لؤلؤة صنعاء (رواية يمنية) روايات يمنيه

الحلقة الثالثه والعشرين

عند سند وتهاني وابنهم نادر كانوا بيصتبحوا بصمت لوما قاطعهم نادر وقال /انا اليوم شاسير مع اصحابي وماعدجيش إلا مغرب

سند وهو بيشوفه ويقل /وين تشتي تسير معاهم اين عتسيروا

نادر /عنسير نلوي ونتنزه لا مغرب وعنتغداء ونخزن في مطعم  ونستأجرلنا طيرمانه نخزن

سند بتحذير /لانتوا عتسيروا تلوو تمام بس لو انتوا عتسيروا تتمصيعوا وتتخيبلوا مابش شوف يا نادر انا صبرت لك خيرات ومامديتش يدي عليك وبين اقل قدوه كبير عيعقل عيقع رجال بس كل ما كبرت خربت اكثر انا بين احذرك صاحب اصحاب سوا

نادر بحنق /قلي لاسرش وبس ليش عاد الدرس هذا كله وبعدا مالهم اصحابي كل شويه اصحابك اصحابك

سند بصياح /اتحاكى معي سوا لا اكسر لقفك وبعدا انا ماقلتش لاتسرش انا قلت لانتوا عتسيروا تلوو وماعتفعلوا شي غلط سهل بس لنتوا عتسيروا تبسرولي بنات الناس وتتخيبلوا مابش وكلامي واضح

تهاني مهدأه /خلاص يانادر اسمع كلام ابوك وبعدا انا داريه ان نادر قد اتعلم وماعد بيسايرش هولاك الاصحاب

سند /ان شاء الله

اما نادر سنب بدون ما يكمل ياكل

تهاني /اجلس يبني كمل اكلك

نادر بحنق /الحمدلله شبعت

تهاني بمعاتبه لسند /هيا ابسرت كيف حنق نادر وماكملش يصتبح

سند /خليه ينقلع والله ماقع هكذا الا من دلالنا له وغنجنا

اما تهاني فسكتت فسند معه حق في الذي قاله

وبعدما كمل سند يصتبح سنب وخرج لاخارج يجلس مع جارهم الحج سعد

وبعد شويه نزل نادر ومعه حاجاته الشخصيه مثل الخازن والشاحن حق التلفون وحاجات ثانيه شقارة وغيرها المهم ومشي بدون اي كلمه عشان يسيروا يتنزهوا كما قال لابوه بس كان كل شي قاله كذب فهم عيجلسوا يتمصيعوا من مول لا مول ومن شارع لا شارع

.
.
.
.
.
.
.
.

مر نص اليوم بدون احداث وأذن ظهر

وقام وليد يشغل سيارته ويسير يدي حنان وبراءه اما محمد وسليم ساروا صلا الجامع يتوضوا ويصلوا

وبعد ربع ساعه وصل وليد لا جمب المدرسه وشاف حنان وبراءه مريعات له

وأول ما ابسرنه سارين صليه