الرهَان

بارت 1

اسمي رهيف مواليد 2000 عمري 24من البصره ساگنه بغداد حبيت اشارگم قصتي لان نوعاً ما مختلفه خسرت اختي وامي وابويه انضلمت هواي بس رغم هاذ ضليت قويه
.
.
.
.
.
اني اديب مواليد 1989من بغداد چانت نيتي انتقام وثار بس صار العگس خليگم ويا البارت ومشاهده ممتعه

~~~~~~~~~~~~~~~~~~

حياتنه چانت حيل هادئه اني ورحيق ومامه وبابه
متمدده وراسي بحضن امي تلعب بشعري وتغنيلي بصوتها الحنين

رحيق تلعب بتليفونها

رهيف: مامه شوگت تولدين

خديجه: ياروح امچ بعد 5اشهر

رهيف: يعني هواي

خديجه: غمضي وفتحي وتلگين مينأ بحضنه

-گل عقلي غمضت وفتحت

خديجه: هههههه ولچ مامه مو هيچ حبيبتي يعني بعد هواي

رهيف: اسمها حلو

-حاوطتت وچهي بأيدها الناعمه

خديجه: وراح تتطلع على خواتها حلوه وعيونها كبار ورموشها كثيفه

رحيق: لا مامه تشبهني اليه

رهيف: شنو هاي مامه تشبها بس الها

-حضنتنه ثنينه

خديجه: لا مامه راح تتطلع تشبهگم ثنينگم

بس سمعنه صوت الباب انفتح دخل بابه بهيبته وطوله الحلو رگضنه عليه اني ورحيق حضنه بگل قوته

جاسر: الله ياريحتگم الحنينه الي عنده ثنين بنات
شيسوي بل ولد

-احنه حيل نحبك بابه

جاسر: حبيبات روحي وعوض ربي

خديجه: الغده گامل يبنات تعالو ساعدوني

-رگضنه اني ورحيق ويا امي فرشنه السفره ونقلنه الاگل ولتمينه ضحك وسوالف جنت اتمنه ربي ميحرمني من اهلي بس للاسف صار العكس

جاسر: خديجه باجر اريد اخذ البنات واروح الموصل اشوف اختي

خديجه: واني

جاسر: حامل اخاف عليچ

رحيق: لا تنقهرين مامه اني ابقه يمج ماريد اروح لان عندي امتحان

رهيف: بابه اني اروح وياك

جاسر: هاهيه حبيباتي براحتكم رهيف بابه بس تخلصين اصعدي لمي غراضج واحتياجاتج منطول يومين ونرجع

-فرح ولهفه هم اشوف الموصل وهم اشوف عمتي حبيبة روحي ماجنت اعرف راح تنگلب هاي الفرحه لحزن

ضميت كل غراضي واحتياجاتي ونمت واني انتضر الصبح يجي بس كلبي يأذيني واختنكت حسيت راح يصير شي ضليت اردد ايات لحد ما نمت

دگ المنبه الساعه 7:28گمت سريع بدلت ونزلت سلمنه على مامه ورحيق لزمت ايد بابه وضحگت بوجها چان يباوعلي بنضرات ما تتفسر