آل محمد

البارت ٥

عَذرُوني تَرَه وَضعيتي تَعبت..
حَياتيِ مخَربطهَ وما فاهمهَ
أي شي بَعد ماريد أمَثل أرِيد أمشي
تَره الكَتمان يوصل حدهَ مَرات..
مَبينتلكُم قَويهَ بَس أني مَنهارهَ.....
بَس المشكِلةَ شَحجي
ألما يَكدَر يسولف يَبجي يرتاح
أني حَتى بَچي ما گــادرَ أَبـجـي......

--------------------------------

فتحت الباب ..
وبديت امشي
والشارع فارغ بس كم سياره تجي وتروح واني شكلي مثل المخبله...
شعري مفتوح ومخليه شال على رگبتي ولابسه بجامه مال بيت وبلوز....
وگوه امشي احس روحي جثه هامده ما اعرف شجاي اسوي....
مشيت...مشيت...
إلى ان وصلت لبيت خالتي جانت السيارات مليانه الشارع وكم زلمه واكفين كدام الباب
اني شفتهم گمت اصيح.

نور:أميررر..بابااا...وينكم...

وبعدين شويه شويه تقدمت يم باب البيت جان خالي وگف وياهم ومن شافني اجه ركض
يمي.

خالي محمد:نور بابا شجابج هاي شتسوين هنا بهاي ليل منو اجه وياج
يعرفون بيج جايه؟

وگعت بلگاع
مادري بشنو تعثرت.

نور:محد اني جايه لوحدي اريد أمير وينه اريد اشوفه.... الله يخليك...وينه.

وخالي گام يحضن بيه ويبوس راسي
ويحجي متعصب اشلون اني طالع واحدي
ويشوفني إذا تأذت..

خالي گام يحچي ويه روحه.

خالي محمد:سجى وينه هاي شلون مخليتها تطلع بهاي الليل وحدهه.

واني جاي ادفعه گمت وركضت للبيت فتت للحديقه وجاي اصيح وصوتي ماكوو بلگوه احجي.

نور:أمير..أمير....

اجه آسر بس سمع صوتي گام يركض مثل المخبل.

آسر: نوررر...شتسوين هنا شجاييج امي وينه....جايه وحدج؟

واني عيوني مورمات واحمر ومابيه حيل احجي.

آسر:احجي شبيج صاير شي
أمي زينه.

نور:أمير......اريد أمير وينه...

لزمت ايده وگعت بلگاع وصرت اترجا.

نور:الله يخليك وينهم اهلي وينهم وديني ألهم فدوه اروحلك.

مجاوبني شال الموبايل وخابر فجر.

آسر:هاي شنو هيجي تديرون بالكم على نور

فجر:ليش هاي شبيك شكو شصاير؟

آسر:نور يمي.

فجر:شنووو...؟
هاي شدتحچي.