မမစက်!
အော်ခေါ်သံကြောင့် စက် ခန္ဓာကိုယ်လေးတုန်တက်ကာ လန့်သွားရသည်
လန့်လိုက်တာ လရောင် ရယ်
မမစက်က လရောင်ခေါ်နေတာမှမကြားတာ
လရောင် ရောက်တာကြာပြီလား
ကြာပေါ့ မမ က လူကသာ ထိုင်နေတာ စိတ်က ဘယ်ရောက်နေလဲမှမသိတာ
ဟုတ်လား ဆောရီးပါ လရောင်ရယ် မမ စိတ်ရှုပ်စရာလေးတွေနဲ့မို့လို့
ဘာတွေစိတ်ညစ်နေတာလဲ လရောင်ကိုပြောပြလေ
ထွေထွေထူးထူးတော့မဟုတ်ပါဘူး မမ ရဲ့မောင်လေးကြောင့်ပါ
ရှိုင်းထက်လား
လရောင်က ဘယ်လိုသိတာလဲ
ဟီး" ဆရာဝန်မကြီးတစ်ယောက်ကပြောပြတာ မမ မှာမောင်လေးတစ်ယောက်ရှိတယ် ရှိုင်းထက်တဲ့ ပြီးတော့ မြို့လယ်ကကျောင်းမှာ မူလတန်းပြဆရာတဲ့ အရမ်းတော်ပြီး အရမ်းချောတာပဲတဲ့ မျက်လုံးတွေက မမနဲ့သိပ်တူတာတဲ့
ဟော ရှင်လေးကအကုန်စုံစမ်းထားတာပဲ
ဟီး" ဆရာမကြီးကပြောပြနေတာနဲ့ နားထောင်လိုက်တာပါ ပြီးတော့ မမစက်အကြောင်းကိုလဲပိုပြီးသိချင်လို့
ဟုတ်ပါပြီ ဒါနဲ့ ဆေးရုံကို လာတာကိစ္စရှိလို့လား မေမေကြီးရောသက်သာရဲ့လား
ဟုတ် မေမေကြီးက သက်သာပါတယ် မမ စက်ကျေးဇူးနဲ့ အရင်ကထက်တော်တော်လေးသက်သာလာတယ်
သက်သာတယ်ဆိုတိုင်းပေါ့လို့မရဘူးနော် မေမေကြီးမှာ ကနှလုံးရောဂါတင်မဟုတ်ဘူး တခြားရောဂါအခံလေးတွေလဲရှိတယ် ဂရုစိုက်ဦး
ဟုတ်ကဲ့ပါ ဒေါက်တာမကြီးရယ်
ဟော အကောင်းနဲ့ပြောနေတာကိုနော် ကလေးမ
ဒီကလဲ ဘာပြောလို့လဲ တော်ပြီ စေတနာနဲ့ သူနေ့လည်စာစားဖို့ ဟင်းတွေချက်ပြီးလာပို့ရတာ ဆုံးမလွှတ်တဲ့အပြင် လူကိုဆူပါဆူသေးတာ ပြန်တော့မယ် !
နူတ်ခမ်းဆူကာ ယူလာတဲ့ထမင်းချိုင့်ခြင်းကို ဆွဲပြန်တော့မယ်သူကြောင့် စက်မှာအသဲအသန်တားလိုက်ရသည်
YOU ARE READING
မုန်းသည်ထက်ပို၍ချစ်ခဲ့သည်(The Love Cafe)
Fanfictionဤအရပ်မှာလှပသောချစ်ခြင်းတရားတွေစတင်ခဲ့သလို ဤအရပ်မှာပဲအဆုံးသတ်ခဲ့ရသည် ထို့နောက်မတူညီသောနေရာမှာတူညီသောနှလုံးသားတစ်စုံထပ်မံပေါက်ဖွားလာခဲ့သည် ။ စာဖတ်သူသင်ဟာ လှပသောချစ်ခြင်းတွေကို ဖန်တီးခဲ့ဖူးလား?ဖျက်စီးခဲ့ဘူးလား?ဒါမှမဟုတ် ဖျက်စီးခံခဲ့ရဘူးလား?
