حوقلو
"لا حول ولا قوة إلا بالله"
من ذا يبلغها بأني مُتعبُ؟
والشوق في جنباتِ قلب يلعبُ..
من ذا يُبلغها بكُلِّ بساطة أني بدون وجودها أتعذبُ في موطني..
مابين أحبابي هُنا
لكنني من دونها أتغرب.
"سويسرا " 2024
دخلت البيت وتقدمت لأخواتها اللي جالسين يتابعون فيلم.. مزاجهم متعكر بعد آخر مكالمة مع أمهم بأنه مايصير ما يجون بعد وفاة أبوهم "طلال"....طلال توفى من اسبوعين لكن ماقدروا يجون علطول بسبب ظروفهم.. مضطرين يرجعون للديرة بعد 15 سنة من بعدهم عن أمهم وديرتهم..
تقدمت لهم ووقفت امامهم تمنع عنهم رؤية الفيلم ونبست: حضرتوا الشنط؟؟
تأففت ليال: بنحضرها بعدين.. بس وخري جيتي على أهم لقطة
أخذت نفس عشان لا تعصب عليهم: تستهبلون صح؟؟!! ترا موعد طائرتنا كمان ساعتين!!يلاا قوموا
ناظرتها حياه: علامك؟
تنهدت ولفت لها: مافي شي..يلا قوموا
تقدمت ليلى: يعني لازم نروح؟؟
نبست ريحانه بهدوء: ماتبي تشوفين أمك؟؟
ماردوا عليها وقاموا متوجهين لغرفهم
جلست على الكرسي وسندت ضهرها ورفعت راسها لأعلى تناظر السقف بهدوء، عقلها مشوش مره... ماهي قادرة تواجه أصعب وأكثر مكان تعذبت فيه نفسيًا وجسديًا، هي بأخر العشرينات ورغم ذلك تخاف من المواجهة.. تخاف تضعف قدام اخواتها، ماتبغى تحسسهم بشي ماتبغى تعرفهم أنها لازالت تتعالج من الألم النفسي الي كانت تتعرض له ولاحتى تبغى تبين لهم انها ضعيفة لذي الدرجة..
قاطعت افكارها لما شافت قطرات موية تتناثر على وجهها نزلت راسها بصدمة تناظر الي واقفة ماسكة كوب الموية ونبست: وشفيك يا بنت مجنونة انتِ؟؟!!
تقدمت لها ليلى: صارلي سااعة اناديك!!! ايش الي جالسة تفكرين به انتِ؟؟
قامت ريحانه: وش تبي؟؟؟
ليلى: ما بتحضرين شنطتك يعني؟
ناظرتها ريحانه بعصبية: جاية وراك
مشت ليلى بأتجاه الغرفة ودخلت وراها ريحانه توسعت عينيها بدهشة: بسم الله وش ذي الفوضى!!!
ضحكت ليال ولفت لريحانه: حياه قلبت الغرفة عشان تلاقي كحلها
ضحكت ريحانه وفتحت شنطتها ونبست بضحكة: ذا؟؟
تقدمت منها حياه تشده من يدها: ليش ما قلتيلي انو معكك؟؟
جلست على السرير الي ممتلئ بلملابس والشنط ووسعت الملابس عشان تفضي مكان تقعد فيه ونبست: ماسألتيني.. وبعدين انتو تستهبلون ليش كل الشنط ذي؟؟ هو اسبوع بنقعد هناك ونجيب ماما ونرجع
تقدمت حياه: طيب اسبوع يعني أقل شي 3 شنط لكل واحدة فينا
ريحانه: ترا هي شنطه وخلاص!
لفت لها ليلى: طيب عادي بناخذ زيادة عشان لو طولنا
لفت لها بعصبية: لا لا ما بنطول
جلست حياه جمبها: طيب وشفيك ليش معصبة من الصبح صار شي بلشركة؟؟
تنهدت ريحانه بضيق: كلعادة المدير المقرف ذا ماكان يبغى يعطيني اجازة
جلست ليال على طرف السرير ولفت لها: احسن!
عقدت ريحانه حجاجها ونبست بأستغراب: احسن!!؟
ليال: اي احسن خالد ضل يترجاكي تشتغلي عنده وانتِ ما وافقتي
ريحانه: ماراح اكون مرتاحه وش اسوي يعني!!!
حياه: لييش يا بنت ترا والله بيكون شي حلو خطيبك ومديرك بلدوام الله!
عقدت حاجبيها: خطيبي!! تستهبلين مافي شي رسمي للأن
تقدمت منهم ليلى: والله الولد يحبك ومتقدم لك رسمي وافقي وخلاص
قامت ريحانه من مكانها ونبست بعصبية: والله ماني فاضية لكم بروح احضر شنطتي
حضروا الشنط ومشوا متجهين للمطار ..
أنت تقرأ
لو الخلايق على حبك تنازعني يبطون
Romanceيا سعود إن ما جابه الشُوق وشلون بتجيبه مكاتيبي؟. يا سعود عاقني حُبه عن المحبين من يفك القلب منّه. مرت سنين يا سعود ما فارق البال له في حنايا الروح روحي وجيّه. والم...
