حسابي بالانستا الكل يضيفني : tuwqa16
حسابي بالتيك: rem1122333
لاتنسون تضيفوني ضروري
————————————
قام ناصر وقال : انا ) والكل ناظر له تذكر انه ما يعرف منها شي
تكلم الجد : انت وش اهرج
ناصر : لا بس اقول انا باقي ادور فارسه احلامي
بعد ما انتهت الجلسه والكل قام لشغله راحت ريم تلبس فستان نوف وتقيسه عليها فجاه دخل عليها ناصر من لمح الفستان الاحمر وقال: ذا حقتس
ريم : لا حق نوفوه بنت عمي سليمان بس اعترف انه حلو علي صح
انصدم ناصر من عرف صاحبه الفستان الي خذت عقله راح وترك ريم ولا رد على سوالها وهو يفكر وبنفس الوقت مبسوط انه عرفها اخيراً
———————————
عند البنات
هيام : طفش الحريم راحوا عند ام عبدالله والرجال راحوا لمجلس الديره والعيال للعزبه واحنا بقينا هنا
ريم: وش رايكم نعزم بنات الديره عشان امس ما عزمناهم
يجون ونفلها ونستانس
البنات : تممممم
مروى : اغبياء انتوا كيف بنعزمهم
ريم: سهله بخلي ريان يروح يقولهم
وافقوا البنات وبدوا يجهزون الاكل و يرتبون السطح عشان الجلسه بتكون هناك
—————————-
كانوا العيال في العزبه ويتهاوشون من يعطي خلف قصيده يقولها جاهم ناصر وجلس عندهم وهو يفكر والتفت على خلف وقال : قل قصيده غزل
خلف : احلف ! لا انا ما اقول ذا القصايد الحين بيغثوني اني احب ما ني ناقص
سكت ناصر ما يبي يظغط عليه زياده ورجعوا يطبلون ويغنون
————————————-
البنات بعد ما جهزوا جوا البنات وطلعوهم السطح وبدت السهره الي كلها ضحك و وسع صدر و بعد ما خلصت سهرتهم وراحوا بقوا البنات بالسطح يسولفون
نوف : بنات وش تتوقعون كان بيقول ناصر ؟
ريم : ما تعرفين ناصر وغبائه يبي يلفت الانتباه بس
هيام كانت ساكته وتكلمت: بنات ما دامه اعترافات اخر الليل ومحد بقولكم شي
البنات بخوف : قولي
هيام : انا احب واحد كان ولد جيرانا وكنت العب معه بس اما نقلوا ما عاد سالت عنه ولما اكلم صديقتي الي كنا نلعب انا وياها معه تقول يسال عنك
جود: اوففف اعترافات اخر الليل يلا الحين هيام وبعدين نوف
نوف: يع مستحيل احب احس لا
مروى: اسكتوا اي كملي
هيام : بس وصراحه انتوا اول من يعرف تكفون لا تعلمون احد
صفا : ما عليك سرك في بير
حنين : يعني انتي قصدك تبين تتزوجون انتي وياه
هيام : واخيرا احد فهمت
ريم : طيب مستحيل يجي الديره
هيام : لا يمكن نرجع انا وامي عند خوالي بنبقى عندهم اسبوع كذا وبحاول في امي نروح عندهم
قطعوا سالفتهم من جوا الحريم نزلوا البنات عندهم
وجلسوا
ام سعد : ماشاء الله على بنت ام علي تهبل
العمه شريفه : اي والله انتس صادقه تطيح الطير من السماء
حنين: يمه ذيك مها ؟
ام سعد: ايه هي ما غيرها تجنن
ريم: والله انها خايسه وين الزين عنها
العمه شريفه : اسكتي والله انها حلوه
مروى تهمس لريم : شوفي الحين اذا قلتي لهم بنت ام فواز
بيقولون خايسه
ريم : بقولهم الا يمه شفتوا جنى بنت ام فواز
ام محمد : ايه حلوه ما شاء الله عليها
العمه شريفه : لا بالله الزين ما طرالها وين زينه الا شينه
ام هيام : هي ذيك الي رويتيني اياها ام ثوب اخضر
العمه شريفه : ايه هي ما غيرها
ام هيام : والله انها حلوه وش فيها
قطعوا السالفه من جو العيال والجد وما يشوفون الا غبار البنات
بس من حسن حظهم كان الجد والرجال قدام العيال ولما دخلوا العيال ما شافوا شي
دخلوا البنات الغرفه وهم يالله يالله يتنفسون
