فضفضة ما قبل النوم

اليوم التامن

مشكلة النهاارده ممكن تكون صعبه شويه لعدم وجود التفاصيل بس انا هتكلم بشكل عمومي عن المشاكل الاسريه وطرق لحلها وبعد كدا هتكلم عن التفاصيل الي ادتهالي صاحبة المشكله
اتمني اني اقدر اساعدها وتقدر تحل مشاكلها

اول سبب للمشاكل الاسريه هي المشاكل الاجتماعيه يعني مثلا الزوج متزوج مرتين مثلا دا بيأثر جامد علي نفسية الزوجه والابناء

المشاكل العاطفيه
من الممكن اي اسره بيحصل فيها مشاكل فا دا بيأثر علي مشاعر الزوجين ودا بيأثر بلسلب علي الحاله النفسيه للأسره كلها والابناء طبعا

المشاكل الصحيه
من الممكن وجود مشاكل مرضيه او صحيه بتعمل ضغط عصبي شديد علي الاسره فا دا بيطلع علي الابناء من حيث عصبية الاهل عليهم وكدا

المشاكل الاقتصاديه
اكيد اي اسره من الطبيعي انها تمر بأزمه ماليه يعني. يحصل شبه افلاس للعائله فا دا اكيد ممكن يكون سبب لرفض اغلب متطلبات الابناء

المشاكل التربويه
الاهل ساعات بيواجهو مشكله في التعامل مع المراهقين بسبب ان المرهقين بيفكرو ان رائيهم هو الصح والاهل بينتقضوهم وخلاص ميعرفوش ان الاهل مهما كانو هما رأئيهم صح
فا بيضطرو للتعامل بصرامه زائده عن اللزوم علشان المراهقين دماغهم ناشفه

نتكلم بخصوصيه شويه صاحبة المشكله بتقول ان كل يوم مشاكل في العائله بتاعتها لانهم بيمنعو عنها اي حاجه

بصي يا حبيبتي انتي ممكن متكونيش بتتفاهمي معاهم بلطريقه الصح

يعني المفروض تختاري الوقت والمكان المناسبين
تتفاهمي بهدوء
تاخدي رائيهم في عين الاعتبار
يعني هما مش راضين تحطي مكياج مثلا علشان ميشوفكيش كبيره مثلا او كدا او تضيعي برائة وشك الجميل فا انتي تقولي مثلا مش هحط كتير
تبدأي مثلا بمرطب للشفايف بس يكون بلون

وبعدين انتي اصلا قمر من غير مكياج مش عارفه قمر زيك هتحط مكياج ليه

انا اهلي زي اهلك بلظبط ممنوع الخروج لوحدي او مع اصدقائي
ممنوع اي لبس ضيق او قصير ودي حاجه بحبها جدا فيهم
ممنوع مكياج طبعا ودي حاجه جميله برضو لأن المكياج حرفيا مش كويس للبشره مع الاستمرار

لازم تفهمي منهم برااحه لا ليه محطش ليه
قوليلهم مش هحط بس عرفوني ليه
ولما ييقولو السبب حاولي تتعاملي معاه
ولو معرفتيش تعاليلي تاني لو افدتك المره دي

بصي اتمني بجد اني اكون ساعدتك وانك تستفادي من كلامي دا انا مش خبيره جامد في المشااكل الاسريه بس بجد عملت الي اقدر عليه
قوليلي رائيك يهمني يا سكر
♥♥