"حوقلو"
لا حول ولا قوة إلا بالله
"نجد، الديرة مزرعة الجد راشد"
8 اكتوبر 2008
الساعة السابعة صباحاً يوم الاربعاء
بيت «طلال»
فتحت باب الغرفة وهي بحضنها دبدوبها تدور ع أمها مثل كل يوم: ماما ماما...
لفت ريام لها وهي واقفة بالمطبخ تحضر الفطور:
أنا بالمطبخ ريحانه..تعالي
دخلت ريحانه المطبخ وهي توها صاحيه: ليش ما صحيتينا ماما تأخرنا على المدرسه مرره
لفت ريام لها: ترى ما فيه دوام اليوم
ريحانه: ليش؟!
ريام: اجازة رسمية يعمري
تنهدت ريحانه ولفت لها ريام: روحي صحي اخواتك عقبال ما أحضر الفطور
ريحانه:حاضر ماما...
دخلت غرفتها الي كانو يشاركونها فيها أخواتها على الرغم من أنها غرفه صغيرة لكن كانوا يحبونها مرره ويهتمون بنظافتها..
أشعلت ضوء الغرفه وهمست: حياه حياه يلا اصحي حياه... اففف ليال ليااال ليلى ليلى ايش فيكم يلا أصحوا قلت لكم أمس لاتسهروا..
طلعت من الغرفه وتنهدت: ما يبغون يصحوا
لفت لها ريام: طيب أنا بصحيهم.. أنتِ روحي حضري الطاولة عقبال ما أصحيهم
ريحانه: حاضر..
خلصوا فطور وعلى طول طلعو البنات ليلى وليال وحياه يلعبون مع عيال أعمامهم لكن ضلت ريحانه تساعد امها
ريام: لا يا ريحانه إتركي انتِ الطاولة وروحي العبي معاهم
ريحانه: حاضر ماما بس متى بابا بيرجع
لفت لها ريام:بعد أسبوع إن شاء الله
توسعت عيون ريحانه: يعني يمدينا نلعب كل يوم لمدة اسبوع
ضحكت ريام وهي تغسل صحون الفطور: أي حبيبتي
تركت ريحانه الصحون وطلعت تلعب مع أخواتها وعيال أعمامها لكن ما أمداها تقفل باب بيتهم إلا تجي كرة بوجهها توقعها على الأرض..
انصدموا البنات وعلطول ركضوا بأتجاه أختهم..
بهاج وهو يركض: غبي أنت أحمد ما تشوفها
نبس أحمد وهو خايف على وجهها: والله أسف أسف ما أخذت بالي والله..
بهاج: ريحانه أنتِ بخير؟!! تعورتي؟؟ فيك شي؟؟؟!
ماردت عليه ريحانه وظلت تبكي..
خرجت ريام بسرعه على صوت بكاء ريحانه وقالت بخوف: بسم الله عليكِ ايش في وش الي حصل!!
حياه: أحمد كان يلعب بالكرة وأجت على وجهها
برق أحمد لحياه عشان تسكت: ماكنت أقصد والله يا عمة..
شافت ريام وجه ريحانه وماكان فيه شي وتنهدت: طيب الحمد لله.. روحوا أنتو كملو لعب وريحانه بتجي بعدكم
ركضوا كلهم يكملون لعب إلا بهاج ضل واقف عند الباب ينتظر ريحانه تغسل وجهها وتجي..
طلعت ريام مع ريحانه بعد ما غسلت وجهها: بهاج! إيش وقفك هنا حبيبي روح ألعب
بهاج: كنت أنتظر ريحانه... ريحانه إنتِ بخير؟! ريحانه: أي..
دخلت ريام البيت وتركت بهاج وريحانه واقفين عند الباب..
بهاج: تعالي نكمل لعب
همست ريحانه وعيونها حمر من البكى: لا ما أبغى يا بهاج
لف لها بهاج: ليش!؟
رفعت راسها من على الأرض وتنهدت: ما بعرف ألعب وأخاف لأن أحمد وآدم يضايقوني
ميل بهاج راسه: تخافين وأنا موجود؟ يلا يا ريحانه تكفين لا تخافين..
طلعت ريام من المطبخ تحسب ريحانه نست تقفل الباب: اما لسه واقفين!
ريحانه: ما ابغى العب ماما أخاف
بهاج: والله يا خالة جالس اقنعها تجي معي ولا تخاف منهم ما بتسمعني
ريام: يلا يا ريحانه بهاج معك لا تخافي..
تنهدت ريحانه: طي..
مسك بهاج يد ريحانه وركضوا مع بعض قبل ما حتى تكمل ردها....
ظلوا يلعبون كثيير لحد ما جاء وقت الغذاء ونادتهم ريام عشان يتغذوا
لفت حياه لأخواتها: ماما تنادينا يلا بنات
مشوا البنات بإتجاه البيت وكانت بتلحقهم ريحانة بس وقف بهاج ونادى عليها: ريحانه..
لفت له ريحانه: إيش بهاج
بهاج: تبين تلعبين كره احسن مني؟!
ريحانه: كيف يعني؟
تقدم منها بهاج: يعني تبغين تكسبيهم كلهم حتى أنا..
توسعت عينين ريحانه: أيي اي تكفى بهاج بس كيف أنا حتى ما أعرف أشوط الكوره
بهاج: أبشري بعد الغذاء إن شاء الله بعلمك كيف تلعبين
ريحانه: أوكي أوكي بهاج باااي.. ما روح أتأخر...
أنتهت ريحانه من أكلها بسرعه وعلى طول تركت صحنها عشان تروح لبهاج..
لفت لها ريام: طيب كملي أكل
ريحانه: شبعت والله..
خرجت ريحانه من البيت وراحت على بيت خالتها نعيمة الي كانت جمب بيتهم مره
خبطت على الباب وفتحت نعيمه: ريحانه! كيفك يا عمري أدخلي
ابتسمت ريحانه: بخير الحمد لله يا خالة..كنت بس ابغى بهاج
طلع بهاج من غرفته على صوتها: خلصتي أكل؟
لفت له ريحانه: أي
لفت له نعيمة: وين بتروحون؟
لف لأمه: بنلعب شوي وبنجي
لعبت نعيمة بشعر ريحانه ولفت لبهاج: طيب حبيبي ريحانه في أمانتك لا تنسى
قرب شوي وهمس لأمه: أكيد
أنت تقرأ
لو الخلايق على حبك تنازعني يبطون
Romanceيا سعود إن ما جابه الشُوق وشلون بتجيبه مكاتيبي؟. يا سعود عاقني حُبه عن المحبين من يفك القلب منّه. مرت سنين يا سعود ما فارق البال له في حنايا الروح روحي وجيّه. والم...
