية انت قدري / للكاتبة لولة الحلوة ، مكتملة

25

البارت الخامس والعشرون
انت قدري

في المستشفي

الدكتور : انا اعتقد ان الوفاه جنائيه ...
الضابط : في هذى الحالة اطلب تشريح الجثه علشان نعرف ايش السبب فى الوفاه
طلع الضابط
وكان يوجهه الكلام ليوسف
الضابط : انت ولدها
يوسف : لا انا زوج بنتها
الضابط : طيب زين اهلها زوجها ولدها
نور ه : انا بنتها ليه الله يخليك امي صار لها شي ؟؟
الضابط : تفضلوا معي للمكتب ؟؟
مشوا مع الضابط للمكتب ونوره تتنتظر انه يقول لها ان امها ماتت خلاص علشان قلبها يرتاح
دخل الضابط المكتب الخاص فيه وجلس وجلسوا معه نوره ويوسف المترقب لشي مفاجئ بقلب يرجف
قبل يتكلم الضابط .. صوت طق الباب
الضابط : تفضل
دخل الدكتور اللي تلقى الحاله
الدكتور : ملازم عمر تفضل معي
الضابط : وين يادكتور
الدكتور: الحاله اللي دخلوها الاخوان ذول لس ماماتت لكن جالسه تحتضر وتمتم بكلمات يمكن انها تفيدك
الضابط متفاجئ : صحيح؟؟ وقام بسرعه
وراه نوره اللي ضاقت الدنيا بعينها اكيد الحين امها تعلم ان هي اللي حطت لها السم ويقبضون عليها
ويوسف المتاثر من خبر احتضار خالته
دخل الضابط مع الدكتور .. داخل الغرف ومنعوا نوره ويوسف انهم يدخلون
نوره وهي ميته بهدومها وتصارخ وتضرب
الباب: هذي امي انا ماهو امكم ابغي اسمعها وش تقول
يوسف متاثر جدا بحالة نوره : ياقلبي لاتسوين كذا إن شاء الله خير
نوره تناظر ليوسف بحقد
داخل الغرفه
الضابط : هذي ميته يادكتور
الدكتور : ادري انها ميته
الضابط : طيب ليه سويت كذا
الدكتور : تقرير الحاله الاولي يقول انها ماتت اثر سم
الضابط : يعني الوفاه جنائيه !!
الدكتور : وهذا اللي كنت انا متاكد منه من اول ما شفت الحاله
الضابط : طيب وش قصدك من الحركه اللي سويتها
الدكتور : انا ابغى اساعد العداله .. لان ما كان في احد عندها زي ماتقول بنتها الا هي وزوجها
مؤكد ان واحد منهم سم المره
الضابط : طيب وضح وكيف نعرف ان واحد منهم وهو اللي سم الحرمه
الدكتور : بسيطه الغرفه هذي لها باب ثاني خاص بالكادر الطبي نترك الحاله ونقول انها في حالة اغماء وناكد انها ما ماتت.. ونتركها معاهم ونشوف اللي بيحصل
الضابط : والله فكره تعال نفذ لكن ان ما كان واحد منهم اللي سواها كيف
الدكتور : تعال الحين ولكل حادثه حديث
خرج الدكتور والضابط
واستقبلتهم نوره بعيونها المرعوبه من خبر حياة امها
نوره : هااا امي عايشه
الدكتور : اسف اذا قلت لك انها في حاله خطيره اذا تعدة هذي الدقايق بخير راح تعيش لكن حالتها خطيره
يوسف : سووو أي شي يادكتور تقدرون عليه خالتي لازم تعيش
الدكتور : العمل عمل الله
دخلت نوره والدكتور تركها تدخل ودخل وراها يوسف
والدكتور والضابط بسرعه ادخلوا من الباب الثاني بحذر
نوره : يمه >> وتهزها بعنف >> : انت عايشه للحين
يوسف : نوره شكلها ماتت
نوره بدون احساس : ان شاء الله
يوسف بمفاجئه : ايش؟؟
نوره :.........
كانت تدور حول الجثه : ياربي وشلون اتاكد انها ماتت
يوسف يصرخ عليها : انت وش تقولين .. انت انجنيتي
نوره وعيونها مثل الجمر من الحقد والشر اللي فيهم تصرخ بيوسف : انت السبب لكل همي وعذابي انت السبب اذلف جيب دكتور بس يكون غير الكلب الاول
قدر يوسف حالتها وطلع برى الغرفه يبغي يجيب دكتور
قربة نوره من وجه امها وهي تهمس : انت لازم تموتين علشان اعيش ورفعة أيديها تبغي تخنقها .. فلمحة طرف الضابط اللي كان مقرب مره من الباب علشان يسمع الكلمات اللي كانت نوره تقولها
بسرعه غيرة نوره نيتها لانها افهمة خطتهم : اااااه يمه لاتتركيني انا مالي غيرك انت امي واختي وصديقتي .. ااااه يمه ياقلبي لاتموتين تكفين .. كانت نوره تردد هذي الكلمات علشان يسمعها الضابط لكن الغريب انها حست بالكلمات وحست انها وحيده فعلا وان امها كانت نصيرتها الوحيده
مشاعر ماحستها من قبل شكثر تاثرة بكلامها .....
وحيده فعلا حتى يوسف هذا اللي مثل الخاتم باصبعها مسحور ولو يفك السحر راح يلعن اليوم اللي عرفها فيه وهي تعرف وش كثر كان مايطيقها ...
دخل يوسف ومعاه دكتور ثاني نوره طبعا عارفه من شافة الضابط ومتاكده ان امها ماتت
فحص الدكتور على العنود
الدكتور : انت ولدها
يوسف : ايوه
الدكتور : اسف اني اقولكم ان الست ماتت شدوا حيلكم
نوره انهارة من البكى
وكان يوسف حاضنها : لاياقلبي لاتسوين بنفسك كذا
دخل الضابط والدكتور
الضابط : تعالوا معي
يوسف : خلاص عرفنا انها ماتت
الضابط : لا انقتلت
يوسف بغى ينشل من المفاجأة
الضابط : ممكن تتفضلون
يوسف : وليه نجي معاك رح دور على اللي قتلها
الضابط : يااخ هذي اجراءة ولازم تخلص
يوسف : طيب اروح زوجتي لاهلها واجي لك
الضابط : لا اثنينكم
يوسف بعصبيه : أيش فيه ؟؟
الضابط : تفضل وبالقسم تعرف
يوسف : انا زوجتي ماتروح اقسام
الضابط : أنا أقولك بالين لا أخذكم بالقوة
أذعن يوسف لكلام الضابط وطلع معه للقسم