متابعه
في الصباح والساعه الثمانه تحديدا كانت اسراء تقرب الصبوح للسفرة وبعد ما كملت وادت (جابت) بعدها براءه الشاهي والقلصات وامها جابت العيش
قالت اسراء لبراءه /يلاه سيري ادعي ابي وجدي ووليد وبشار قليلهم قد الصبوح جاهز ومقرب فيسع
براءه /ناهي بس انا ما عتقومش بشار انتي داريه انهوة بيجلس يضحك عليا ويضحككم عليا
اسراء بضحك /تمام لاتدخليش صيحي له من الباب وانزلي ناهي
براءه /تمام
وبعد قليل كان الجميع مجتمع ماعدا وليد
اسراء لبراءه /هيا ماقلش وليد حين دعيتيه
براءه/قالي تمام اوذانا نازلي وكانوه بيتغسل
اسراء بصياح/يا وليد فيسع صبوح
وليد وهو يغلق باب غرفته ويقول /يلاه يلاه اوذانا نازلي
وعند وصوله قال ببسمه /صباح الخير
الجميع /صباح النور
محمد (الاب)/فيسع اقطب اصتبح اشتيك تجي معي للسوق اليوم ندي المقاضي
وليد /من عيوني يابه ولا انت تاعب اجلس وشاسير انا
محمد ببسمه /ماشي يابني اشتي اخرج واشم هوا
وليد /براحتك
الجد سليم /انا شاجلس مع اسراء في البيت ماشخرجش اليوم
محمد /حاضر براحتك ولا احتجت شي ولا شي قلتلي
الجد ببسمه /تسلم يابني
اسراء وهي تنظر لأمها التي تأكل وهي تنظر للكتاب الذي بيدها /كلي يمه وفلتي الكتاب لوما تكملي تصتبحي
حنان/يابنتي ماعدسترش احفظها بعدا خليني احفظها ذلحين وخلاص بعدا الاستاذة سوسن عدسمعلي اليوم
بشار بمرح /اكذبي عليها ساع كل مرة وتقولش ادخلي واحفظيها لا غطوة
حنان برفض /مع ماشي قد كذبت عليها خيرات مايسبرش
وليد /يمه انا فلتي الدراسه تيه وهجعي واسكهي لش من وجع الراس
حنان /للمه اميد تكون تقولولي انني جاهله ماشي وبعدا ابوكم محمد قال الدراسه ماتعرفش لازغير ولا كبير صح يا محمد
أنت تقرأ
لؤلؤة صنعاء (رواية يمنية) روايات يمنيه
Любовные романыرواية يمنيه.... اللهجة صنعانيه...... قصه تحكي عن جمال صنعاء..... روايه تجمع بين الكوميدي... والعاطفة..... والعبر...... والالم... اتفضلوا وعيشوا الاحداث وبس.... ونطوا للتعريفات..... . بقلم /عصمان الوشاح
