من بعد هذه الليلة أصبح غادة وكريم زوجان طبيعيان ولم يعد كريم ينام فى الصالة وكان يقضى كل ليلة مع زوجته الجميلة غدوش, وبعد عدة أيام أتت زهراء لزيارة غادة وجلست معها فى المطبخ تساعدها وقالت غادة : زهراء أنا وكريم إتجوزنا,
إنتى فقدتى الذاكرة ياغادة ؟ انتم متجوزين بقالكم فترة .
إقهمينى باقول لك إتجوزنا.
عندما أدركت زهراء معنى كلام غادة تركت مافى يدها وفتحت فمها بدهشة وضحكت غادة على منظرها وقالت زهراء: إنت قصدك إنكم .... .... هو حصل؟
أيوه حصل.. ..
من متى ؟
من كام يوم تقريبا وإحنا كل ليلة ,كل ليلة مع بعض .... ..وأحيانا مرتين في اليوم و....
صمتت غادة بخجل فقالت زهراء: كل ليلة !! ومرتين فى اليوم؟؟ لأ ده إنت تسيبى اللى فى إيدك وتيجى هنا تحكى لى حصل إزاى ده؟ عملتى زى ماقلت لك؟
معملتش حاجة والله هى حصلت بالصدفة.
أمسكتها زهراء لتجلس وهى تقول: قولى لى التفاصيل.
جلست غادة لتخبر زهراء بما حدث وقالت لها زهراء فى النهاية: أيوه كده, كان لازم يحصل من زمان مش تقول لى إخوات ... والله فرحتينى ياغادة ,ربنا يسعدك ... والواد كريم ده باين عليه شقى ,, كل ليلة الجبار؟
ضحكت غادة وإحمر وجهها وقالت: مانت تعتبرينا عرسان جداد..
آه صح عرسان جداد, طب مايآخد أجازة وتروحو بقى شهر عسل بحق وحقيق..
مش وقته بعدين بقى..
مرت شهور وهم يعيشون فى سلام وكانت غادة راضية بالرغم من أن كريم لم يقل بأنه يحبها ولكن يكفيها أنه يعاملها بحنان وإهتمام ويرغب فيها.
حان يوم ميلاد كريم واتفقت غادة مع سعاد وأخوة كريم ورشا بأن يقيمو له احتفال مفاجأة وأخذه عرفان للخارج حتى يعطيهم فرصة لترتيب المكان وتزيينه وإنتظرو وأطفأ حسن النور وعندما فتح كريم الباب قالو معا :كل سنة وإنت طيب ياكريم.
كانت مفاجأة بالنسبة لكريم واندفعت غادة لتتعلق فى عنقه وقبلت وجنته , ضمها كريم بقوة وهنأوه جميعا وتلقى الهدايا وقال: مفاجأة جميلة جدا أشكركم .
إلتفو حول السفرة وقامو بالغناء وقالت غادة : إتمنى أمنية وأطفئ الشمع.
أغمض كريم عينيه ثم أطفأ الشمع وهلل الجميع وأحاط خصر غادة بذراعه وقبل وجنتها وقال: شكرا غدوشة.
ومال على أذنيا وهمس: لو كنا وحدنا كنت أخدت بوسة.
كريم!!
أنت تقرأ
لعبة الزواج
Romanceرواية فيها معاناة الفراق والحب الأول وسيطرته على اإنسان وبعدها الحب الحقيقة بالصدفة
