فضفضة ما قبل النوم

النقص

النهارده هتكلم عن نوع غير مألوف من النقص.
في نقص الي موجود في الشخص الي علطول شايف انو احسن حد في الدنيا وان محدش بيفهم غيره انا مش هتكلم عن الانسان دا لا.

هتكلم عن الناس الي عندها نقص من نوع اخر.

نقص في المشاعر دا بيكون ناتج عن عدم تعبير الأسره عن مشاعرهم تجاهك من الصغر ودا بينتج عنه انك بتبقا بعيد اووووي عنهم.
كذلك مع الاخوات، التباعد الفكري والتباعد في الأعمار دي كارثه مش عند الكل بس في حالات بيبقا فيها مشاكل كتيره بسبب فرق السن بين الاخوات وخصوصاً لو انت اخر العنقود.

الناس الي بتقول اخر العنقود متدلع ياريت الجمله دي متتقالش تاني لأنكم متعرفوش حاجه عن الناس.

ضغوط عليك علشان الأهل مش عاوزين يزعلو الكبير علشان نفسيته.

لاكن الصغير يولع عادي مش مهم المهم ان الكبير ميزعلش والكبير مش بيغلط والكبير ملاك نازل من السما.

ياريت لو اي اب او أي ام بيقرأو كلامي دلوقت ياخدو بالهم لأنهم بيربو جيل نفسيته متدمره ومعقد نفسياً والدنيا مش مستحمله ناس معقده.

يارب ناخد بالنا.
سلام