آل محمد

البارت ١

خلي احضنكم يمكن هاي المرة الأخيرة احضنكم بيهَ
ومنو اليدري الموت يا ساعه يجي
أخاف تموتون بعيد عني اني ما عندي مكان غير حضنكم
أخذو روحي وأَخذني يمكم
أخاف تموتون وانا مو يمكم
أريد أموت و راسي يمكم

°°°°°°°°°°°°°°°°°°°°°
ساعه7:20 ص

ضحى:ولچ كومي تأخرتـي على مدرستج نـورر هاي خامس مره اكومج اشلون طرگاعه هاي

نور:هااااا عوفيني خلي انام مااروح

ضحى:شنـو ما تروحين والله والله اذا هسه ماكمتي اصيحلج ابوج يتصرف وياج

جاي تسحب البطانيه تحجي
بل اخير كمت..

نور:اهووو شكوووو من صباحيات الله اشبيــج ضحاوي..

ضحى: عمت عينج أي والله كوومي ادبسززز والله ما عرفت اربي أنتي اشلون تحجيـن ويا امچ هيج..

نور: بدينا المحاضره صباحيه هسه شكد الساعه!

ضحى:باقي خمس دقايق وتصير بل ثمانيه ..

نور:جـذبب
كمت بسرعه من فراش ركض الحمام غسلت وجهي وطلعت من حمام للميز حتى امشط شعري و رشيت عطر شفت ساعه بعدها.7:30 هاي دومها هيجي تسوي بيه حتى اكوم بساع
نزلت جوه حتى اكل شي واروح للمدرسه

ضحى: أول مره اشوف واحد ينام بملابس مدرسه...

حجه ابويه هو جاي يشرب جاي

حسين:أي هاي بنتـج بس حتى تنـام اكثر ....ام سوالف هاي

ضحكت لان اني بليل البس ملابس مدرسة حتى صبح انام اشويه اكثر ما اكون من وكت وابدل هههههههه

نور:أي والله حسيني اهم شي نومتي اعبد شي اسمه نوم..

ضحى:ادبسـزززز شنو حسيني

رحت وكفت يم رأس ابويه حضنته بسته من خده وكلت
نور: شوف شوف حسوني اشلون ويا هاي الناس الي تغـار ...

ضحك ابويه بحيث نزل كوب جاي من
أيد حتى ما يوكع منه

ضحى:شوف اشكد مطلع عينه الما تستحي

حسين:غير هاي بنيتي چم وحده عندي بس هاي عندي ليش ما ادللهه..

رفعت حاجبي مرتين لها
وحضنت ابوي مره ثانيه

نور:ياااا عمرررري اشكد احبـك عينـي ضحاوي اشو حاطه عينج عليه مو انتي عنج أميررر بعد شتريدين مني..