تنبيه ‼️ : ياجماعه انا غلطت باسم المولود اسمه نياف والكيبورد غلط وحطه سياف
———————————
عند هيام كانت تمشي وراى البنات وهي تهوجس وبالها يجي ويروح تركتهم وطلعت لـ السطح وجلست على الجلسه حقتهم الدايمه الي تجلس عليها هي والبنات ريحت ظهرها على الجدار ولمت رجلينها وتكورت على نفس تذكرت انها راح ترجعله هي ماتبيه ماتبيه لو طال الزمن او قصر هي ماتواطنه بعيشه الله للان نظرتها فيه المعهوده انه شخص متكبر وشايف نفسه ويهاوش على اتفه الاسباب عمرها ما شافت الجانب الحلو او الايجابي منه بدت تنزل دموعها على خدها وغمضت عيونها وفتحتهم بقوه لمى سمعت الصوت الي بجانبها لفت برعب وكانت ريم جت وجلست عندها مسحت دموعها هيام بسرعه وقالت : ريم وش مصحيك للحين ؟
ريم : يا الظالمه مانمت كنت انتظرتس ولما شفتس تاخرتي قلت بروح اشوفها
هيام : يلا اجل خلينا نروح تاخر الوقت
ريم شافت وجهه هيام متغير وسالتها : فيتس شي ؟
هيام ما كانت تبي ريم تلمحها ونَطقت : لا مافيني شي .. بعدين بقولتس
نزلوا وراحوا ينامون
——————————-
عند خلف كان متحمل من محمد انه ورطه ودخله في مشاكله وهو الي يكره احد يتدخل او انه يدخل احد ويورطه عرف ان محمد كان متفاجاء ومن حبه لجده وافق كان مشوش مابين انه ارتاح من الجادل والهم الثاني هم هيام الي في كل شي يربطونها معه كان ناوي انهم يصارخ يقولهم " انا مابيها ولا ابي احد انتوا ليه ما تفهمون ليه تجبروني على شي تعرفون اني ما اقدر عليه ايه تبوني اظلم نفس ليه ليه تخلون البنت تتعقد معي ليه " كانت كل هذا مخبيه بقلبه ومستحيل انه يقول لاحد لانه مثل ما تعود او انه عود الناس دايم يشوفونه انه الشخص الجامد الي ماعنده مزح وطقطقه زي اخوانه هو من يوم كان صغير كان جده يضربه اذا شافه يبكي وهو الحين تعقد ولا مره شهدوا الناس على دمعه منه حتى هو عادي عنده بالايام ما يبكي هو هو اعوذ صار مايبالي بس داخله تضج بالبراكين والنار الي داخل صدره تعوذ من ابليس وراح يغسل وجهه واستسلم للنوم
————————————-
محمد الي دخل الغرفه مع العيال وانسدح على فراشه وهو هادي هذي اول مره ينام وهو هادي طول عمره وهو دايم يا يحارش سالم او تميم او عبدالرحمن مايخليهم يتهنون دايم يمقلبهم يصورهم بابشع الصور الي هم فيها ويجلس يضحك لين ينام بس الحين غير حتى العيال استنكروا هدوئه وعذروه لان الشي الي جاه ما يسر الحال ابدا
تنهد وسحب لحافه وحاول ينام لين داهمه النوم
———————————
دخل سعد الغرفه الي موجوده في غرفه اهله لانه هو حط له غرفه مثل اذا جاء عند اهله يلاقي غرفته جاهزه وشاف لطيفه تلحف صالح بعد ما نومته والتفتت له بابتسامه وقالت : سعد اكيد انك تعبان تعال ريح
انبطح على السرير وجت عنده لطيفه : في شي !.... متضايق ؟
تنهد سعد ونطق : حال خلف يا لطيفه مايسرني هذي الايام بالتحديد جدي صاير يضغط عليه واجد
لطيفه : عاد جدي الله يخليه يتركه هو رجال ويعرف يدير حياته
