رواية انت قدري / للكاتبة لولة الحلوة ، مكتملة

28

البارت الثامن والعشرون

انت قدري

تم تحويل نوره للادعاء العام لاعادة التحقيق بالقضيه مره ثانيه

في بيت محمد
محمد : يمااااااااااااااه ... يمااااااااه >>> ينادي
ام يوسف بلهفه : خير خير
محمد بفرحه : ابشرك ..ابشرك يمه
ام يوسف : خير ان شاء الله ..
محمد : قدر يوسف يستدرج نوره ويخليها تقول انها هي اللي ذبحة امها واعادوا التحقيق بالقضيه
ام يوسف : الله واكبر .. الحمد.......>> سكتت شوي>> ونوره
محمد : الضابط ومعاااه اثنين عساكر اسمعوها وهي تعترف انها هي اللي اذبحت امها ولصقتها بولدك
ام يوسف وعيونها تمتلي دموع : لا حول ولا قوة الا بالله .. ليه يمه يانوره سويتى كذا
محمد : كنك ما انت فرحانه
ام يوسف : ودي افرح ... ودي اهلهل لين الناس تسمع هلاهيلي لكن .. وين افرح وهذي بنت فهد بعد اللي ما رضي يشوفني أنهان وحتى المره طلقها علشاني
فهد ابو نوره وهو يدخل بيت اخته يدور على نوره اللي فقدها من العصر وجاء يشوفها هي ببيت عمتها والا لا وسمع اللي دار بين محمد وامه وقال والحزن يملا صوته : لا افرحي ياام يوسف .. افرحي يااختى وانا بفرح معاك نوره ماتستاهل اللي يزعل علشانها وهي اذبحة امها اللي فضلتها على الناس كلها واتركت العالم علشانها
ام يوسف : فهد !!!
فهد : ايه فهد .. لاتستحين منى وعبري عن اللي بقلبك .. بس اتمني يوسف يستاهل اللي يفرح له ومايكون شريك بجريمة نوره
محمد : يوسف .. يستاهل يخالي ... ولا شارك بجريمة نوره ولا شافها الحمدلله لانه كان نايم .. والشي اللي انت ماتعرفه ان نوره كانت ساحرته .. والحمدلله قدرنا بفضل الله ,,ثم مساعدة اهل الخير شرواك اننا نفك عنه السحر
فهد باسي : الحمد لله
بكت ام يوسف لحال اخوها اللي قلبه تقطع بصمت على بنته وهو يحاول يكابر

في السجن

الضابط : الصمت ما يفيدك يا نوره .. ترى حنا كنا منتظرين اعترافك وكنا زارعين المكان كمرات وكل شي مسجل صوت وصوره
نوره : ......................................
الضابط : مصره على السكوت ... خلاص التسجيل يروح للشيخ ويحكم عليك
نوره ودموعها تحفر وجهها : لا ليه ما تحكم على الناس اللي انبذوني من صغري .. ليه ما تحكم عليه هو اللي انتظرته سنين وجاء بعز فرحتي تركني .. ليه ما تحكم على أمي اللي ما علمتني إلا إني اكره الناس .. طلعتني من المدرسة ..صغيره وعلمتني شلون أكون زوجه وشلون أكون راعيه بيت وعشمتني انه بيجي لي على حصان ابيض ما يبغي غيري وهي لازم تربيني له كذا .. ما هو مهم أتعلم كفاية هو متعلم .....ممنوع يكون لي صديقات البنات يخربون بعض ... ممنوع البس على كيفي ... أنت وش فهمك بالزين .....انا ذبحتها علشان نوره اللي بداخلي تعيش
وتطلع للناس ...يكون لي صديقات وناس تحبني ... أنا قلت لحصة وعمتي ابغي يعاملوني مثل مها .. ويحبوني مثلها .. أنا مالي احد .. وهي لها الناس كلها ....... أنا سحرت يوسف علشان أأسر عقله ..وفكره عنها واحدد تفكيره بحدودي .. ...يوسف حلمي وهي أسرقته .. ليه أنحكم أنا .. ليه .. والناس تبقي برئيه من ذنبي؟؟؟
حتى خواتي وهم خواتي عمرهم ما عاملوني مثل مايعملن بعض.... دايم عندهن أسرار واذا جت نوره يسكتن........ دايمن يضحكن مع بعض واذا جت نوره الكلام ينقلب بالانجليزي علشان ما افهم .... اذا جن صديقاتهن يجلسن لوحدهن ولا يقولون اختنا أناديها تجلس معنا أنطلعها من سجنها ........ كان موت أمي وسحر يوسف هي الفرصة الوحيدة علشان أعيش مثل ما أبغى . ... ليه أنحكم علشان ابغي أعيش ؟؟؟؟