هيام : حمدالله ما احد شافنا
جود : منجد
شوي الا يسمعون صوت الجد الي يناديهم كان ييي احفاده كلهم موجودين لبسوا البنات وطلعوا وجلسوا عندهم
تكلم الجد : وش رايكم يا عيالي تزوجون عيالكم تراكم طولتوا مره
سعد: الحمدالله انا متزوج ولله الحمد
تميم : ياجد الزواج مسؤوليه ويبيله احد فاهم وعاقل وانت خابرنا مجانين
ناصر : لا كذاب بنص عينك محد مجنون غيرك
تميم ناظر في خلف الي تنحنح وعرف انه جاب العيد لان خلف ما يحب احد ينقصه او يتهمه بانه للان ماهو رجال
الجد: شوفوا سعد قلنا ياولدي كيف الزواج
سعد: صراحه ياجد الزواج يبيله مسؤوليه فيه جاني سيئ للبعض لكن انا الحمدلله مرتاح ومن شوري تزوجهم يا جد
هز الجد راسه شوي الا يجي صالح ويجلس في حضن ابوه قال سعد: شفتوا هذي الحسنه في الزواج
ناصر وده يقول انا لكن خايف من رد نوف يمكن ترفضه او عمه بحكم انه عصبي وغثيث يرفض فكر وتشجع : انا ياجد ودي اعرس
الكل انصدم من كلامه طبعا الكل ما توقع ان ناصر بيتزوج لانه كان شايل الفكره من باله لان كل من قاله تزوج يرفض
الجد بفرحه : اقدم يا ولدي ولك الي تبيها
همست نوف في اذن ريم : يقول منهي سعيده الحظ ويخلصنا اخوك
ريم بضحكه : واضح منحرج من تتوقعين
نوف توها بتتكلم بس الجمها رد ناصر لما قال لابوها قدام الكل : انا ياعم سليمان طالب بنتك نوف على سنه الله ورسوله وقدام الكل
الكل انصدم من رد ناصر ومن ضمنهم ريم الي ضحكت من بين صدمتها لان ما توقعت انها بتكون نوف وفي نفس الوقت انبسطت
الكل كان ساكت لين تكلم الجد : تكلم يا سليمان وش بتقول
ابو محمد كان منصدم وقال : والله هذي الساعه المباركه بس بنشوف راي البنت
الكل كان منصدم من رد ابو محمد الي ماتوقعوا انه بيوافق بحكم ان ابو محمد انسان ما يحب غير نفسه ومتسلط
الكل ناظروا في نوف الي من شافت نظراتهم فرت بريشها
قاموا البنات وراها وهم يضحكون دخلوا وكانت نوف مصدومه
ريم كانت تغني ومبسوطه : ومباركين عرس الاثنين ليله ربيعين وقمره والي جمع بين قلبين الله يطول بعمره
وجود تصفق وتعزز لها
هيام : بنات الموضوع ما ينمزح فيه صراحه وانا مالي دخل بطني مغصتني
نوف : ليه ليه
حنين : بنت انتي ما تبينه
نوف : لا مو سالفه ما ابيه على الاقل كان قالها بينه وبين ابوي احرجني قدامهم ماعرفت وين اروح كان ودي الارض تنشق وتبلعني
هيام : استخيري وشوفي احنا الحين بنترك
نزلوا البنات وراحت نوف توضي وتصلي
————————-
في الحوش الكل راح ينام الا ناصر الي نزل برا البيت ولحقوه محمد وتميم راح ناصر لين العزبه المكان الي يتجمعون فيه وجلس وهو ضايق يحسب ان نوف رفضته
محمد : علامك يا ولد وراه وجهك كذا
ناصر : خلوني لحالي تكفون
تميم : الله لا يخلينا ان خليناك قم يا رجال
محمد : تحسبها رفضتك يا غبي هي بس بتفكر
ناصر : شدراكم يمكن رفضتني
تموا العيال في العزبه يتبادلون الهموم
———————————-
صباح جديد ويوم جديد تجمعوا العائله في الحوش والكل كان منتظر رد نوف كان ناصر متوتر اما نوف كانت متوتره بس جزء فيها مرتاح تكلم ابومحمد بعد ما اخذ قرار بنته : وانا عطيتك اياها والله يجمع الي فيه الخير
الكل انبسط بالخبر والكل يبارك وناصر الي الدنيا ما شالته من الفرحه
اسفه على السحبه بس مثل ما نزلت بالانستا اني كنت تعبانه ف دلعتكم بذا البارت استمتعوا )
