فضفضة ما قبل النوم

اليوم التاسع

مشكلتنا النهارده عن التنمر
اتمني الاستفاده لصاحبة المشكله♥

التنمر عادة تنتشر بين الشباب المراهقين اخر مرحله في ابتدائي واعدادي وثانوي
انا اكتر واحده حاسه بصاحبة المشكله لان انا كانو بيتنمرو عليا برضو ودا لأسباب كتيييره

اولا :انعدام الثقه بلنفس
الي قدامك بيحس انك مش واثقه في نفسك وسهل عليه انو يخوفك او يزعلك او يضايقك
بيبان من مشيتك من نظراتك من طريقة الكلام بيبان انك ضعيفه وسهل تتكسري

ثانيا:الخوف من خيالك
اغلب الي بيتم التنمر عليهم بيكونو خايفين يبصو في عين الي قدامهم حتي الخوف ملهوش اي داااااعي محدش هياكلك صدقيني فا ليه تخافي

ثالثا :الانطواء
اظن ان دا سبب كمان يخلي الناس تتنمر عليكي يعني القعده لوحدك كتير السكوت التام علطول طبيعي ان اي حد ممكن يضايقك بكلامو

رابعا: التوتر
التوتر دا بينتج عن قلة الثقه بلنفس اكيد والخوف من اي حاجه واي حد

ازاي نعالج كل دا بقا
الاسباب دي ممكن متكونش كتير او كفايه بس دا الي كنت بمر بيه حرفيا

تعالو اقولكم ازاي خليت محدش يقدر يتكلم معايا نص كلمه انا مريت بفتره كنت بقرف ابص للمرايه حتي انا الناس في الشارع كانو بيتنمرو عليا

انا طول عمري لبسي واسع وطويل حتي من قبل الحجاب
كنت ببقا مشايه خايفه حد يتكلم عليا او يبصلي فا دا كان بيحصل فا ثقتي في نفسي تقل واقلل من شئني واقول ان العيب مني انا الي وحشه

.دا كان زماااان.

.دلوقت بمشي بثقه ورافعه راسي و الي يتكلم يتكلم هنا عقلهم مريض العيب عمرو ما كان مني طالما انا لبسي محترم
الي يتكلم بدخل صوابعي العشره في عينو
خليت الكل يحترمني
الكل بيقول عليا اجتماعيه علشان بتكلم مع الي حواليا لاكن اتداخل معاهم لا
لو حد ضايقك تجاهليه متعمليش حساب ليه اصلا
ولو تطاول بلي في رجلك واديلو
دول شوية عيال خلي الكل يعرف قيمتك

وبسس كدا اتمني ان صاحبة المشكله تكون استفادت وقدرت تحل مشكلتها

بحبكم دمتم سالمين