Hollow Spirit 🍁

🍁එකසිය දහ නමවන දිගහැරුම🍁

" නිකේත්..... බලන්න ෆ්‍රිජ් එකේ ඇති තව ferreo rocher  එකක්...."

" අම්මෝ අයියේ මොකද අනේ මේ ෆ්‍රිජ් එක? සාමාන්‍ය මනුස්සයෙක්ගෙ ෆ්‍රිජ් එකේ තියෙන්නෙ එළවලු පලතුරු උනාට මෙකේ තියෙන්නෙ බෝතලුයි ජන්ක් ෆුඩ්ස් ඇන්ඩ් චොක්ලට් විතරයිනෙ....."

"ඔන්න ඕක අරන් වරෙන්කො මගුලක් බලන්නැතුව....."

සීරුවෙන් කේක් එක දිහා බලන් ඉදල මන් කියද්දි නිකේත් ferreo rocher පොඩි බොක්ස් එකක් අරගෙන ආවා.....

නිකේත් අපේ ගෙදර ආවට පස්සෙ ටිකක් වෙලා කයිය ගගහ ඉදල මායි නිකේතුයි කලේ කේක් එකක් හදපු එක.... තනියෙම ජීවත් වෙන්න ගත්ත මුල් කාලේ මට ඔය කේක් ජාති පුඩිං ජාති හදන්න පිස්සුවක් තිබ්බා..... වැඩියෙන්ම කේක් හදන්න නෙමෙයි ආස අයිසින් කරන්න වගේ ඩෙකරේෂන්ස් වලට.....

කේක් අර හදන එක නම් ටිකක් භයානකයි.....ඒවට පළපුරුද්ද නොසෑහෙන්න එපැයි.....පස්සෙ පස්සෙ මන් කලේ කඩෙන් බටර් කේක් උස්සන් ඇවිත් ඩෙකරේට් කරපු එක....

අද මමයි නිකේතුයිත් කලේ ඒක..... බටර් කේක් ගෙනල්ලා තට්ටු තුනක් විදියට අයිසින් දාලා එකට තියල චොක්ලට් වැක්කෙරෙන්න වගේ කේක් එකක් හැදුවා....බැලූ බැල්මටම රහ පාට නම් තියෙනව....බය වෙන්න දෙයක් නැ කඩෙන් ගත්ත කේක් එකනේ..... අනික් දේවල් නම් මාත්‍රාව බලලා ගානට දැම්මා.....

" ඈ අයියේ...දැන් වත් ඔය ජන්ක් ෆුඩ්ස් නැවැත්තුව නම් හොද නැද්ද ? මේ ගේ වටේ වටයක් යද්දි මට පිස්සු හැදෙනවනේ....."

නිකේත් කිව්වෙ සාලෙ දිහාවට බැල්මක් දාලා...... සාලෙ කෙලවරක තිබුන කබඩ් එකක හරි ලස්සනට තියල තිබුන බ්‍රැන්ඩි විස්කි බෝතල් දිහා බලන් කොල්ලා කිව්වෙ ඒ ඇස් වලින් එහෙන්මම සෝපා ටේබල් එකේ කබඩ් එක ස්කෑන් කරන ගමන්....ආහ්!ඒක පිරෙන්න තිබුනෙ චිප්ස්..... ඕක විතරක් නෙමේ...ඇද යට කබඩ් එකෙන් තිබ්බෙ ඒව.....

මන් නම් සුපිරිම විදියට කාලකණ්ණි වෙලා ඉවරයි !

මෙව්වා හදල ගහන්න අංකල් නැති නිසානේ මේ සේරම.....

" දැන් හරි ...."

මන් කිව්වෙ ෆයිනලි කේක් එක දිගා බලලා.... කේක් එක චොක්ලට් පාට අයිසින් වලින් කවර් කරල ඊට පස්සෙ ඩාර්ක් චොක්ලට් වැක්කෙරෙන්න වගේ දැම්මා..... ඉන් පස්සෙ ඔය කිට් කැට් , ferreo rocher වගේ දේවල් වලින් ඩෙකරේට් කරල hersheys kisses ටිකක් වටේට තිබ්බා.....