آل محمد

البارت ٧

ما بيه ...
ما بيه حيل ارفع جفن ..
ذبلان جسمى من الحزن
والدمع من كدما نزل
ما خله لون برمشي
محتار بأحلامي البقن
شو ما رضن يتحققن !

-----------------------

طلعت من البيت ركض رحت للسياره
شفت ياسر چان گاعد بالسياره ينتضرني.

ياسر:يله شو تأخرتي
صعدي بسرعه.

صعدت السياره ورحنه.

ياسر:عذريني البارحة مجنت موجود اجيت متأخر چنت رايح ارجع ميس وعلاوي رحت قبل يومين والبارحه آسر خابرني جبتهم وجيت الله شاهد بس ملحگد اروح وياهم للنجف.

مجاوبته ضليت صافنه علطريق.

نور:أمير شصاير بي ليش من البارحة بلمستشفى الله يخليك والله بعد ما اتحمل ليش متحجون صاير بي شي مو زين.

ياسر:شوفي راح احجيلج بس خليج هادئه تمام .

نور: احجي..بس انته احجي والله راح اموت.

ياسر:البارحة من صار الانفجار يلي جان قريب من مدرسه مالتج.

بعده ممكمل حجيه عيطت.

نور:أميرررر جان هناك لااااا دخيلك لا لتگوله.

ياسر: خليني احجي اوكفي.

گمت اضرب على وجهي وابجي.

نور:والله اموت اذا يصير بي شي والللللللله.

ياسر:استغفر الله ياربي استغفر الله.

نور:يعني شبي مجروح جسمه شبي شبي.

ياسر:والله اني مشايفه بس سيف گال جسمه كله متاذي ومااعرف بعد هسه نروح ونشوفه
مابي شي إنشاء الله.

گعدت افكر ويه روحي تفكير يجيني ويوديني
وجسمي يرجف ودموعي تجري على خدي.

نور:سوق بسرعه ياسر عفيه خلي نوصل بسرعه احس كل دقيقه تمر سنه.

ياسر:هسه نوصل .

نور:يعني امي وابويه البارحة من طلعو من البيت جانو رايحين للمستشفى يم أمير موو؟

ياسر:أييي..لان أمير جان بوعيه ومخابر على آسر حته يجيله وياخذه للمستشفى.