فزيت بغزرة ابرة بأيدي بلعت ريگ واني اشوف خيال يشگل الگانونه بأيدي مسد على شعري وابتسم
- خوفتيني عليچ
- نترت ايدة مني رايحة روحي على اهلي
- ابتسم تگ خد عافني وطلع ضليت اسد بعيوني وافتح بصعوبه صار النعاس يتغلب عليه
فترة وفزيت بردانة گمت سندتت حيلي على الحايط ردتت اطلع اشرب مي بس استوقفتني اصواتهم ضليت واگفه ورا الباب استمع لحديثهم
- يعني من انحرگ بيتهم انتة ماجنت بوعيگ؟
- اي
- وهيه خوما درت بيگ انتَ مريظ
- لا گل مرة احاول اسيطر على نفسي گدامها وماابين الها
- خيال
- ها
- لازم تعرف انتَ عندك انفصام بلشخصية
- خليت ايدي على حلگي مذهوله من الي سمعته
- ماريدها تعرف ماريدها تخاف مني ماريدها تعرف شخصيتي الثانيه حبتها رادتتها عقلي يسولف بيها يشار انا هايم بيها خايف عليها مني خايف يچي يوم اكسرها وانا مو بوعيي
- ليش مترچعها لاهلها؟
- ماكدر يشار أمامة صارت روحي مااكدر ارجعها اذا رجعتها اموت
- ولحل خيال؟
- انتضر موت لهب على ايدي واسلم روحي للشرطه وبهذاك الوگت راح اگضي عمري گله بلسچن احاول انساها
- واهلگ؟
- حچه بنبرة خفوت وحادة
- اهلي ماتو منزمان خيال ماعنده اهل
- طبط على اكتافه واردف
- اني وضافر اهلگ
- خيال ساند روحه بأخوته
- حضنه وگام طلع من صدمتي ضليت متصنمه بمگاني احاول استوعب الي سمعته يعني اهلي عايشين
- واني بعدني على حالتي ايدي على حلگي دخل خيال مصدوم
- لزمني من ايدي عاقچ حواچبه عيونه حمر ومن گثر الغضب برز شريان بگصته
- سمعتي الحچي امامة؟
- هزيت راسي بمعنى لا واني دموعي على وچناتي
دفعني حيل انضرب ضهري بنهايه السرير شاغت روحي
- لزمني من شعري يعت بيه عت
- ليشش چنتي تتصنتين علينه
- صار يضربني راشديات ومن كثر ماايده قويه وجهي خدر
- ماسمعت شي وخر خيال
- رچع دفعني سحب حزام يريد يضربني
- صار وجهه ابويه گدامي ومعاملته الي من چنت طفله
- توسلت بيه مايضربني بس گانو مو بوعية
- ليش كشفتي سري
- صار يضرب بگل قوته واني ويا گل ضربه تشيغ روحي وارچع اقاوم
- نطقت اخير حچاية بصعوبه
- خياااااال
- طحت بـ لارض اناغش ذب الحزام بلارض واچه يرگض خلاني بحضنة من الضغط حسيت الدم ينزل من خشمي
- صار يضرب بوچهي دفعته مني گمت اسند روحي بروحي رحت للحمام قفلت الباب عليه گعدتت جوا الدوش ابجي وانحب
- صرت اضرب على رچلي وعلى وچهي چسمي گله يوچعني
- صار يضرب بلباب بكل قوته ويصيح
- أمامة بس افتحي الباب
- عطتت بيه صوتي ممبحوح
- امشيي روح امشي الله ياخذ حيفي منگ
- تچاهلت عياطه وگلامة گعدتت چوا الدوش ويا گل قطره تنزل چسمي يوچعني ويلبگني حسيت نار تتطلع مني تعبت بچيت صار الضلام ياخذني
أنت تقرأ
الرهَان
Roman d'amour- ولكنِي أعود إلي دون شيئًا مني خاويًا، مجوفًا، خاليًا، و فارغًا، حتى هذه المُفردات لم تعُد تشبهُني، سئمت وصف هذا الحَال سئمت مِني.
