مثل حَال الگصب
لمَن تلزمَة النار
وحدة تواسِي وحدة
وكلهِن يگبن
الوجع ينهش بيه رغم هي رصاصه عابره بس اخذت نص حيلي اتونون ودموعي على خدي رغم مغمضه عيوني اسمع كلشي بس مااكدرت افتح اعتقد بعدني تحت تأثير البنج
اهمس بشغلات ممفهومه وانادي بأسمه وگانو هو ملجئي الوحيد وخرابي بنفس الوقت
حسيت بيه اخذ ايدي باسها بعمق وهو يهمس بأذني
أديب:- كوميلي أديب منتضرج
رمشت بعيوني وهمست بشي ممفهوم بس حسيت هلشي عبرت عن مشاعري اله
رهيف:- احبك اديب
أديب:- روح اديب هو هايم بيج
رجع عقلي شرد لبعيد حلمت اني واكفه وماده راسي من شباك استنشق ريحه المطر ولزرع غمضت عيوني واني ادعي ربي كلشي يعدي على خير وكلشي يتصلح حسيت اني احتاج احد ينصحني بخصوص هل موضوع يمكن بعدني مراهقه ومااعرف اختار الاختيار الصحيح او يمكن اذا اختاريته هو راح انجح باختياري
فززني صوت الباب التفت شفتها هاي مو غرفتنه الي بلبيت هاي غرفه جديده بس حلوه وكلشي مرتب بيها
دخل بطول وهيبته وشايل مينأ يلاعب بيها هو صح مينأ اختي وهي غريبه عليه بس حيل يحبها وگانو بنته
تقرب وهوا يبوسني براسي ويسحب نفسه الحار
ويلاطفني بگل حب
احتضن وجهي بأديه بكل حنيه وهو يشتت نضره اليه بس نضراته مافسرتها حب خوف رهبه شنو من حلم
أديب:- شلونه ابني؟
نزلت راسي لبطني واني اشوفها منفوخه عزه هاي شوكت حبلت ضحكت مصدومه
رهيف:- زين بعد شهر ويصيحولك ابو ذو الفقار
أديب:-اوف احلا ذو الفقار
ضحكت بصوت مسموع واني اراعي مشاعره عزه صخام شوكت حبلت
رجع همس بكلامات خوفتني مو خوفتني لا وكعتني
أديب:- رهيف
رهيف:- عيونها وروحها
أديب:- رايح اني بعيد اريدج تنتبهين لابني ولمينأ
لزمت كلبي بخوف تمسكت بأيده بأصرار:- شنو وين رايح لتعوفني مالي غيرك
هو بعده محاجي ودخلو ثنين استغفرالله وجوهم تلعب النفس واحد عنده شامه جبيره بخشمه ولثاني شعره جنه فلافل ملابسهم وصخه انطاني مينأ باسني وصار كدامي سحبو كدامي بكل برود اني ابجي واتوسل بيهم يعوفوه بس مايعوفونه اخر شي واحد منهم سحب سلاحه وضربني بطني
رجعت لواقعي على اثر صرخه مني واني لازمه بطني
رهيف:- ابني ابني مات كتلو لا لا يمه لا تروح فدوه رحتلك
الكل فزو مرعوبين اولهم هو اخذني لصدره خايف يهدي بيه
باوعته ودموعي شلالات:- اديب اخذوك مني كتلو بني اديب لا تروح وياهم
أنت تقرأ
الرهَان
Romance- ولكنِي أعود إلي دون شيئًا مني خاويًا، مجوفًا، خاليًا، و فارغًا، حتى هذه المُفردات لم تعُد تشبهُني، سئمت وصف هذا الحَال سئمت مِني.