سعد : مدري وش اسوي حالهم ذا ماعجبني ابي اتكلم بس محد بيسمعني
لطيفه بابتسامه : وش دراك يمكن تكون خيره لهم محد داري
بادلها الابتسامه وحب فوق راسها وانسدح بينام وهي تلحفت ونامت
—————————————
( مثل ماقلت الولد غلطت بالاسم اسمه هو " نياف " )
في المستشفى كانت جالسه وطفشانه دخل ناصر : ها وش تبيني اجيبلتس من البيت ؟
نوف : خل جود تجيبيلي كم لبس ولحاف لـ نياف
هز راسه واول ما جاء بيطلع دخلوا الجد والعمام والحريم والبنات والفرقه صارت زحمه انبسطت نوف واخيرا جو يزورونها اشتاقت وكثير سالها الجد : كيفتس يابنيتي عساتس طيبه ؟
نوف بابتسامه : الحمدالله ياجدي
ابو صالح : الحمدالله على السلامه ومبروك المولود
نوف : الله يبارك فيك ياعمي
ابوهيام : الحمدالله على السلامه يا بنيتي
نوف : الله يسلمك ياعم
نزلوا الجد بعد ما باركوا لناصر وما بقى الا الحريم الي يباركون لنوف
جود : نوف ابي اشوفه تكفين
نوف : روحي قولي لهم انا مالي شغل
قاموا ريم وجود يقولون الممرضه تجيبه وجابته واخذته جود بحذر وتوتر : يمه بنات نتفه بين يداتي
ام محمد بخوف : جود بنت حطيه لا تطيحين ولد اختس
راحت جود تمشي بشويش للبنات وبدوا يبوسونه وياخذونه باحضانهم اما نوف الي بين ما تسمع كلامهم وتلقت للبنات وهي خايفه عليه وقالت : بنات خلاص عطوه امي
راحت ريم وعطته ام محمد الي خذته وهي تمسي عليه : ماشاء الله تبارك الله يشبهتس وانا امتس
ضحكت ام سعد : شوي منها وشوي من ناصر
ام هيام : والله ملامحه شوي جايه على خلف صح ولا انا اشوف كذا
ام محمد : صادقه فيه لمحه منه ولفت لنوف : الا يابنيتي انتوا اذنتوا في اذنه
هزت راسها بايجابيه : ايه .. امس ناصر اذن في اذنه
ابتسم ام محمد وقالت: انا ببقى عندتس الليله
نوف : لا يمه لا تتعبين روحتس ناصر ولا جود ولا وحده من النبات بتبقى عندي
ام سعد : لا يا ام محمد انا ببقى عندها انتي الي ارتاحي
ام محمد عارضت واصرت انها تبقى عندها عشان تساندها او اذا جوها زوار من اهل الديره لانهم يزورون بعضهم بالمستشفى
راحوا واخذوا ناصر الي اصر انه يبقى لكن العيال رفضوا وقالوا له انه لازم يريح شوي وبعدين يروح وبقى عندهم عبد الرحمن
——————————
عند سالم الي استاخذنهم وقال انه بيروح الوجلان لانه ماراح امس واكيد ان الحلال حالهم ما يسر لان الراعي يروح مع سالم ويرجع اذا جاء راح واخذ الراعي معه وانطلقوا للوجلان بعد ما اصر تميم انه يروح معه ويشوف الوجلان ذي الي خذت عقله وانه يبقى فيها بالساعات وقفوا السياره ونزل الراعي يشوف الحلا وسالم لف على بيتهم وشاف الاضواء شغاله وارتاح لمى عرف انهم موجودين صار يحب يكون متواجد اذا كانوا فيه بس اذا راحوا يشوف ان قعدته مالها لازم ويتضايق ويروح لف على صوت تميم : والله يابو متعب انت ماتخلي الخيمه تغبر ابد المكان نظيف واقول يلا بنسوي شاهي يحبه قلبي
ابتسم سالم وصفقه على ظهره : اقول ولا يكثر انت سوه انا اكبر منك
