There is only you in my heart

7

gemini နှင့် fourth ဥယျာဉ်ထဲ၌ လမ်းလျှောက်ပြီးပင်ပန်းသွားသောကြောင့် ခြံထဲရှိ ဘန်ဂလိုထဲသို့အပန်းဖြေရန်သွားလိုက်သည်။ ဘန်ဂလိုလေးသည် သိပ်တော့မကြီးအထပ်လေးနှစ်ထပ်သာရှိပြီး အရောင်လေးမှာ အပြာအဖျော့လေးဖြစ်သည်။ ဘန်ဂလိုလေးအထဲသို့ဝင်လိုက်ချိန်တွင် အေးမြပြီး အနံ့သင်းသင်းလေးတစ်ခုအားရလိုက်သည်။ထိုအနံ့လေးမှာ လာဗင်ဒါ အနံ့လေးဖြစ်ပြီး လာဗင်ဒါပန်းပုံလေးများအား နံရံတွင်ချိတ်ဆွဲထားသည်။ အထပ်သည် နှစ်ထပ်ဖြစ်သည့်အလျှောက်အောက်ထပ်တွင် မီးဖိုချောင်၊ အိမ်သာနှင့် ဧည့်ခန်းတို့ပါဝင်ပြီး အပေါ်ထပ်တွင် အိပ်ခန်းတစ်ခန်း၊စတိုခန်းနှင့်စာဖတ်ခန်းသေးသေးလေးတို့ပါဝင်သည်။ပထမဦးစွာ fourth  သည်geminiအားဧည့်ခန်းထဲသို့ထိုင်စေကာ မီးဖိုချောင်ထဲမှ geminiအားဧည့်ခံရန် မုန့်များထုတ်နေသည်။

"Fourth ဘာတွေလုပ်နေတာလဲ ကိုယ်က အရေးမကြီးဘူးရယ် မုန့်တွေဘာတွေလုပ်မနေနဲ့ ခနနေဆိုပြန်ရမှာပဲကို"

"ဘယ်ကသာ မလုပ်ရမှာလဲ ကျွန်တော့်ကို maeကိုယ်တိုင်ကို ဧည့်ခံခိုင်းထားတာအဲ့ကြောင့်မို့ မုန့်တွေလုပ်ပေးနေတာ maeသာ မပြောရင်မလုပ်ပါဘူးနော်ဟွန့်"

"ဟုတ်ပါပြီဗျာစွာတေးလေးရဲ့ ဒါနဲ့ ဒီဘန်ဂလိုလေးထဲမှာမုန့်ကအရံသင့်ရှိတာပဲလား "

"ဟုတ်တယ် ကျွန်တော်၏က အိမ်မှာပျင်းတဲ့နေ့ဆို ဒီမှာလာနေကြ အဲ့တာ‌ကြောင့် ကျွန်တော်ကြိုက်တဲ့မုန့်တွေရယ် အသုံးအဆောင်တွေရယ်ထားထားတာ တစ်ခါတစ်လေဆိုဒီမှာပါညည့်နက်သွားရင်အိမ်မပြန်တော့ပဲ ဒီမှာပဲအိပ်လိုက်တော့တာ ဒါကကျွန်တော့်အိမ်လိုကိုဖြစ်နေပြီရယ်"

"အော် ဟုတ်လားfourthက အပြာရောင်ကြိုက်တယ်နဲ့ တူတယ် အသုံးအဆောင်တွေရော ဘန်ဂလိုလေးရော အကုန်အပြာလေးတွေချည်းပဲ"

"ဟုတ်တယ်ကျွန်တော်က အပြာဖျော့လေးတွေဆိုအရမ်းကြိုက်တာလေ ဒီဘန်ဂလိုကိုလည်းကျွန်တော့စိတ်တိုင်းကျ ပူ‌ဆာပြီးဆောက်ခိုင်းထားတာ"

Fourth ထိုသို့ပြောရင်းgeminiဆီသို့ လိမ္မော်ရည် နှစ်ခွက်၊အားလူးကြော်၊ချိုချည်၊အသင့်စားတရုတ်မုန့်နှင့် ဘီစကစ် တစ်ချို့ယူလာလိုက်သည်။