لو كانت الدموع من سكاكين لكسرت العينين من كثرتها
ولكن السؤال هنا؟
هل يمكن اصلاحها يوماً ؟؟
................................................................................................................................................................
نبدا ونقول بسم الله الرحمن الرحيم ...
ملاحظة قبل البدء بالقراءة :
{ ك: إذا شفتوني كاتبة بين - - معناها هاد سرد والشخصية بتحكي بس من وجهة نظري ككاتبة أما الحوار الداخلي رح يكون " " داخل علامة التنصيص}
.
.
: مرحباً .. كيف الجو عندكم اليوم – صمتت لبرهة ثم أكملت بتوتر- أسفة لأني بلشت بكلام مش مفهوم ولأني ما عرفت عن حالي .. اسمي مها عبد العزيز .. اممم – تحدثت إلى نفسها "ايش أحكي كمان" ثم أكملت مرة أخرى بعد أن جمعت مفرداتها – آسفة بعرف إني غبية بس تعودو علي أنا شخصيتي بتوتر بسرعة لما بتعرف على ناس من أول مرة ومرات من كتر التوتر بصير أخبص بالحكي .. المهم متل ما قلت قبل اسمي مها عبد العزيز عمري ٢١ سنة .. وأنا آخر العنقود في البيت عندي ٤ أخوة شباب
" أكبر مني بسنة تنين من أخواني توائم ( هادي وفادي) ٢٢ سنة وأكبر منهم بسنة أخوي( ماهر ) ٢٣ سنة وأخوي الكبير أكبر مني ب ٦سنين (محمد) ٢٨ سنة .. وأخيراً رح أحكي عن أهم شخصية بقصتي وهي بتكون أختي فطوم قصدي فاطمة أختي الكبيرة وبمعنى تاني البكرية وهي أكبر مني ب١١ سنة (فاطمة) ٣٢ سنة "
عرفتكم عن اخواني هلأ خلوني أعطيكم نبذة عن حياتنا
لازم تعرفو اشي مهم عني.. أنا دلوعة البيت ماما وبابا واخواني كتير بحبوني وما بيرفضولي طلب وعشت حياتي أميرة زماني وأنا غرقانة بالحب من الكل .. ملامح وجهي حلوة بس ما أعتبر حالي ملكة جمال بحس ملامح وجهي بتميل تكون طفولية أكثر من اني بنوتة ناضجة ..
بعكس أختي فاطمة يلي رح أعرفكم عنها بعدين ..
المهم .. أنا ماني كتير بميل للدراسة .. كيف أشرحلكم إياها .. أنا قصدي إني آخر همي الدراسة بحب أطلع من البيت طشات وجمعات ووناسة وهبال وما بحب أضل مقيدة حالي بغرفتي أدرس ٢٤ ساعة بس مع هيك علاماتي كويسة الحمد لله بس يكون عندكم علم أنا مستواي مش مستوى الأولى على الصف أو حتى أعتبر من الأوائل الثلاثة بالصف أنا معدلي الدراسي دائماً بكون بحدود ال٩٢٪ ولا يمكن يتعداها ممكن ينزل عن هاد الرقم بس انو يتخطاه مستحيل - حكت شعرها لتكمل بنبرة غبية - ممكن تعتبروني غبية شوي بس ايش تتوقعو من وحدة آخر همها الدراسة ودلوعة متلي ..
بس بالمقابل خليني أعرفكم عن شخصية فطوم قصدي فاطمة أختي ..
فاطمة أختي عكس شخصيتي ١٨٠ درجة أول شي فطوم قصدي فاطمة جميلة جمال ما بعرف كيف أعبر عنو بس لازم تعرفو انو جمالها يعتبر من الجمال المفقود من سنوات طويلة ممكن تعتبروها سلّم أو حسناء من كتر جمالها
أنت تقرأ
بقلبي أخفي سر - Dark moon
Historia Cortaماذا لو كانت حياتي كلها معلقة على حبل نجاة واحد.... هناك سر في حياتي مدفون في أعماق قلبي... هل سيأتي يوم ويكشف سري أم سيبقى في هاوية قلبي... لو عاد بي الزمن ربما ستختلف قراراتي عن الآن.... ليس كل ما تراه حقيقية ... وليس كل ما تسمع عنه صادق... و...
