آل محمد

البارت ٣

يالغالي يوم.
الغــــــــــــــــبت
لو بيدي اموتن
مـــــــــــــــــــتت
حتى اندفن وياك
صار الورد يندفن
ودنيا غابة حـزن.
صارت بعد عيناك.

---------------------------------

مر اقل من نص ساعة واني على اعصابي

ما تحملت كمت من مكاني ناويه اشوف امي
واني اتجه باتجاه غرفه لزمني آسر من ايدي

آسر:وين

نور: اريد اشوف أمي...

آسر: وين تشوفيها ما تشوفين دكاتره لامين عليها....

نور: آسر.. بس....

آسر: ااااشش روحي كعدي مكانج...

وبعدين طلع الدكتور من الغرفه..
اني وآسر رحنه يمه حته نعرف امي شلون صارت..

آسر:هاااا...؟
دكتور شلونه...

نور:امي زينه...

حجه دكتور ويا آسر..

دكتور: حاولنه وياه بس عرفنا صار عده نزيف داخلي بلدماغ..
مع الأسف فقدناها
بقيه بحياتكم.

نور:فقدناها..!

آسر: لا حوله والقوة الابالله..
أنا لله وأنا اليه راجعون.

نور:شنوووو..
آسر هذا شيكول لا لا مستحيل امي متعوفني لااااا عفيه دكتور ...

وهنا اني بعد ما اعرف شسوي احس الدنيه سودت بوجهي يعني ابويه راح وامي بنفس الوقت...

اجت خالتي وسمعت ...

سجى:شكو شصار شنو كال الدكتور  شبيكم احجو نور آسررر

آسر:يمه البقيه بحياتج

خالتي سجى: لااالاااا يمهههههه هاي شتگول...

وكامت تضرب على وجه وتبحي....
واني تجمدت بمكاني يعني لحد الان مجاي استوعب الي يصير ويايه ..

جنت اتمنه لو اني هم اموت واروح وياهم ...

وهنا خالتي تخربطت اوكعت بلكاع آسر وسيف اخذوه للغرفه ضغطها صعد وشكلوله مغذي......