لم يذهب كريم للبيت بل ذهب لبيت صديقه عرفان وأخبره بما حدث فقال عرفان: كريم إنت إتجننت إزاى تقول كده على البنت؟؟
مش عارف ياعرفان, الكلمة طلعت منى فجأة فى لحظة غضب , إلهام إستفزتنى قوى وكنت عايز أرد لها اللى عملته فى .
وغادة, إزاى تحطها فى موقف زى ده ؟
إقتربت زهراء زوجة عرفان بالشاى وقالت: إنت غلطت في حق البنت يا كريم , زمانها دلوقتى متضايقة منك.
عرفان:لأ وسابها فى المكان كمان من غير مايوضح لها أى حاجة.
زفر كريم بضيق كان يعرف بأنه اخطأ وإحتار ماذا سيفعل مع غادة؟ وكيف تصرف بهذا التسرع.
بعد رؤيتها لكريم مع فتاة أخرى ظلت إلهام تشعر بالغيرة والغضب , كيف وجد فتاة أخرى بهذه السرعة وخطبها أيضا؟ ووجد وظيفة جيدة ؟ لماذا لم يفعل هذا معها وتركها تنتظر لأكثر من سنة ؟ وقررت أن تقابله وتسأله وبالفعل إتصلت به, كان لايزال عند عرفان ونظر للهاتف بدهشة وقال: إلهام بتتصل.
عرفان: متردش يا كريم.
زهراء : بالتأكيد عايزة تعرف التفاصيل.
نظر كريم للهاتف وهو يرن وتوتر ثم أجاب ونظر له عرفان بعدم رضا وقال كريم: ألو عايزة إيه يا إلهام؟ ... ليه ؟ طيب انا جاى.
زهراء: عايزة منك إيه؟
عايزة تقابلنى.
عرفان: مش هى اللى سابتك عايزة تقابلك تانى ليه ؟ ولا إنت إحلويت فى عنيها لما بقيت بتشتغل فى شركة كبيرة ومرتبها حلو؟؟ كريم إياك تقابلها .
زهراء : متخليهاش تستغل عواطفك ناحيتها.
نهض كريم وقال: متقلقوش مش هاسمح لها تعمل حاجة زى دى ,.
عرفان: إتصل بى عرفنى اتعمل إيه
خرج كريم من الشقة وقال عرفان بأسف: كريم ضعيف جدا من ناحية إلهام.
تفتكر هاتستغله تانى وترجعه ؟
بالتأكيد, دى بت سهلة ابدا .
على الله يعمل زى ماقال ويقاومها..
هانعرف.
التقى كريم بإلهام في الحديقة وعنما رأته قالت: إنت إزاى بدلتنى بسرعة كده ياكريم؟
إنتى اللى بتسألى وإنتى اللى إتخطبتى بعد ماسبتينى بأسبوع؟؟
أيوه ظروف,, لكن إنت حبيتها إمتى؟
ويهمك فى إيه حبيتها إمتى؟
أنا كنت فاكرة إنك ....
قاطعها بعصبية وقال: إفتكرتى إنى هافضل حزين وبائس ومش هابص لواحدة غيرك مش كده.... أنت تستمرى في حياتك وأنا أعيش محطم .
أنت تقرأ
لعبة الزواج
Romansaرواية فيها معاناة الفراق والحب الأول وسيطرته على اإنسان وبعدها الحب الحقيقة بالصدفة