تميم : ياخي انا اكرهكم كل ما كلمت واحد من العيال قال انا اكبر منكم الوحيد الي على عمري وما يتطاول دحوم لبى قلبه
سالم كشر : لو سمعك تقوله كذا بيكرهك صدقني ... يلا عجل الشمس بدت تغيب
وراحوا يسوون شاهي وجلسوا ونادوا الراعي يتقهوى معهم
—————————
اما البقيه فكانوا يتجهزون بيروحون يخطبون لمحمد الي كان بارد وماصدر منه اي ردت فعل هو كذا من يوم قالوا له وبس مغزاه يبي يعرف تاليتها وهل بيتقبلها او لا وكان مريح قلبه بكلمه " لعلها خيره " وخلف الي حاله مايسر كان يتجهز وهو ضايق دخل سعد وطبطب عليه : يالله ننتظرك
هز راسه وقاله سعد : خلف تكفى وان اخوك لا تضايق عمرك هذا مهوب ذنبك ولا ذنب محمد ولا ذنب هيام .. ولا ترجع تظلمها وتعيد غلطتك
هز راسه ونطق: ابشر
راحوا وطلعوا البنات بعد كلهم تجهزوا وما بينهم هيام الي كانت جايه بس عشان البنات اصروا عليها
ركبوا واتجهوا لبيت سعود دقوا الباب وفتح لهم سعود وهو يرحب فيهم ودخلهم وهو مستغرب تقلب وجه صاحبه وصديق عمره الي من يوم هم صغار وهم يشاركون احزانهم لبعض ويفزعون لبعض وما عمره واحد منهم اخذ على خاطره من الثاني دايم اذا كانوا ضايقين يدقون على بعض وينسون الزعل والضيقه ودايم مشاكلهم تكون بسيطه او عند شي تافه وتنتهي بسرعه دخل وهو يرحب ويضيفهم نطق الجد بصوت ضخم : احنا جايينك اليوم ياولدي نطلب يد اختك الماصونه لولدنا محمد
وكانه ماء بارد انكب عليه ولف على خلف الي كان يناظر فيه وبعدها نزل عيونه لما شافه يطالع فيه ونطق باستغراب : كيف هو خطبها خلف ؟
الجد : صار سوء فهم وخلف متزوج ومحمد نفس خلف واكيد انه بيصونها
هز راسه ونطق : والله نتشرف وهذي الساعه المباركه بس بشاورا الاهل وبرد
الجد بحده وكانه ما عجبه الوضع : وش رده الرجال شاريها وانا اعرف احفادي ما ربيتهم الا على المرجله والكرم
سعود : وانا اشهد بس تعرف يعني لما صار الخاطب محمد باخذ رايها ونرد عليكم ماراح نطول
هز راسه الجد وهو ماعجبه الوضع بس سكت عشان ما يخربها
—————————
عند الحريم بعد ما دخلوا جت جارت الجادل الي تعتبرها زي امها عشانها مره قريبه فقررت انه تخليها هي الي تستقبلهم بعد ماضيفتهم دخلت الجادل وهي مستحيه سلمت عليهم وشافت نظرات ام محمد بتخترقها جلست ونزلت راسها تحت نطقت ام محمد بأعجاب : ماشاء الله وش ذا الزين الله يحرسك من العين
جارتهم ام هزاع : امين
ام محمد : حنا جايين نطلب يد المزيونه لولدنا محمد
ام هزاع : والله هذي الساعه المباركه ... ياحياكم الله
كانت مصنمه مكانها شلون شلون محمد هو كان خلف وش صار وكيففف صار محمد فجاه لا انا مابيه مابيه انا ابي خلف ابيه لي وبس لفت على هيام الي كانت ماهي معهم وبس تجاوب اذا البنات سالوها في شي وتفكيرها كله على حظها الي يجيبيها كل شوي لخلف حقدت عليها اكثر وكانها تقول " انتي الي سرقني حبيبي مني والله ما اخليك تتهنين يا هيام "
