فضفضة ما قبل النوم

فلسطين

اولاً السلام عليكم
ثانيا انتم اكيد شوفتم الي بيحصل لأخواتنا في فلسطين دلوقت.

اكيد شوفتو الاطفال وهي ميته والمستشفيات الي بتنضرب.

اكيد شوفتم الناس وهي مش لاقيه مكان تقعد فيه حتي المستشفي تم قصفها بلطبيب والممرض والأطفال والمرضي بدون رحمه.

اكيد شوفتم برضو غزه امبارح وهي عامله زي الجمره مفيش مكان فيها مش مولع.

هتسألوني طب واحنا ايه في ايدينا نعمله.

اولاً نصلي وندعي لأهلنا في فلسطين.
ثانياً نعمل مقاطعه لكل المنتجات الي بتدعم الأحتلال.

كنتاكي، ماك، بابا جونز، برسيل،  نسكافيه، وبيبسي،  كوكاكولا، اي حاجه بتدعمهم قاطعوها.

انتم لما بتشترو اي حاجه بتدعمهم انتم كدا بتساعدوهم يعني هتتسألو قدام ربنا.

علفكرا حوار المقاطعه دا مهم جدا وبسببه الكيان الصهيوني خسر مليارات.

# كلنا غزه

اكتبو يا جماعه علي اي حاجه فيس، انستجرام ،استوري واتس اي حاجه انشرو بوستات كتيره اوي المهم انكم متسكتوش. 
وادعو كتير سلام.