فضفضة ما قبل النوم

اليوم السابع

اول مشكله معانا هي الثقه بالنفس
انعدام الثقه بالنفس ليه 8او7اسباب هقول الي انا فاكراه

1-كره الذات
انك تكون حاقد علي نفسك وكارهها وتفضل تأنب نفسك علي اتفه الغلطات والاسباب
فا لو انتي شايفه انك كارهه نفسك او انتي متستحقيش اي حاجه حلوه في حياتك فا انتي تبقي غلطانه لانك كدا بتموتي نفسك براحه بدون شعور اي حد من الي حواليكي غير نفسك ودا طبعا غلط ومش هيسبب غير المتاعب ليكي

2-عاوزه اكون مثاليه
الجمله دي لوحدها ممكن تدمرلك حياتك احنا عارفين ان الكمال الله وحده عز وجل فا انك تكوني عاوزه تكوني مثاليه وفيكي كل الحاجات الحلوه الي في اي بنت من حيث الشخصيه او الشكل او الجسم
فا دا غلط ربنا ادانا 24قيراط بس متوزعين لكل شخص بصوره مختلفه يعني انا قمحي بس عيني واسعه في غيري لون بشرتها فاتح بس عنيها ضيقه
كل واحد فينا بياخد حاجه مش كلنا زي بعض و دا الي بيميز البشر عن بعضهم

3-كره شكل جسمك
كره الجسم حاجه. كره الذات حاجه علشان محدش يجي يقولي ما هي هي
في عندنا بنت بيجي عليها فتره بتكون كارهه شكل جسمها علشان فلات مثلا فا دا بيدمر النفسه انها تقول لا انا عاوزه اتخن شويه والي تقول انا عاوزه اخس شويه علشان جسمي بقا بشع

ازاي نتغلب علي دا
خلي دايما المبدأ بتاعك انك هتحسني من نفسك علي اد ما تقدري انتي كدا كدا حلوه بس مفيش مانع لو تخنت اعمل دايت او امارس رياضه الرياضه هتساعدك تتخلصي من الافكار  السلبيه بس خلينا واقعيين محدش بيعمل كدا احنا مقضيين الاجازه نوم خلي دايما حوار بينك وبين نفسك تقولي اي المميزات الي فيكي واد اي ان في ناس بتحبك وكدا

4-المقارنه
اسوء مااااا يكون المقارنه انك تحطي نفسك في حته تبدأي تقارني نفسك بكل الي تشوفيهم دي احلي مني دي جسمها احلي دي عندها غمازه وانا لا وكلام تافهه ملهوش علاقه بلواقع

ازاي تتغلبي علي دا
تخليكي مؤمنه ان كل واحد ليه طبع مختلف وشكل مختلف والي بيميزو عن التاني وان ربنا خلقنا في احسن تقويم واحسن شكل وبكدا ربنا مييزنا عن اي مخلوق خلقو

5-انك تحسي بعدم اهميتك او قدرتك في الحياه
كلنا بيجي علينا وقت وبنقعد نقول اننا ملناش لازمه في الحياه ومش بعرف اعمل حاجه او معنديش موهبه

ازاي نتغلب علي دا
لازم ندور علي موهبه نكتشف نفسنا يمكن نلاقي حاجه جوانا مكناش نعرف عنها حاجه ودا مش ممكن دا اكيد  زي انا مثلا قعدت اكتشف واجرب اعمل حاجات جديده زي مثلا اتعلم لغه للبلد الي بحبها اجرب ارسم كل دا كان بيخلي عندي ايمان اني لو اتدربت علي الحاجه الي بحبها هكون ممتازه

6-الحساسيه الزياده عن اللزوم
فكرة انك تكوني بنوته حساسه دي حاجه جميله لاكن ال شيئ الي بيزيد عن حدو بيتقلب ضددو
انك متقبليش انتقاد الشخص الي قدامك وتبيني انك حساسه دا هيقلل من قيمتك وثقتك في نفسك

نتغلب علي دا ازاي
لو لقيتي ان الي بينتقدك نقدو غلط دافعي عن نفسك وحطي صوابعك في عينو كمان لاكن لو لقيتي ان النقد دا حقيقي لازم تاخدي الموضوع بجد وتحسني من نفسك للأفضل حسب الانتقاض

7-الخوف والقلق
انك تكون خايف من فكرة انك متقدرش تغير اي حاجه من الي حواليك احب اقولك انك غلطان لان الانسان عايش علشان يغلط فا يغير فا يتعلم فا مفيش داعي للخوف

ازاي نتغلب علي دا
اننا نميز بين المخاوف الحقيقيه والمخاوف الي ملهاش وجود اصلا وجايه من العقل الباطن يعني احنا ممكن نعمل هرم كبير ونكتب في اكتر حاجه بتخوفنا فوق ونفضل ننزل للقاع بأصغر مخاوفنا ونحاول واحده واحده اننا نتغلب علي المخاوف دي

.وبكدا نكون خلصنا اول مشكله وياااريت صاحبة المشكله تقول اذا الحلول دي فادتها ولا اي وبس كدا بحبكم جداا وهنزل تاني مشكله في اسرع وقت ممكن بحبكم♥😍